TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ל״ד:ד׳בערך תקפ״ט לפנה״ס
אך שמע דבר יהוה צדקיהו מלך יהודה כה אמר יהוה עליך לא תמות בחרב׃
- יִרְמְיָהוּ ל״ד:ה׳בערך תקפ״ט לפנה״ס
בשלום תמות וכמשרפות אבותיך המלכים הראשנים אשר היו לפניך כן ישרפו לך והוי אדון יספדו לך כי דבר אני דברתי נאם יהוה׃
- יִרְמְיָהוּ ל״ד:ו׳בערך תקפ״ט לפנה״ס
וידבר ירמיהו הנביא אל צדקיהו מלך יהודה את כל הדברים האלה בירושלם׃
- יִרְמְיָהוּ ל״ד:ז׳בערך תקפ״ט לפנה״ס
וחיל מלך בבל נלחמים על ירושלם ועל כל ערי יהודה הנותרות אל לכיש ואל עזקה כי הנה נשארו בערי יהודה ערי מבצר׃
- יִרְמְיָהוּ ל״ד:ח׳בערך תקפ״ט לפנה״ס
הדבר אשר היה אל ירמיהו מאת יהוה אחרי כרת המלך צדקיהו ברית את כל העם אשר בירושלם לקרא להם דרור׃
- יִרְמְיָהוּ ל״ד:ט׳בערך תקפ״ט לפנה״ס
לשלח איש את עבדו ואיש את שפחתו העברי והעבריה חפשים לבלתי עבד בם ביהודי אחיהו איש׃
- יִרְמְיָהוּ ל״ד:י׳בערך תקפ״ט לפנה״ס
וישמעו כל השרים וכל העם אשר באו בברית לשלח איש את עבדו ואיש את שפחתו חפשים לבלתי עבד בם עוד וישמעו וישלחו׃
- יִרְמְיָהוּ ל״ד:י״אבערך תקפ״ט לפנה״ס
וישובו אחרי כן וישבו את העבדים ואת השפחות אשר שלחו חפשים ויכבישום לעבדים ולשפחות׃
- יִרְמְיָהוּ ל״ד:י״בבערך תקפ״ט לפנה״ס
ויהי דבר יהוה אל ירמיהו מאת יהוה לאמר׃
- יִרְמְיָהוּ ל״ד:י״גבערך תקפ״ט לפנה״ס
כה אמר יהוה אלהי ישראל אנכי כרתי ברית את אבותיכם ביום הוצאי אותם מארץ מצרים מבית עבדים לאמר׃
- יִרְמְיָהוּ ל״ד:י״דבערך תקפ״ט לפנה״ס
מקץ שבע שנים תשלחו איש את אחיו העברי אשר ימכר לך ועבדך שש שנים ושלחתו חפשי מעמך ולא שמעו אבותיכם אלי ולא הטו את אזנם׃
- יִרְמְיָהוּ ל״ד:ט״ובערך תקפ״ט לפנה״ס
ותשבו אתם היום ותעשו את הישר בעיני לקרא דרור איש לרעהו ותכרתו ברית לפני בבית אשר נקרא שמי עליו׃
- יִרְמְיָהוּ ל״ד:ט״זבערך תקפ״ט לפנה״ס
ותשבו ותחללו את שמי ותשבו איש את עבדו ואיש את שפחתו אשר שלחתם חפשים לנפשם ותכבשו אתם להיות לכם לעבדים ולשפחות׃
- יִרְמְיָהוּ ל״ד:י״זבערך תקפ״ט לפנה״ס
לכן כה אמר יהוה אתם לא שמעתם אלי לקרא דרור איש לאחיו ואיש לרעהו הנני קרא לכם דרור נאם יהוה אל החרב אל הדבר ואל הרעב ונתתי אתכם לזועה לכל ממלכות הארץ׃
- יִרְמְיָהוּ ל״ד:י״חבערך תקפ״ט לפנה״ס
ונתתי את האנשים העברים את ברתי אשר לא הקימו את דברי הברית אשר כרתו לפני העגל אשר כרתו לשנים ויעברו בין בתריו׃
- יִרְמְיָהוּ ל״ד:י״טבערך תקפ״ט לפנה״ס
שרי יהודה ושרי ירושלם הסרסים והכהנים וכל עם הארץ העברים בין בתרי העגל׃
- יִרְמְיָהוּ ל״ד:כ׳בערך תקפ״ט לפנה״ס
ונתתי אותם ביד איביהם וביד מבקשי נפשם והיתה נבלתם למאכל לעוף השמים ולבהמת הארץ׃
- יִרְמְיָהוּ ל״ד:כ״אבערך תקפ״ט לפנה״ס
ואת צדקיהו מלך יהודה ואת שריו אתן ביד איביהם וביד מבקשי נפשם וביד חיל מלך בבל העלים מעליכם׃
- יִרְמְיָהוּ ל״ד:כ״בבערך תקפ״ט לפנה״ס
הנני מצוה נאם יהוה והשבתים אל העיר הזאת ונלחמו עליה ולכדוה ושרפה באש ואת ערי יהודה אתן שממה מאין ישב׃
- יִרְמְיָהוּ ל״ה:א׳בערך תר״ז לפנה״ס
¶ הדבר אשר היה אל ירמיהו מאת יהוה בימי יהויקים בן יאשיהו מלך יהודה לאמר׃
- יִרְמְיָהוּ ל״ה:ב׳בערך תר״ז לפנה״ס
הלוך אל בית הרכבים ודברת אותם והבאותם בית יהוה אל אחת הלשכות והשקית אותם יין׃
- יִרְמְיָהוּ ל״ה:ג׳בערך תר״ז לפנה״ס
ואקח את יאזניה בן ירמיהו בן חבצניה ואת אחיו ואת כל בניו ואת כל בית הרכבים׃
- יִרְמְיָהוּ ל״ה:ד׳בערך תר״ז לפנה״ס
ואבא אתם בית יהוה אל לשכת בני חנן בן יגדליהו איש האלהים אשר אצל לשכת השרים אשר ממעל ללשכת מעשיהו בן שלם שמר הסף׃
- יִרְמְיָהוּ ל״ה:ה׳בערך תר״ז לפנה״ס
ואתן לפני בני בית הרכבים גבעים מלאים יין וכסות ואמר אליהם שתו יין׃
- יִרְמְיָהוּ ל״ה:ו׳בערך תר״ז לפנה״ס
ויאמרו לא נשתה יין כי יונדב בן רכב אבינו צוה עלינו לאמר לא תשתו יין אתם ובניכם עד עולם׃