TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ל״ו:י״גבערך תר״ו לפנה״ס
ויגד להם מכיהו את כל הדברים אשר שמע בקרא ברוך בספר באזני העם׃
- יִרְמְיָהוּ ל״ו:י״דבערך תר״ו לפנה״ס
וישלחו כל השרים אל ברוך את יהודי בן נתניהו בן שלמיהו בן כושי לאמר המגלה אשר קראת בה באזני העם קחנה בידך ולך ויקח ברוך בן נריהו את המגלה בידו ויבא אליהם׃
- יִרְמְיָהוּ ל״ו:ט״ובערך תר״ו לפנה״ס
ויאמרו אליו שב נא וקראנה באזנינו ויקרא ברוך באזניהם׃
- יִרְמְיָהוּ ל״ו:ט״זבערך תר״ו לפנה״ס
ויהי כשמעם את כל הדברים פחדו איש אל רעהו ויאמרו אל ברוך הגיד נגיד למלך את כל הדברים האלה׃
- יִרְמְיָהוּ ל״ו:י״זבערך תר״ו לפנה״ס
ואת ברוך שאלו לאמר הגד נא לנו איך כתבת את כל הדברים האלה מפיו׃
- יִרְמְיָהוּ ל״ו:י״חבערך תר״ו לפנה״ס
ויאמר להם ברוך מפיו יקרא אלי את כל הדברים האלה ואני כתב על הספר בדיו׃
- יִרְמְיָהוּ ל״ו:י״טבערך תר״ו לפנה״ס
ויאמרו השרים אל ברוך לך הסתר אתה וירמיהו ואיש אל ידע איפה אתם׃
- יִרְמְיָהוּ ל״ו:כ׳בערך תר״ו לפנה״ס
ויבאו אל המלך חצרה ואת המגלה הפקדו בלשכת אלישמע הספר ויגידו באזני המלך את כל הדברים׃
- יִרְמְיָהוּ ל״ו:כ״אבערך תר״ו לפנה״ס
וישלח המלך את יהודי לקחת את המגלה ויקחה מלשכת אלישמע הספר ויקראה יהודי באזני המלך ובאזני כל השרים העמדים מעל המלך׃
- יִרְמְיָהוּ ל״ו:כ״בבערך תר״ו לפנה״ס
והמלך יושב בית החרף בחדש התשיעי ואת האח לפניו מבערת׃
- יִרְמְיָהוּ ל״ו:כ״גבערך תר״ו לפנה״ס
ויהי כקרוא יהודי שלש דלתות וארבעה יקרעה בתער הספר והשלך אל האש אשר אל האח עד תם כל המגלה על האש אשר על האח׃
- יִרְמְיָהוּ ל״ו:כ״דבערך תר״ו לפנה״ס
ולא פחדו ולא קרעו את בגדיהם המלך וכל עבדיו השמעים את כל הדברים האלה׃
- יִרְמְיָהוּ ל״ו:כ״הבערך תר״ו לפנה״ס
וגם אלנתן ודליהו וגמריהו הפגעו במלך לבלתי שרף את המגלה ולא שמע אליהם׃
- יִרְמְיָהוּ ל״ו:כ״ובערך תר״ו לפנה״ס
ויצוה המלך את ירחמאל בן המלך ואת שריהו בן עזריאל ואת שלמיהו בן עבדאל לקחת את ברוך הספר ואת ירמיהו הנביא ויסתרם יהוה׃
- יִרְמְיָהוּ ל״ו:כ״זבערך תר״ו לפנה״ס
ויהי דבר יהוה אל ירמיהו אחרי שרף המלך את המגלה ואת הדברים אשר כתב ברוך מפי ירמיהו לאמר׃
- יִרְמְיָהוּ ל״ו:כ״חבערך תר״ו לפנה״ס
שוב קח לך מגלה אחרת וכתב עליה את כל הדברים הראשנים אשר היו על המגלה הראשנה אשר שרף יהויקים מלך יהודה׃
- יִרְמְיָהוּ ל״ו:כ״טבערך תר״ו לפנה״ס
ועל יהויקים מלך יהודה תאמר כה אמר יהוה אתה שרפת את המגלה הזאת לאמר מדוע כתבת עליה לאמר בא יבוא מלך בבל והשחית את הארץ הזאת והשבית ממנה אדם ובהמה׃
- יִרְמְיָהוּ ל״ו:ל׳בערך תר״ו לפנה״ס
לכן כה אמר יהוה על יהויקים מלך יהודה לא יהיה לו יושב על כסא דוד ונבלתו תהיה משלכת לחרב ביום ולקרח בלילה׃
- יִרְמְיָהוּ ל״ו:ל״אבערך תר״ו לפנה״ס
ופקדתי עליו ועל זרעו ועל עבדיו את עונם והבאתי עליהם ועל ישבי ירושלם ואל איש יהודה את כל הרעה אשר דברתי אליהם ולא שמעו׃
- יִרְמְיָהוּ ל״ו:ל״בבערך תר״ו לפנה״ס
וירמיהו לקח מגלה אחרת ויתנה אל ברוך בן נריהו הספר ויכתב עליה מפי ירמיהו את כל דברי הספר אשר שרף יהויקים מלך יהודה באש ועוד נוסף עליהם דברים רבים כהמה׃
- יִרְמְיָהוּ ל״ז:א׳בערך תקצ״ח לפנה״ס
¶ וימלך מלך צדקיהו בן יאשיהו תחת כניהו בן יהויקים אשר המליך נבוכדראצר מלך בבל בארץ יהודה׃
- יִרְמְיָהוּ ל״ז:ב׳בערך תקצ״ח לפנה״ס
ולא שמע הוא ועבדיו ועם הארץ אל דברי יהוה אשר דבר ביד ירמיהו הנביא׃
- יִרְמְיָהוּ ל״ז:ג׳בערך תקצ״ח לפנה״ס
וישלח המלך צדקיהו את יהוכל בן שלמיה ואת צפניהו בן מעשיה הכהן אל ירמיהו הנביא לאמר התפלל נא בעדנו אל יהוה אלהינו׃
- יִרְמְיָהוּ ל״ז:ד׳בערך תקצ״ח לפנה״ס
וירמיהו בא ויצא בתוך העם ולא נתנו אתו בית הכליא׃
- יִרְמְיָהוּ ל״ז:ה׳בערך תקצ״ח לפנה״ס
וחיל פרעה יצא ממצרים וישמעו הכשדים הצרים על ירושלם את שמעם ויעלו מעל ירושלם׃