TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ל״ז:ו׳בערך תקצ״ח לפנה״ס
ויהי דבר יהוה אל ירמיהו הנביא לאמר׃
- יִרְמְיָהוּ ל״ז:ז׳בערך תקצ״ח לפנה״ס
כה אמר יהוה אלהי ישראל כה תאמרו אל מלך יהודה השלח אתכם אלי לדרשני הנה חיל פרעה היצא לכם לעזרה שב לארצו מצרים׃
- יִרְמְיָהוּ ל״ז:ח׳בערך תקצ״ח לפנה״ס
ושבו הכשדים ונלחמו על העיר הזאת ולכדה ושרפה באש׃
- יִרְמְיָהוּ ל״ז:ט׳בערך תקצ״ח לפנה״ס
כה אמר יהוה אל תשאו נפשתיכם לאמר הלך ילכו מעלינו הכשדים כי לא ילכו׃
- יִרְמְיָהוּ ל״ז:י׳בערך תקצ״ח לפנה״ס
כי אם הכיתם כל חיל כשדים הנלחמים אתכם ונשארו בם אנשים מדקרים איש באהלו יקומו ושרפו את העיר הזאת באש׃
- יִרְמְיָהוּ ל״ז:י״אבערך תקצ״ח לפנה״ס
והיה בהעלות חיל הכשדים מעל ירושלם מפני חיל פרעה׃
- יִרְמְיָהוּ ל״ז:י״בבערך תקצ״ח לפנה״ס
ויצא ירמיהו מירושלם ללכת ארץ בנימן לחלק משם בתוך העם׃
- יִרְמְיָהוּ ל״ז:י״גבערך תקצ״ח לפנה״ס
ויהי הוא בשער בנימן ושם בעל פקדת ושמו יראייה בן שלמיה בן חנניה ויתפש את ירמיהו הנביא לאמר אל הכשדים אתה נפל׃
- יִרְמְיָהוּ ל״ז:י״דבערך תקצ״ח לפנה״ס
ויאמר ירמיהו שקר אינני נפל על הכשדים ולא שמע אליו ויתפש יראייה בירמיהו ויבאהו אל השרים׃
- יִרְמְיָהוּ ל״ז:ט״ובערך תקצ״ח לפנה״ס
ויקצפו השרים על ירמיהו והכו אתו ונתנו אותו בית האסור בית יהונתן הספר כי אתו עשו לבית הכלא׃
- יִרְמְיָהוּ ל״ז:ט״זבערך תקפ״ט לפנה״ס
כי בא ירמיהו אל בית הבור ואל החניות וישב שם ירמיהו ימים רבים׃
- יִרְמְיָהוּ ל״ז:י״זבערך תקפ״ט לפנה״ס
וישלח המלך צדקיהו ויקחהו וישאלהו המלך בביתו בסתר ויאמר היש דבר מאת יהוה ויאמר ירמיהו יש ויאמר ביד מלך בבל תנתן׃
- יִרְמְיָהוּ ל״ז:י״חבערך תקפ״ט לפנה״ס
ויאמר ירמיהו אל המלך צדקיהו מה חטאתי לך ולעבדיך ולעם הזה כי נתתם אותי אל בית הכלא׃
- יִרְמְיָהוּ ל״ז:י״טבערך תקפ״ט לפנה״ס
ואיו נביאיכם אשר נבאו לכם לאמר לא יבא מלך בבל עליכם ועל הארץ הזאת׃
- יִרְמְיָהוּ ל״ז:כ׳בערך תקפ״ט לפנה״ס
ועתה שמע נא אדני המלך תפל נא תחנתי לפניך ואל תשבני בית יהונתן הספר ולא אמות שם׃
- יִרְמְיָהוּ ל״ז:כ״אבערך תקפ״ט לפנה״ס
ויצוה המלך צדקיהו ויפקדו את ירמיהו בחצר המטרה ונתן לו ככר לחם ליום מחוץ האפים עד תם כל הלחם מן העיר וישב ירמיהו בחצר המטרה׃
- יִרְמְיָהוּ ל״ח:א׳בערך תקצ״ח לפנה״ס
¶ וישמע שפטיה בן מתן וגדליהו בן פשחור ויוכל בן שלמיהו ופשחור בן מלכיה את הדברים אשר ירמיהו מדבר אל כל העם לאמר׃
- יִרְמְיָהוּ ל״ח:ב׳בערך תקצ״ח לפנה״ס
כה אמר יהוה הישב בעיר הזאת ימות בחרב ברעב ובדבר והיצא אל הכשדים יחיה והיתה לו נפשו לשלל וחי׃
- יִרְמְיָהוּ ל״ח:ג׳בערך תקצ״ח לפנה״ס
כה אמר יהוה הנתן תנתן העיר הזאת ביד חיל מלך בבל ולכדה׃
- יִרְמְיָהוּ ל״ח:ד׳בערך תקצ״ח לפנה״ס
ויאמרו השרים אל המלך יומת נא את האיש הזה כי על כן הוא מרפא את ידי אנשי המלחמה הנשארים בעיר הזאת ואת ידי כל העם לדבר אליהם כדברים האלה כי האיש הזה איננו דרש לשלום לעם הזה כי אם לרעה׃
- יִרְמְיָהוּ ל״ח:ה׳בערך תקצ״ח לפנה״ס
ויאמר המלך צדקיהו הנה הוא בידכם כי אין המלך יוכל אתכם דבר׃
- יִרְמְיָהוּ ל״ח:ו׳בערך תקצ״ח לפנה״ס
ויקחו את ירמיהו וישלכו אתו אל הבור מלכיהו בן המלך אשר בחצר המטרה וישלחו את ירמיהו בחבלים ובבור אין מים כי אם טיט ויטבע ירמיהו בטיט׃
- יִרְמְיָהוּ ל״ח:ז׳בערך תקצ״ח לפנה״ס
וישמע עבד מלך הכושי איש סריס והוא בבית המלך כי נתנו את ירמיהו אל הבור והמלך יושב בשער בנימן׃
- יִרְמְיָהוּ ל״ח:ח׳בערך תקצ״ח לפנה״ס
ויצא עבד מלך מבית המלך וידבר אל המלך לאמר׃
- יִרְמְיָהוּ ל״ח:ט׳בערך תקצ״ח לפנה״ס
אדני המלך הרעו האנשים האלה את כל אשר עשו לירמיהו הנביא את אשר השליכו אל הבור וימת תחתיו מפני הרעב כי אין הלחם עוד בעיר׃