TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ל״ח:י׳בערך תקצ״ח לפנה״ס
ויצוה המלך את עבד מלך הכושי לאמר קח בידך מזה שלשים אנשים והעלית את ירמיהו הנביא מן הבור בטרם ימות׃
- יִרְמְיָהוּ ל״ח:י״אבערך תקצ״ח לפנה״ס
ויקח עבד מלך את האנשים בידו ויבא בית המלך אל תחת האוצר ויקח משם בלוי הסחבות ובלוי מלחים וישלחם אל ירמיהו אל הבור בחבלים׃
- יִרְמְיָהוּ ל״ח:י״בבערך תקצ״ח לפנה״ס
ויאמר עבד מלך הכושי אל ירמיהו שים נא בלואי הסחבות והמלחים תחת אצלות ידיך מתחת לחבלים ויעש ירמיהו כן׃
- יִרְמְיָהוּ ל״ח:י״גבערך תקצ״ח לפנה״ס
וימשכו את ירמיהו בחבלים ויעלו אתו מן הבור וישב ירמיהו בחצר המטרה׃
- יִרְמְיָהוּ ל״ח:י״דבערך תקצ״ח לפנה״ס
וישלח המלך צדקיהו ויקח את ירמיהו הנביא אליו אל מבוא השלישי אשר בבית יהוה ויאמר המלך אל ירמיהו שאל אני אתך דבר אל תכחד ממני דבר׃
- יִרְמְיָהוּ ל״ח:ט״ובערך תקצ״ח לפנה״ס
ויאמר ירמיהו אל צדקיהו כי אגיד לך הלוא המת תמיתני וכי איעצך לא תשמע אלי׃
- יִרְמְיָהוּ ל״ח:ט״זבערך תקצ״ח לפנה״ס
וישבע המלך צדקיהו אל ירמיהו בסתר לאמר חי יהוה את אשר עשה לנו את הנפש הזאת אם אמיתך ואם אתנך ביד האנשים האלה אשר מבקשים את נפשך׃
- יִרְמְיָהוּ ל״ח:י״זבערך תקצ״ח לפנה״ס
ויאמר ירמיהו אל צדקיהו כה אמר יהוה אלהי צבאות אלהי ישראל אם יצא תצא אל שרי מלך בבל וחיתה נפשך והעיר הזאת לא תשרף באש וחיתה אתה וביתך׃
- יִרְמְיָהוּ ל״ח:י״חבערך תקצ״ח לפנה״ס
ואם לא תצא אל שרי מלך בבל ונתנה העיר הזאת ביד הכשדים ושרפוה באש ואתה לא תמלט מידם׃
- יִרְמְיָהוּ ל״ח:י״טבערך תקצ״ח לפנה״ס
ויאמר המלך צדקיהו אל ירמיהו אני דאג את היהודים אשר נפלו אל הכשדים פן יתנו אתי בידם והתעללו בי׃
- יִרְמְיָהוּ ל״ח:כ׳בערך תקצ״ח לפנה״ס
ויאמר ירמיהו לא יתנו שמע נא בקול יהוה לאשר אני דבר אליך וייטב לך ותחי נפשך׃
- יִרְמְיָהוּ ל״ח:כ״אבערך תקצ״ח לפנה״ס
ואם מאן אתה לצאת זה הדבר אשר הראני יהוה׃
- יִרְמְיָהוּ ל״ח:כ״בבערך תקצ״ח לפנה״ס
והנה כל הנשים אשר נשארו בבית מלך יהודה מוצאות אל שרי מלך בבל והנה אמרות הסיתוך ויכלו לך אנשי שלמך הטבעו בבץ רגלך נסגו אחור׃
- יִרְמְיָהוּ ל״ח:כ״גבערך תקצ״ח לפנה״ס
ואת כל נשיך ואת בניך מוצאים אל הכשדים ואתה לא תמלט מידם כי ביד מלך בבל תתפש ואת העיר הזאת תשרף באש׃
- יִרְמְיָהוּ ל״ח:כ״דבערך תקצ״ח לפנה״ס
ויאמר צדקיהו אל ירמיהו איש אל ידע בדברים האלה ולא תמות׃
- יִרְמְיָהוּ ל״ח:כ״הבערך תקצ״ח לפנה״ס
וכי ישמעו השרים כי דברתי אתך ובאו אליך ואמרו אליך הגידה נא לנו מה דברת אל המלך אל תכחד ממנו ולא נמיתך ומה דבר אליך המלך׃
- יִרְמְיָהוּ ל״ח:כ״ובערך תקצ״ח לפנה״ס
ואמרת אליהם מפיל אני תחנתי לפני המלך לבלתי השיבני בית יהונתן למות שם׃
- יִרְמְיָהוּ ל״ח:כ״זבערך תקצ״ח לפנה״ס
ויבאו כל השרים אל ירמיהו וישאלו אתו ויגד להם ככל הדברים האלה אשר צוה המלך ויחרשו ממנו כי לא נשמע הדבר׃
- יִרְמְיָהוּ ל״ח:כ״חבערך תקצ״ח לפנה״ס
וישב ירמיהו בחצר המטרה עד יום אשר נלכדה ירושלם והיה כאשר נלכדה ירושלם׃
- יִרְמְיָהוּ ל״ט:א׳בערך תק״צ לפנה״ס
¶ בשנה התשעית לצדקיהו מלך יהודה בחדש העשרי בא נבוכדראצר מלך בבל וכל חילו אל ירושלם ויצרו עליה׃
- יִרְמְיָהוּ ל״ט:ב׳בערך תקפ״ח לפנה״ס
בעשתי עשרה שנה לצדקיהו בחדש הרביעי בתשעה לחדש הבקעה העיר׃
- יִרְמְיָהוּ ל״ט:ג׳בערך תקפ״ח לפנה״ס
ויבאו כל שרי מלך בבל וישבו בשער התוך נרגל שר אצר סמגר נבו שר סכים רב סריס נרגל שר אצר רב מג וכל שארית שרי מלך בבל׃
- יִרְמְיָהוּ ל״ט:ד׳בערך תקפ״ח לפנה״ס
ויהי כאשר ראם צדקיהו מלך יהודה וכל אנשי המלחמה ויברחו ויצאו לילה מן העיר דרך גן המלך בשער בין החמתים ויצא דרך הערבה׃
- יִרְמְיָהוּ ל״ט:ה׳בערך תקפ״ח לפנה״ס
וירדפו חיל כשדים אחריהם וישגו את צדקיהו בערבות ירחו ויקחו אתו ויעלהו אל נבוכדראצר מלך בבל רבלתה בארץ חמת וידבר אתו משפטים׃
- יִרְמְיָהוּ ל״ט:ו׳בערך תקפ״ח לפנה״ס
וישחט מלך בבל את בני צדקיהו ברבלה לעיניו ואת כל חרי יהודה שחט מלך בבל׃