TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ל״ט:ז׳בערך תקפ״ח לפנה״ס
ואת עיני צדקיהו עור ויאסרהו בנחשתים לביא אתו בבלה׃
- יִרְמְיָהוּ ל״ט:ח׳בערך תקפ״ח לפנה״ס
ואת בית המלך ואת בית העם שרפו הכשדים באש ואת חמות ירושלם נתצו׃
- יִרְמְיָהוּ ל״ט:ט׳בערך תקפ״ח לפנה״ס
ואת יתר העם הנשארים בעיר ואת הנפלים אשר נפלו עליו ואת יתר העם הנשארים הגלה נבוזר אדן רב טבחים בבל׃
- יִרְמְיָהוּ ל״ט:י׳בערך תקפ״ח לפנה״ס
ומן העם הדלים אשר אין להם מאומה השאיר נבוזראדן רב טבחים בארץ יהודה ויתן להם כרמים ויגבים ביום ההוא׃
- יִרְמְיָהוּ ל״ט:י״אבערך תקפ״ח לפנה״ס
ויצו נבוכדראצר מלך בבל על ירמיהו ביד נבוזראדן רב טבחים לאמר׃
- יִרְמְיָהוּ ל״ט:י״בבערך תקפ״ח לפנה״ס
קחנו ועיניך שים עליו ואל תעש לו מאומה רע כי אם כאשר ידבר אליך כן עשה עמו׃
- יִרְמְיָהוּ ל״ט:י״גבערך תקפ״ח לפנה״ס
וישלח נבוזראדן רב טבחים ונבושזבן רב סריס ונרגל שר אצר רב מג וכל רבי מלך בבל׃
- יִרְמְיָהוּ ל״ט:י״דבערך תקפ״ח לפנה״ס
וישלחו ויקחו את ירמיהו מחצר המטרה ויתנו אתו אל גדליהו בן אחיקם בן שפן להוצאהו אל הבית וישב בתוך העם׃
- יִרְמְיָהוּ ל״ט:ט״ובערך תקפ״ח לפנה״ס
ואל ירמיהו היה דבר יהוה בהיתו עצור בחצר המטרה לאמר׃
- יִרְמְיָהוּ ל״ט:ט״זבערך תקפ״ח לפנה״ס
הלוך ואמרת לעבד מלך הכושי לאמר כה אמר יהוה צבאות אלהי ישראל הנני מבי את דברי אל העיר הזאת לרעה ולא לטובה והיו לפניך ביום ההוא׃
- יִרְמְיָהוּ ל״ט:י״זבערך תקפ״ח לפנה״ס
והצלתיך ביום ההוא נאם יהוה ולא תנתן ביד האנשים אשר אתה יגור מפניהם׃
- יִרְמְיָהוּ ל״ט:י״חבערך תקפ״ח לפנה״ס
כי מלט אמלטך ובחרב לא תפל והיתה לך נפשך לשלל כי בטחת בי נאם יהוה׃
- יִרְמְיָהוּ מ׳:א׳בערך תקפ״ח לפנה״ס
¶ הדבר אשר היה אל ירמיהו מאת יהוה אחר שלח אתו נבוזראדן רב טבחים מן הרמה בקחתו אתו והוא אסור באזקים בתוך כל גלות ירושלם ויהודה המגלים בבלה׃
- יִרְמְיָהוּ מ׳:ב׳בערך תקפ״ח לפנה״ס
ויקח רב טבחים לירמיהו ויאמר אליו יהוה אלהיך דבר את הרעה הזאת אל המקום הזה׃
- יִרְמְיָהוּ מ׳:ג׳בערך תקפ״ח לפנה״ס
ויבא ויעש יהוה כאשר דבר כי חטאתם ליהוה ולא שמעתם בקולו והיה לכם דבר הזה׃
- יִרְמְיָהוּ מ׳:ד׳בערך תקפ״ח לפנה״ס
ועתה הנה פתחתיך היום מן האזקים אשר על ידך אם טוב בעיניך לבוא אתי בבל בא ואשים את עיני עליך ואם רע בעיניך לבוא אתי בבל חדל ראה כל הארץ לפניך אל טוב ואל הישר בעיניך ללכת שמה לך׃
- יִרְמְיָהוּ מ׳:ה׳בערך תקפ״ח לפנה״ס
ועודנו לא ישוב ושבה אל גדליה בן אחיקם בן שפן אשר הפקיד מלך בבל בערי יהודה ושב אתו בתוך העם או אל כל הישר בעיניך ללכת לך ויתן לו רב טבחים ארחה ומשאת וישלחהו׃
- יִרְמְיָהוּ מ׳:ו׳בערך תקפ״ח לפנה״ס
ויבא ירמיהו אל גדליה בן אחיקם המצפתה וישב אתו בתוך העם הנשארים בארץ׃
- יִרְמְיָהוּ מ׳:ז׳בערך תקפ״ח לפנה״ס
וישמעו כל שרי החילים אשר בשדה המה ואנשיהם כי הפקיד מלך בבל את גדליהו בן אחיקם בארץ וכי הפקיד אתו אנשים ונשים וטף ומדלת הארץ מאשר לא הגלו בבלה׃
- יִרְמְיָהוּ מ׳:ח׳בערך תקפ״ח לפנה״ס
ויבאו אל גדליה המצפתה וישמעאל בן נתניהו ויוחנן ויונתן בני קרח ושריה בן תנחמת ובני עופי הנטפתי ויזניהו בן המעכתי המה ואנשיהם׃
- יִרְמְיָהוּ מ׳:ט׳בערך תקפ״ח לפנה״ס
וישבע להם גדליהו בן אחיקם בן שפן ולאנשיהם לאמר אל תיראו מעבוד הכשדים שבו בארץ ועבדו את מלך בבל וייטב לכם׃
- יִרְמְיָהוּ מ׳:י׳בערך תקפ״ח לפנה״ס
ואני הנני ישב במצפה לעמד לפני הכשדים אשר יבאו אלינו ואתם אספו יין וקיץ ושמן ושמו בכליכם ושבו בעריכם אשר תפשתם׃
- יִרְמְיָהוּ מ׳:י״אבערך תקפ״ח לפנה״ס
וגם כל היהודים אשר במואב ובבני עמון ובאדום ואשר בכל הארצות שמעו כי נתן מלך בבל שארית ליהודה וכי הפקיד עליהם את גדליהו בן אחיקם בן שפן׃
- יִרְמְיָהוּ מ׳:י״בבערך תקפ״ח לפנה״ס
וישבו כל היהודים מכל המקמות אשר נדחו שם ויבאו ארץ יהודה אל גדליהו המצפתה ויאספו יין וקיץ הרבה מאד׃
- יִרְמְיָהוּ מ׳:י״גבערך תקפ״ח לפנה״ס
ויוחנן בן קרח וכל שרי החילים אשר בשדה באו אל גדליהו המצפתה׃