TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ מ״ב:ה׳בערך תקפ״ח לפנה״ס
והמה אמרו אל ירמיהו יהי יהוה בנו לעד אמת ונאמן אם לא ככל הדבר אשר ישלחך יהוה אלהיך אלינו כן נעשה׃
- יִרְמְיָהוּ מ״ב:ו׳בערך תקפ״ח לפנה״ס
אם טוב ואם רע בקול יהוה אלהינו אשר אנו שלחים אתך אליו נשמע למען אשר ייטב לנו כי נשמע בקול יהוה אלהינו׃
- יִרְמְיָהוּ מ״ב:ז׳בערך תקפ״ח לפנה״ס
ויהי מקץ עשרת ימים ויהי דבר יהוה אל ירמיהו׃
- יִרְמְיָהוּ מ״ב:ח׳בערך תקפ״ח לפנה״ס
ויקרא אל יוחנן בן קרח ואל כל שרי החילים אשר אתו ולכל העם למקטן ועד גדול׃
- יִרְמְיָהוּ מ״ב:ט׳בערך תקפ״ח לפנה״ס
ויאמר אליהם כה אמר יהוה אלהי ישראל אשר שלחתם אתי אליו להפיל תחנתכם לפניו׃
- יִרְמְיָהוּ מ״ב:י׳בערך תקפ״ח לפנה״ס
אם שוב תשבו בארץ הזאת ובניתי אתכם ולא אהרס ונטעתי אתכם ולא אתוש כי נחמתי אל הרעה אשר עשיתי לכם׃
- יִרְמְיָהוּ מ״ב:י״אבערך תקפ״ח לפנה״ס
אל תיראו מפני מלך בבל אשר אתם יראים מפניו אל תיראו ממנו נאם יהוה כי אתכם אני להושיע אתכם ולהציל אתכם מידו׃
- יִרְמְיָהוּ מ״ב:י״בבערך תקפ״ח לפנה״ס
ואתן לכם רחמים ורחם אתכם והשיב אתכם אל אדמתכם׃
- יִרְמְיָהוּ מ״ב:י״גבערך תקפ״ח לפנה״ס
ואם אמרים אתם לא נשב בארץ הזאת לבלתי שמע בקול יהוה אלהיכם׃
- יִרְמְיָהוּ מ״ב:י״דבערך תקפ״ח לפנה״ס
לאמר לא כי ארץ מצרים נבוא אשר לא נראה מלחמה וקול שופר לא נשמע וללחם לא נרעב ושם נשב׃
- יִרְמְיָהוּ מ״ב:ט״ובערך תקפ״ח לפנה״ס
ועתה לכן שמעו דבר יהוה שארית יהודה כה אמר יהוה צבאות אלהי ישראל אם אתם שום תשמון פניכם לבא מצרים ובאתם לגור שם׃
- יִרְמְיָהוּ מ״ב:ט״זבערך תקפ״ח לפנה״ס
והיתה החרב אשר אתם יראים ממנה שם תשיג אתכם בארץ מצרים והרעב אשר אתם דאגים ממנו שם ידבק אחריכם מצרים ושם תמתו׃
- יִרְמְיָהוּ מ״ב:י״זבערך תקפ״ח לפנה״ס
ויהיו כל האנשים אשר שמו את פניהם לבוא מצרים לגור שם ימותו בחרב ברעב ובדבר ולא יהיה להם שריד ופליט מפני הרעה אשר אני מביא עליהם׃
- יִרְמְיָהוּ מ״ב:י״חבערך תקפ״ח לפנה״ס
כי כה אמר יהוה צבאות אלהי ישראל כאשר נתך אפי וחמתי על ישבי ירושלם כן תתך חמתי עליכם בבאכם מצרים והייתם לאלה ולשמה ולקללה ולחרפה ולא תראו עוד את המקום הזה׃
- יִרְמְיָהוּ מ״ב:י״טבערך תקפ״ח לפנה״ס
דבר יהוה עליכם שארית יהודה אל תבאו מצרים ידע תדעו כי העידתי בכם היום׃
- יִרְמְיָהוּ מ״ב:כ׳בערך תקפ״ח לפנה״ס
כי התעתים בנפשותיכם כי אתם שלחתם אתי אל יהוה אלהיכם לאמר התפלל בעדנו אל יהוה אלהינו וככל אשר יאמר יהוה אלהינו כן הגד לנו ועשינו׃
- יִרְמְיָהוּ מ״ב:כ״אבערך תקפ״ח לפנה״ס
ואגד לכם היום ולא שמעתם בקול יהוה אלהיכם ולכל אשר שלחני אליכם׃
- יִרְמְיָהוּ מ״ב:כ״בבערך תקפ״ח לפנה״ס
ועתה ידע תדעו כי בחרב ברעב ובדבר תמותו במקום אשר חפצתם לבוא לגור שם׃
- יִרְמְיָהוּ מ״ג:א׳בערך תקפ״ח לפנה״ס
¶ ויהי ככלות ירמיהו לדבר אל כל העם את כל דברי יהוה אלהיהם אשר שלחו יהוה אלהיהם אליהם את כל הדברים האלה׃
- יִרְמְיָהוּ מ״ג:ב׳בערך תקפ״ח לפנה״ס
ויאמר עזריה בן הושעיה ויוחנן בן קרח וכל האנשים הזדים אמרים אל ירמיהו שקר אתה מדבר לא שלחך יהוה אלהינו לאמר לא תבאו מצרים לגור שם׃
- יִרְמְיָהוּ מ״ג:ג׳בערך תקפ״ח לפנה״ס
כי ברוך בן נריה מסית אתך בנו למען תת אתנו ביד הכשדים להמית אתנו ולהגלות אתנו בבל׃
- יִרְמְיָהוּ מ״ג:ד׳בערך תקפ״ח לפנה״ס
ולא שמע יוחנן בן קרח וכל שרי החילים וכל העם בקול יהוה לשבת בארץ יהודה׃
- יִרְמְיָהוּ מ״ג:ה׳בערך תקפ״ח לפנה״ס
ויקח יוחנן בן קרח וכל שרי החילים את כל שארית יהודה אשר שבו מכל הגוים אשר נדחו שם לגור בארץ יהודה׃
- יִרְמְיָהוּ מ״ג:ו׳בערך תקפ״ח לפנה״ס
את הגברים ואת הנשים ואת הטף ואת בנות המלך ואת כל הנפש אשר הניח נבוזראדן רב טבחים את גדליהו בן אחיקם בן שפן ואת ירמיהו הנביא ואת ברוך בן נריהו׃
- יִרְמְיָהוּ מ״ג:ז׳בערך תקפ״ח לפנה״ס
ויבאו ארץ מצרים כי לא שמעו בקול יהוה ויבאו עד תחפנחס׃