TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ מ״ג:ח׳בערך תקפ״ח לפנה״ס
ויהי דבר יהוה אל ירמיהו בתחפנחס לאמר׃
- יִרְמְיָהוּ מ״ג:ט׳בערך תקפ״ח לפנה״ס
קח בידך אבנים גדלות וטמנתם במלט במלבן אשר בפתח בית פרעה בתחפנחס לעיני אנשים יהודים׃
- יִרְמְיָהוּ מ״ג:י׳בערך תקפ״ח לפנה״ס
ואמרת אליהם כה אמר יהוה צבאות אלהי ישראל הנני שלח ולקחתי את נבוכדראצר מלך בבל עבדי ושמתי כסאו ממעל לאבנים האלה אשר טמנתי ונטה את שפרורו עליהם׃
- יִרְמְיָהוּ מ״ג:י״אבערך תקפ״ח לפנה״ס
ובאה והכה את ארץ מצרים אשר למות למות ואשר לשבי לשבי ואשר לחרב לחרב׃
- יִרְמְיָהוּ מ״ג:י״בבערך תקפ״ח לפנה״ס
והצתי אש בבתי אלהי מצרים ושרפם ושבם ועטה את ארץ מצרים כאשר יעטה הרעה את בגדו ויצא משם בשלום׃
- יִרְמְיָהוּ מ״ג:י״גבערך תקפ״ח לפנה״ס
ושבר את מצבות בית שמש אשר בארץ מצרים ואת בתי אלהי מצרים ישרף באש׃
- יִרְמְיָהוּ מ״ד:א׳בערך תקפ״ז לפנה״ס
¶ הדבר אשר היה אל ירמיהו אל כל היהודים הישבים בארץ מצרים הישבים במגדל ובתחפנחס ובנף ובארץ פתרוס לאמר׃
- יִרְמְיָהוּ מ״ד:ב׳בערך תקפ״ז לפנה״ס
כה אמר יהוה צבאות אלהי ישראל אתם ראיתם את כל הרעה אשר הבאתי על ירושלם ועל כל ערי יהודה והנם חרבה היום הזה ואין בהם יושב׃
- יִרְמְיָהוּ מ״ד:ג׳בערך תקפ״ז לפנה״ס
מפני רעתם אשר עשו להכעסני ללכת לקטר לעבד לאלהים אחרים אשר לא ידעום המה אתם ואבתיכם׃
- יִרְמְיָהוּ מ״ד:ד׳בערך תקפ״ז לפנה״ס
ואשלח אליכם את כל עבדי הנביאים השכים ושלח לאמר אל נא תעשו את דבר התעבה הזאת אשר שנאתי׃
- יִרְמְיָהוּ מ״ד:ה׳בערך תקפ״ז לפנה״ס
ולא שמעו ולא הטו את אזנם לשוב מרעתם לבלתי קטר לאלהים אחרים׃
- יִרְמְיָהוּ מ״ד:ו׳בערך תקפ״ז לפנה״ס
ותתך חמתי ואפי ותבער בערי יהודה ובחצות ירושלם ותהיינה לחרבה לשממה כיום הזה׃
- יִרְמְיָהוּ מ״ד:ז׳בערך תקפ״ז לפנה״ס
ועתה כה אמר יהוה אלהי צבאות אלהי ישראל למה אתם עשים רעה גדולה אל נפשתכם להכרית לכם איש ואשה עולל ויונק מתוך יהודה לבלתי הותיר לכם שארית׃
- יִרְמְיָהוּ מ״ד:ח׳בערך תקפ״ז לפנה״ס
להכעסני במעשי ידיכם לקטר לאלהים אחרים בארץ מצרים אשר אתם באים לגור שם למען הכרית לכם ולמען היותכם לקללה ולחרפה בכל גויי הארץ׃
- יִרְמְיָהוּ מ״ד:ט׳בערך תקפ״ז לפנה״ס
השכחתם את רעות אבותיכם ואת רעות מלכי יהודה ואת רעות נשיו ואת רעתכם ואת רעת נשיכם אשר עשו בארץ יהודה ובחצות ירושלם׃
- יִרְמְיָהוּ מ״ד:י׳בערך תקפ״ז לפנה״ס
לא דכאו עד היום הזה ולא יראו ולא הלכו בתורתי ובחקתי אשר נתתי לפניכם ולפני אבותיכם׃
- יִרְמְיָהוּ מ״ד:י״אבערך תקפ״ז לפנה״ס
לכן כה אמר יהוה צבאות אלהי ישראל הנני שם פני בכם לרעה ולהכרית את כל יהודה׃
- יִרְמְיָהוּ מ״ד:י״בבערך תקפ״ז לפנה״ס
ולקחתי את שארית יהודה אשר שמו פניהם לבוא ארץ מצרים לגור שם ותמו כל בארץ מצרים יפלו בחרב ברעב יתמו מקטן ועד גדול בחרב וברעב ימתו והיו לאלה לשמה ולקללה ולחרפה׃
- יִרְמְיָהוּ מ״ד:י״גבערך תקפ״ז לפנה״ס
ופקדתי על היושבים בארץ מצרים כאשר פקדתי על ירושלם בחרב ברעב ובדבר׃
- יִרְמְיָהוּ מ״ד:י״דבערך תקפ״ז לפנה״ס
ולא יהיה פליט ושריד לשארית יהודה הבאים לגור שם בארץ מצרים ולשוב ארץ יהודה אשר המה מנשאים את נפשם לשוב לשבת שם כי לא ישובו כי אם פלטים׃
- יִרְמְיָהוּ מ״ד:ט״ובערך תקפ״ז לפנה״ס
ויענו את ירמיהו כל האנשים הידעים כי מקטרות נשיהם לאלהים אחרים וכל הנשים העמדות קהל גדול וכל העם הישבים בארץ מצרים בפתרוס לאמר׃
- יִרְמְיָהוּ מ״ד:ט״זבערך תקפ״ז לפנה״ס
הדבר אשר דברת אלינו בשם יהוה איננו שמעים אליך׃
- יִרְמְיָהוּ מ״ד:י״זבערך תקפ״ז לפנה״ס
כי עשה נעשה את כל הדבר אשר יצא מפינו לקטר למלכת השמים והסיך לה נסכים כאשר עשינו אנחנו ואבתינו מלכינו ושרינו בערי יהודה ובחצות ירושלם ונשבע לחם ונהיה טובים ורעה לא ראינו׃
- יִרְמְיָהוּ מ״ד:י״חבערך תקפ״ז לפנה״ס
ומן אז חדלנו לקטר למלכת השמים והסך לה נסכים חסרנו כל ובחרב וברעב תמנו׃
- יִרְמְיָהוּ מ״ד:י״טבערך תקפ״ז לפנה״ס
וכי אנחנו מקטרים למלכת השמים ולהסך לה נסכים המבלעדי אנשינו עשינו לה כונים להעצבה והסך לה נסכים׃