TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ מ״ד:כ׳בערך תקפ״ז לפנה״ס
ויאמר ירמיהו אל כל העם על הגברים ועל הנשים ועל כל העם הענים אתו דבר לאמר׃
- יִרְמְיָהוּ מ״ד:כ״אבערך תקפ״ז לפנה״ס
הלוא את הקטר אשר קטרתם בערי יהודה ובחצות ירושלם אתם ואבותיכם מלכיכם ושריכם ועם הארץ אתם זכר יהוה ותעלה על לבו׃
- יִרְמְיָהוּ מ״ד:כ״בבערך תקפ״ז לפנה״ס
ולא יוכל יהוה עוד לשאת מפני רע מעלליכם מפני התועבת אשר עשיתם ותהי ארצכם לחרבה ולשמה ולקללה מאין יושב כהיום הזה׃
- יִרְמְיָהוּ מ״ד:כ״גבערך תקפ״ז לפנה״ס
מפני אשר קטרתם ואשר חטאתם ליהוה ולא שמעתם בקול יהוה ובתרתו ובחקתיו ובעדותיו לא הלכתם על כן קראת אתכם הרעה הזאת כיום הזה׃
- יִרְמְיָהוּ מ״ד:כ״דבערך תקפ״ז לפנה״ס
ויאמר ירמיהו אל כל העם ואל כל הנשים שמעו דבר יהוה כל יהודה אשר בארץ מצרים׃
- יִרְמְיָהוּ מ״ד:כ״הבערך תקפ״ז לפנה״ס
כה אמר יהוה צבאות אלהי ישראל לאמר אתם ונשיכם ותדברנה בפיכם ובידיכם מלאתם לאמר עשה נעשה את נדרינו אשר נדרנו לקטר למלכת השמים ולהסך לה נסכים הקים תקימנה את נדריכם ועשה תעשינה את נדריכם׃
- יִרְמְיָהוּ מ״ד:כ״ובערך תקפ״ז לפנה״ס
לכן שמעו דבר יהוה כל יהודה הישבים בארץ מצרים הנני נשבעתי בשמי הגדול אמר יהוה אם יהיה עוד שמי נקרא בפי כל איש יהודה אמר חי אדני יהוה בכל ארץ מצרים׃
- יִרְמְיָהוּ מ״ד:כ״זבערך תקפ״ז לפנה״ס
הנני שקד עליהם לרעה ולא לטובה ותמו כל איש יהודה אשר בארץ מצרים בחרב וברעב עד כלותם׃
- יִרְמְיָהוּ מ״ד:כ״חבערך תקפ״ז לפנה״ס
ופליטי חרב ישבון מן ארץ מצרים ארץ יהודה מתי מספר וידעו כל שארית יהודה הבאים לארץ מצרים לגור שם דבר מי יקום ממני ומהם׃
- יִרְמְיָהוּ מ״ד:כ״טבערך תקפ״ז לפנה״ס
וזאת לכם האות נאם יהוה כי פקד אני עליכם במקום הזה למען תדעו כי קום יקומו דברי עליכם לרעה׃
- יִרְמְיָהוּ מ״ד:ל׳בערך תקפ״ז לפנה״ס
כה אמר יהוה הנני נתן את פרעה חפרע מלך מצרים ביד איביו וביד מבקשי נפשו כאשר נתתי את צדקיהו מלך יהודה ביד נבוכדראצר מלך בבל איבו ומבקש נפשו׃
- יִרְמְיָהוּ מ״ה:א׳בערך תר״ז לפנה״ס
¶ הדבר אשר דבר ירמיהו הנביא אל ברוך בן נריה בכתבו את הדברים האלה על ספר מפי ירמיהו בשנה הרבעית ליהויקים בן יאשיהו מלך יהודה לאמר׃
- יִרְמְיָהוּ מ״ה:ב׳בערך תר״ז לפנה״ס
כה אמר יהוה אלהי ישראל עליך ברוך׃
- יִרְמְיָהוּ מ״ה:ג׳בערך תר״ז לפנה״ס
אמרת אוי נא לי כי יסף יהוה יגון על מכאבי יגעתי באנחתי ומנוחה לא מצאתי׃
- יִרְמְיָהוּ מ״ה:ד׳בערך תר״ז לפנה״ס
כה תאמר אליו כה אמר יהוה הנה אשר בניתי אני הרס ואת אשר נטעתי אני נתש ואת כל הארץ היא׃
- יִרְמְיָהוּ מ״ה:ה׳בערך תר״ז לפנה״ס
ואתה תבקש לך גדלות אל תבקש כי הנני מביא רעה על כל בשר נאם יהוה ונתתי לך את נפשך לשלל על כל המקמות אשר תלך שם׃
- יִרְמְיָהוּ מ״ו:א׳בערך תר״ז לפנה״ס
¶ אשר היה דבר יהוה אל ירמיהו הנביא על הגוים׃
- יִרְמְיָהוּ מ״ו:ב׳בערך תר״ז לפנה״ס
למצרים על חיל פרעה נכו מלך מצרים אשר היה על נהר פרת בכרכמש אשר הכה נבוכדראצר מלך בבל בשנת הרביעית ליהויקים בן יאשיהו מלך יהודה׃
- יִרְמְיָהוּ מ״ו:ג׳בערך תר״ז לפנה״ס
ערכו מגן וצנה וגשו למלחמה׃
- יִרְמְיָהוּ מ״ו:ד׳בערך תר״ז לפנה״ס
אסרו הסוסים ועלו הפרשים והתיצבו בכובעים מרקו הרמחים לבשו הסרינת׃
- יִרְמְיָהוּ מ״ו:ה׳בערך תר״ז לפנה״ס
מדוע ראיתי המה חתים נסגים אחור וגבוריהם יכתו ומנוס נסו ולא הפנו מגור מסביב נאם יהוה׃
- יִרְמְיָהוּ מ״ו:ו׳בערך תר״ז לפנה״ס
אל ינוס הקל ואל ימלט הגבור צפונה על יד נהר פרת כשלו ונפלו׃
- יִרְמְיָהוּ מ״ו:ז׳בערך תר״ז לפנה״ס
מי זה כיאר יעלה כנהרות יתגעשו מימיו׃
- יִרְמְיָהוּ מ״ו:ח׳בערך תר״ז לפנה״ס
מצרים כיאר יעלה וכנהרות יתגעשו מים ויאמר אעלה אכסה ארץ אבידה עיר וישבי בה׃
- יִרְמְיָהוּ מ״ו:ט׳בערך תר״ז לפנה״ס
עלו הסוסים והתהללו הרכב ויצאו הגבורים כוש ופוט תפשי מגן ולודים תפשי דרכי קשת׃