TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
איך תשקטי ויהוה צוה לה אל אשקלון ואל חוף הים שם יעדה׃
- יִרְמְיָהוּ מ״ח:א׳בערך תקפ״ד לפנה״ס
¶ למואב כה אמר יהוה צבאות אלהי ישראל הוי אל נבו כי שדדה הבישה נלכדה קריתים הבישה המשגב וחתה׃
- יִרְמְיָהוּ מ״ח:ב׳בערך תקפ״ד לפנה״ס
אין עוד תהלת מואב בחשבון חשבו עליה רעה לכו ונכריתנה מגוי גם מדמן תדמי אחריך תלך חרב׃
- יִרְמְיָהוּ מ״ח:ג׳בערך תקפ״ד לפנה״ס
קול צעקה מחרונים שד ושבר גדול׃
- יִרְמְיָהוּ מ״ח:ד׳בערך תקפ״ד לפנה״ס
נשברה מואב השמיעו זעקה צעוריה׃
- יִרְמְיָהוּ מ״ח:ה׳בערך תקפ״ד לפנה״ס
כי מעלה הלחות בבכי יעלה בכי כי במורד חורנים צרי צעקת שבר שמעו׃
- יִרְמְיָהוּ מ״ח:ו׳בערך תקפ״ד לפנה״ס
נסו מלטו נפשכם ותהיינה כערוער במדבר׃
- יִרְמְיָהוּ מ״ח:ז׳בערך תקפ״ד לפנה״ס
כי יען בטחך במעשיך ובאוצרותיך גם את תלכדי ויצא כמיש בגולה כהניו ושריו יחד׃
- יִרְמְיָהוּ מ״ח:ח׳בערך תקפ״ד לפנה״ס
ויבא שדד אל כל עיר ועיר לא תמלט ואבד העמק ונשמד המישר אשר אמר יהוה׃
- יִרְמְיָהוּ מ״ח:ט׳בערך תקפ״ד לפנה״ס
תנו ציץ למואב כי נצא תצא ועריה לשמה תהיינה מאין יושב בהן׃
- יִרְמְיָהוּ מ״ח:י׳בערך תקפ״ד לפנה״ס
ארור עשה מלאכת יהוה רמיה וארור מנע חרבו מדם׃
- יִרְמְיָהוּ מ״ח:י״אבערך תקפ״ד לפנה״ס
שאנן מואב מנעוריו ושקט הוא אל שמריו ולא הורק מכלי אל כלי ובגולה לא הלך על כן עמד טעמו בו וריחו לא נמר׃
- יִרְמְיָהוּ מ״ח:י״בבערך תקפ״ד לפנה״ס
לכן הנה ימים באים נאם יהוה ושלחתי לו צעים וצעהו וכליו יריקו ונבליהם ינפצו׃
- יִרְמְיָהוּ מ״ח:י״גבערך תקפ״ד לפנה״ס
ובש מואב מכמוש כאשר בשו בית ישראל מבית אל מבטחם׃
- יִרְמְיָהוּ מ״ח:י״דבערך תקפ״ד לפנה״ס
איך תאמרו גבורים אנחנו ואנשי חיל למלחמה׃
- יִרְמְיָהוּ מ״ח:ט״ובערך תקפ״ד לפנה״ס
שדד מואב ועריה עלה ומבחר בחוריו ירדו לטבח נאם המלך יהוה צבאות שמו׃
- יִרְמְיָהוּ מ״ח:ט״זבערך תקפ״ד לפנה״ס
קרוב איד מואב לבוא ורעתו מהרה מאד׃
- יִרְמְיָהוּ מ״ח:י״זבערך תקפ״ד לפנה״ס
נדו לו כל סביביו וכל ידעי שמו אמרו איכה נשבר מטה עז מקל תפארה׃
- יִרְמְיָהוּ מ״ח:י״חבערך תקפ״ד לפנה״ס
רדי מכבוד ישבי בצמא ישבת בת דיבון כי שדד מואב עלה בך שחת מבצריך׃
- יִרְמְיָהוּ מ״ח:י״טבערך תקפ״ד לפנה״ס
אל דרך עמדי וצפי יושבת ערוער שאלי נס ונמלטה אמרי מה נהיתה׃
- יִרְמְיָהוּ מ״ח:כ׳בערך תקפ״ד לפנה״ס
הביש מואב כי חתה הילילי וזעקי הגידו בארנון כי שדד מואב׃
- יִרְמְיָהוּ מ״ח:כ״אבערך תקפ״ד לפנה״ס
ומשפט בא אל ארץ המישר אל חלון ואל יהצה ועל מופעת׃
- יִרְמְיָהוּ מ״ח:כ״בבערך תקפ״ד לפנה״ס
ועל דיבון ועל נבו ועל בית דבלתים׃
- יִרְמְיָהוּ מ״ח:כ״גבערך תקפ״ד לפנה״ס
ועל קריתים ועל בית גמול ועל בית מעון׃
- יִרְמְיָהוּ מ״ח:כ״דבערך תקפ״ד לפנה״ס
ועל קריות ועל בצרה ועל כל ערי ארץ מואב הרחקות והקרבות׃