TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ מ״ח:כ״הבערך תקפ״ד לפנה״ס
נגדעה קרן מואב וזרעו נשברה נאם יהוה׃
- יִרְמְיָהוּ מ״ח:כ״ובערך תקפ״ד לפנה״ס
השכירהו כי על יהוה הגדיל וספק מואב בקיאו והיה לשחק גם הוא׃
- יִרְמְיָהוּ מ״ח:כ״זבערך תקפ״ד לפנה״ס
ואם לוא השחק היה לך ישראל אם בגנבים נמצאה כי מדי דבריך בו תתנודד׃
- יִרְמְיָהוּ מ״ח:כ״חבערך תקפ״ד לפנה״ס
עזבו ערים ושכנו בסלע ישבי מואב והיו כיונה תקנן בעברי פי פחת׃
- יִרְמְיָהוּ מ״ח:כ״טבערך תקפ״ד לפנה״ס
שמענו גאון מואב גאה מאד גבהו וגאונו וגאותו ורם לבו׃
- יִרְמְיָהוּ מ״ח:ל׳בערך תקפ״ד לפנה״ס
אני ידעתי נאם יהוה עברתו ולא כן בדיו לא כן עשו׃
- יִרְמְיָהוּ מ״ח:ל״אבערך תקפ״ד לפנה״ס
על כן על מואב איליל ולמואב כלה אזעק אל אנשי קיר חרש יהגה׃
- יִרְמְיָהוּ מ״ח:ל״בבערך תקפ״ד לפנה״ס
מבכי יעזר אבכה לך הגפן שבמה נטישתיך עברו ים עד ים יעזר נגעו על קיצך ועל בצירך שדד נפל׃
- יִרְמְיָהוּ מ״ח:ל״גבערך תקפ״ד לפנה״ס
ונאספה שמחה וגיל מכרמל ומארץ מואב ויין מיקבים השבתי לא ידרך הידד הידד לא הידד׃
- יִרְמְיָהוּ מ״ח:ל״דבערך תקפ״ד לפנה״ס
מזעקת חשבון עד אלעלה עד יהץ נתנו קולם מצער עד חרנים עגלת שלשיה כי גם מי נמרים למשמות יהיו׃
- יִרְמְיָהוּ מ״ח:ל״הבערך תקפ״ד לפנה״ס
והשבתי למואב נאם יהוה מעלה במה ומקטיר לאלהיו׃
- יִרְמְיָהוּ מ״ח:ל״ובערך תקפ״ד לפנה״ס
על כן לבי למואב כחללים יהמה ולבי אל אנשי קיר חרש כחלילים יהמה על כן יתרת עשה אבדו׃
- יִרְמְיָהוּ מ״ח:ל״זבערך תקפ״ד לפנה״ס
כי כל ראש קרחה וכל זקן גרעה על כל ידים גדדת ועל מתנים שק׃
- יִרְמְיָהוּ מ״ח:ל״חבערך תקפ״ד לפנה״ס
על כל גגות מואב וברחבתיה כלה מספד כי שברתי את מואב ככלי אין חפץ בו נאם יהוה׃
- יִרְמְיָהוּ מ״ח:ל״טבערך תקפ״ד לפנה״ס
איך חתה הילילו איך הפנה ערף מואב בוש והיה מואב לשחק ולמחתה לכל סביביו׃
- יִרְמְיָהוּ מ״ח:מ׳בערך תקפ״ד לפנה״ס
כי כה אמר יהוה הנה כנשר ידאה ופרש כנפיו אל מואב׃
- יִרְמְיָהוּ מ״ח:מ״אבערך תקפ״ד לפנה״ס
נלכדה הקריות והמצדות נתפשה והיה לב גבורי מואב ביום ההוא כלב אשה מצרה׃
- יִרְמְיָהוּ מ״ח:מ״בבערך תקפ״ד לפנה״ס
ונשמד מואב מעם כי על יהוה הגדיל׃
- יִרְמְיָהוּ מ״ח:מ״גבערך תקפ״ד לפנה״ס
פחד ופחת ופח עליך יושב מואב נאם יהוה׃
- יִרְמְיָהוּ מ״ח:מ״דבערך תקפ״ד לפנה״ס
הניס מפני הפחד יפל אל הפחת והעלה מן הפחת ילכד בפח כי אביא אליה אל מואב שנת פקדתם נאם יהוה׃
- יִרְמְיָהוּ מ״ח:מ״הבערך תקפ״ד לפנה״ס
בצל חשבון עמדו מכח נסים כי אש יצא מחשבון ולהבה מבין סיחון ותאכל פאת מואב וקדקד בני שאון׃
- יִרְמְיָהוּ מ״ח:מ״ובערך תקפ״ד לפנה״ס
אוי לך מואב אבד עם כמוש כי לקחו בניך בשבי ובנתיך בשביה׃
- יִרְמְיָהוּ מ״ח:מ״זבערך תקפ״ד לפנה״ס
ושבתי שבות מואב באחרית הימים נאם יהוה עד הנה משפט מואב׃
- יִרְמְיָהוּ מ״ט:א׳בערך תקפ״ג לפנה״ס
¶ לבני עמון כה אמר יהוה הבנים אין לישראל אם יורש אין לו מדוע ירש מלכם את גד ועמו בעריו ישב׃
- יִרְמְיָהוּ מ״ט:ב׳בערך תקפ״ג לפנה״ס
לכן הנה ימים באים נאם יהוה והשמעתי אל רבת בני עמון תרועת מלחמה והיתה לתל שממה ובנתיה באש תצתנה וירש ישראל את ירשיו אמר יהוה׃