TRV
- English
- King James KJV
- Complete Jewish CJB
- World English WEBM
- Berean Standard BSB
- American Standard ASV
- Geneva GNV
- Young's Literal YLT
- Douay-Rheims DRC
- International
- Shqip ALB
- العربية SVD
- বাংলা BN-IRV
- မြန်မာ Judson
- 简体文 CUV-S
- 繁體中文 CUV-T
- Čeština BKR
- Nederlands STVE
- Français LSG
- Deutsch SCH
- Ελληνικά Vamvas
- ગુજરાતી GU-IRV
- Hausa HCB
- עברית Hebrew
- हिन्दी HCV
- Magyar KAROLI
- Bahasa Indonesia INDO-TB
- Italiano Diodati
- 日本語 Kougo
- 한국어 Korean
- മലയാളം MAL
- मराठी MRCV
- Norsk DNB
- فارسی OPV
- Polski BG
- Português Almeida
- Română Cornilescu
- Русский Synodal
- Español RVG
- Kiswahili Neno
- Svenska SV1917
- Tagalog TAG-ADB
- தமிழ் TCV
- తెలుగు TSA
- ภาษาไทย THAI-KJV
- Українська Ohienko
- Tiếng Việt CADMAN
- Yorùbá YCB
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ מ״ט:ג׳בערך תקפ״ג לפנה״ס
הילילי חשבון כי שדדה עי צעקנה בנות רבה חגרנה שקים ספדנה והתשוטטנה בגדרות כי מלכם בגולה ילך כהניו ושריו יחדיו׃
- יִרְמְיָהוּ מ״ט:ד׳בערך תקפ״ג לפנה״ס
מה תתהללי בעמקים זב עמקך הבת השובבה הבטחה באצרתיה מי יבוא אלי׃
- יִרְמְיָהוּ מ״ט:ה׳בערך תקפ״ג לפנה״ס
הנני מביא עליך פחד נאם אדני יהוה צבאות מכל סביביך ונדחתם איש לפניו ואין מקבץ לנדד׃
- יִרְמְיָהוּ מ״ט:ו׳בערך תקפ״ג לפנה״ס
ואחרי כן אשיב את שבות בני עמון נאם יהוה׃
- יִרְמְיָהוּ מ״ט:ז׳בערך תקפ״ג לפנה״ס
לאדום כה אמר יהוה צבאות האין עוד חכמה בתימן אבדה עצה מבנים נסרחה חכמתם׃
- יִרְמְיָהוּ מ״ט:ח׳בערך תקפ״ג לפנה״ס
נסו הפנו העמיקו לשבת ישבי דדן כי איד עשו הבאתי עליו עת פקדתיו׃
- יִרְמְיָהוּ מ״ט:ט׳בערך תקפ״ג לפנה״ס
אם בצרים באו לך לא ישארו עוללות אם גנבים בלילה השחיתו דים׃
- יִרְמְיָהוּ מ״ט:י׳בערך תקפ״ג לפנה״ס
כי אני חשפתי את עשו גליתי את מסתריו ונחבה לא יוכל שדד זרעו ואחיו ושכניו ואיננו׃
- יִרְמְיָהוּ מ״ט:י״אבערך תקפ״ג לפנה״ס
עזבה יתמיך אני אחיה ואלמנתיך עלי תבטחו׃
- יִרְמְיָהוּ מ״ט:י״בבערך תקפ״ג לפנה״ס
כי כה אמר יהוה הנה אשר אין משפטם לשתות הכוס שתו ישתו ואתה הוא נקה תנקה לא תנקה כי שתה תשתה׃
- יִרְמְיָהוּ מ״ט:י״גבערך תקפ״ג לפנה״ס
כי בי נשבעתי נאם יהוה כי לשמה לחרפה לחרב ולקללה תהיה בצרה וכל עריה תהיינה לחרבות עולם׃
- יִרְמְיָהוּ מ״ט:י״דבערך תקפ״ג לפנה״ס
שמועה שמעתי מאת יהוה וציר בגוים שלוח התקבצו ובאו עליה וקומו למלחמה׃
- יִרְמְיָהוּ מ״ט:ט״ובערך תקפ״ג לפנה״ס
כי הנה קטן נתתיך בגוים בזוי באדם׃
- יִרְמְיָהוּ מ״ט:ט״זבערך תקפ״ג לפנה״ס
תפלצתך השיא אתך זדון לבך שכני בחגוי הסלע תפשי מרום גבעה כי תגביה כנשר קנך משם אורידך נאם יהוה׃
- יִרְמְיָהוּ מ״ט:י״זבערך תקפ״ג לפנה״ס
והיתה אדום לשמה כל עבר עליה ישם וישרק על כל מכותה׃
- יִרְמְיָהוּ מ״ט:י״חבערך תקפ״ג לפנה״ס
כמהפכת סדם ועמרה ושכניה אמר יהוה לא ישב שם איש ולא יגור בה בן אדם׃
- יִרְמְיָהוּ מ״ט:י״טבערך תקפ״ג לפנה״ס
הנה כאריה יעלה מגאון הירדן אל נוה איתן כי ארגיעה אריצנו מעליה ומי בחור אליה אפקד כי מי כמוני ומי יעידני ומי זה רעה אשר יעמד לפני׃
- יִרְמְיָהוּ מ״ט:כ׳בערך תקפ״ג לפנה״ס
לכן שמעו עצת יהוה אשר יעץ אל אדום ומחשבותיו אשר חשב אל ישבי תימן אם לא יסחבום צעירי הצאן אם לא ישים עליהם נוהם׃
- יִרְמְיָהוּ מ״ט:כ״אבערך תקפ״ג לפנה״ס
מקול נפלם רעשה הארץ צעקה בים סוף נשמע קולה׃
- יִרְמְיָהוּ מ״ט:כ״בבערך תקפ״ג לפנה״ס
הנה כנשר יעלה וידאה ויפרש כנפיו על בצרה והיה לב גבורי אדום ביום ההוא כלב אשה מצרה׃
- יִרְמְיָהוּ מ״ט:כ״גבערך תקפ״ג לפנה״ס
לדמשק בושה חמת וארפד כי שמעה רעה שמעו נמגו בים דאגה השקט לא יוכל׃
- יִרְמְיָהוּ מ״ט:כ״דבערך תקפ״ג לפנה״ס
רפתה דמשק הפנתה לנוס ורטט החזיקה צרה וחבלים אחזתה כיולדה׃
- יִרְמְיָהוּ מ״ט:כ״הבערך תקפ״ג לפנה״ס
איך לא עזבה עיר תהלה קרית משושי׃
- יִרְמְיָהוּ מ״ט:כ״ובערך תקפ״ג לפנה״ס
לכן יפלו בחוריה ברחבתיה וכל אנשי המלחמה ידמו ביום ההוא נאם יהוה צבאות׃
- יִרְמְיָהוּ מ״ט:כ״זבערך תקפ״ג לפנה״ס
והצתי אש בחומת דמשק ואכלה ארמנות בן הדד׃