TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ מ׳:י״דבערך תקפ״ח לפנה״ס
ויאמרו אליו הידע תדע כי בעליס מלך בני עמון שלח את ישמעאל בן נתניה להכתך נפש ולא האמין להם גדליהו בן אחיקם׃
- יִרְמְיָהוּ מ׳:ט״ובערך תקפ״ח לפנה״ס
ויוחנן בן קרח אמר אל גדליהו בסתר במצפה לאמר אלכה נא ואכה את ישמעאל בן נתניה ואיש לא ידע למה יככה נפש ונפצו כל יהודה הנקבצים אליך ואבדה שארית יהודה׃
- יִרְמְיָהוּ מ׳:ט״זבערך תקפ״ח לפנה״ס
ויאמר גדליהו בן אחיקם אל יוחנן בן קרח אל תעש את הדבר הזה כי שקר אתה דבר אל ישמעאל׃
- יִרְמְיָהוּ מ״א:א׳בערך תקפ״ח לפנה״ס
¶ ויהי בחדש השביעי בא ישמעאל בן נתניה בן אלישמע מזרע המלוכה ורבי המלך ועשרה אנשים אתו אל גדליהו בן אחיקם המצפתה ויאכלו שם לחם יחדו במצפה׃
- יִרְמְיָהוּ מ״א:ב׳בערך תקפ״ח לפנה״ס
ויקם ישמעאל בן נתניה ועשרת האנשים אשר היו אתו ויכו את גדליהו בן אחיקם בן שפן בחרב וימת אתו אשר הפקיד מלך בבל בארץ׃
- יִרְמְיָהוּ מ״א:ג׳בערך תקפ״ח לפנה״ס
ואת כל היהודים אשר היו אתו את גדליהו במצפה ואת הכשדים אשר נמצאו שם את אנשי המלחמה הכה ישמעאל׃
- יִרְמְיָהוּ מ״א:ד׳בערך תקפ״ח לפנה״ס
ויהי ביום השני להמית את גדליהו ואיש לא ידע׃
- יִרְמְיָהוּ מ״א:ה׳בערך תקפ״ח לפנה״ס
ויבאו אנשים משכם משלו ומשמרון שמנים איש מגלחי זקן וקרעי בגדים ומתגדדים ומנחה ולבונה בידם להביא בית יהוה׃
- יִרְמְיָהוּ מ״א:ו׳בערך תקפ״ח לפנה״ס
ויצא ישמעאל בן נתניה לקראתם מן המצפה הלך הלך ובכה ויהי כפגש אתם ויאמר אליהם באו אל גדליהו בן אחיקם׃
- יִרְמְיָהוּ מ״א:ז׳בערך תקפ״ח לפנה״ס
ויהי כבואם אל תוך העיר וישחטם ישמעאל בן נתניה אל תוך הבור הוא והאנשים אשר אתו׃
- יִרְמְיָהוּ מ״א:ח׳בערך תקפ״ח לפנה״ס
ועשרה אנשים נמצאו בם ויאמרו אל ישמעאל אל תמתנו כי יש לנו מטמנים בשדה חטים ושערים ושמן ודבש ויחדל ולא המיתם בתוך אחיהם׃
- יִרְמְיָהוּ מ״א:ט׳בערך תקפ״ח לפנה״ס
והבור אשר השליך שם ישמעאל את כל פגרי האנשים אשר הכה ביד גדליהו הוא אשר עשה המלך אסא מפני בעשא מלך ישראל אתו מלא ישמעאל בן נתניהו חללים׃
- יִרְמְיָהוּ מ״א:י׳בערך תקפ״ח לפנה״ס
וישב ישמעאל את כל שארית העם אשר במצפה את בנות המלך ואת כל העם הנשארים במצפה אשר הפקיד נבוזראדן רב טבחים את גדליהו בן אחיקם וישבם ישמעאל בן נתניה וילך לעבר אל בני עמון׃
- יִרְמְיָהוּ מ״א:י״אבערך תקפ״ח לפנה״ס
וישמע יוחנן בן קרח וכל שרי החילים אשר אתו את כל הרעה אשר עשה ישמעאל בן נתניה׃
- יִרְמְיָהוּ מ״א:י״בבערך תקפ״ח לפנה״ס
ויקחו את כל האנשים וילכו להלחם עם ישמעאל בן נתניה וימצאו אתו אל מים רבים אשר בגבעון׃
- יִרְמְיָהוּ מ״א:י״גבערך תקפ״ח לפנה״ס
ויהי כראות כל העם אשר את ישמעאל את יוחנן בן קרח ואת כל שרי החילים אשר אתו וישמחו׃
- יִרְמְיָהוּ מ״א:י״דבערך תקפ״ח לפנה״ס
ויסבו כל העם אשר שבה ישמעאל מן המצפה וישבו וילכו אל יוחנן בן קרח׃
- יִרְמְיָהוּ מ״א:ט״ובערך תקפ״ח לפנה״ס
וישמעאל בן נתניה נמלט בשמנה אנשים מפני יוחנן וילך אל בני עמון׃
- יִרְמְיָהוּ מ״א:ט״זבערך תקפ״ח לפנה״ס
ויקח יוחנן בן קרח וכל שרי החילים אשר אתו את כל שארית העם אשר השיב מאת ישמעאל בן נתניה מן המצפה אחר הכה את גדליה בן אחיקם גברים אנשי המלחמה ונשים וטף וסרסים אשר השיב מגבעון׃
- יִרְמְיָהוּ מ״א:י״זבערך תקפ״ח לפנה״ס
וילכו וישבו בגרות כמוהם אשר אצל בית לחם ללכת לבוא מצרים׃
- יִרְמְיָהוּ מ״א:י״חבערך תקפ״ח לפנה״ס
מפני הכשדים כי יראו מפניהם כי הכה ישמעאל בן נתניה את גדליהו בן אחיקם אשר הפקיד מלך בבל בארץ׃
- יִרְמְיָהוּ מ״ב:א׳בערך תקפ״ח לפנה״ס
¶ ויגשו כל שרי החילים ויוחנן בן קרח ויזניה בן הושעיה וכל העם מקטן ועד גדול׃
- יִרְמְיָהוּ מ״ב:ב׳בערך תקפ״ח לפנה״ס
ויאמרו אל ירמיהו הנביא תפל נא תחנתנו לפניך והתפלל בעדנו אל יהוה אלהיך בעד כל השארית הזאת כי נשארנו מעט מהרבה כאשר עיניך ראות אתנו׃
- יִרְמְיָהוּ מ״ב:ג׳בערך תקפ״ח לפנה״ס
ויגד לנו יהוה אלהיך את הדרך אשר נלך בה ואת הדבר אשר נעשה׃
- יִרְמְיָהוּ מ״ב:ד׳בערך תקפ״ח לפנה״ס
ויאמר אליהם ירמיהו הנביא שמעתי הנני מתפלל אל יהוה אלהיכם כדבריכם והיה כל הדבר אשר יענה יהוה אתכם אגיד לכם לא אמנע מכם דבר׃