TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ל״ה:ז׳בערך תר״ז לפנה״ס
ובית לא תבנו וזרע לא תזרעו וכרם לא תטעו ולא יהיה לכם כי באהלים תשבו כל ימיכם למען תחיו ימים רבים על פני האדמה אשר אתם גרים שם׃
- יִרְמְיָהוּ ל״ה:ח׳בערך תר״ז לפנה״ס
ונשמע בקול יהונדב בן רכב אבינו לכל אשר צונו לבלתי שתות יין כל ימינו אנחנו נשינו בנינו ובנתינו׃
- יִרְמְיָהוּ ל״ה:ט׳בערך תר״ז לפנה״ס
ולבלתי בנות בתים לשבתנו וכרם ושדה וזרע לא יהיה לנו׃
- יִרְמְיָהוּ ל״ה:י׳בערך תר״ז לפנה״ס
ונשב באהלים ונשמע ונעש ככל אשר צונו יונדב אבינו׃
- יִרְמְיָהוּ ל״ה:י״אבערך תר״ז לפנה״ס
ויהי בעלות נבוכדראצר מלך בבל אל הארץ ונאמר באו ונבוא ירושלם מפני חיל הכשדים ומפני חיל ארם ונשב בירושלם׃
- יִרְמְיָהוּ ל״ה:י״בבערך תר״ז לפנה״ס
ויהי דבר יהוה אל ירמיהו לאמר׃
- יִרְמְיָהוּ ל״ה:י״גבערך תר״ז לפנה״ס
כה אמר יהוה צבאות אלהי ישראל הלך ואמרת לאיש יהודה וליושבי ירושלם הלוא תקחו מוסר לשמע אל דברי נאם יהוה׃
- יִרְמְיָהוּ ל״ה:י״דבערך תר״ז לפנה״ס
הוקם את דברי יהונדב בן רכב אשר צוה את בניו לבלתי שתות יין ולא שתו עד היום הזה כי שמעו את מצות אביהם ואנכי דברתי אליכם השכם ודבר ולא שמעתם אלי׃
- יִרְמְיָהוּ ל״ה:ט״ובערך תר״ז לפנה״ס
ואשלח אליכם את כל עבדי הנבאים השכים ושלח לאמר שבו נא איש מדרכו הרעה והיטיבו מעלליכם ואל תלכו אחרי אלהים אחרים לעבדם ושבו אל האדמה אשר נתתי לכם ולאבתיכם ולא הטיתם את אזנכם ולא שמעתם אלי׃
- יִרְמְיָהוּ ל״ה:ט״זבערך תר״ז לפנה״ס
כי הקימו בני יהונדב בן רכב את מצות אביהם אשר צום והעם הזה לא שמעו אלי׃
- יִרְמְיָהוּ ל״ה:י״זבערך תר״ז לפנה״ס
לכן כה אמר יהוה אלהי צבאות אלהי ישראל הנני מביא אל יהודה ואל כל יושבי ירושלם את כל הרעה אשר דברתי עליהם יען דברתי אליהם ולא שמעו ואקרא להם ולא ענו׃
- יִרְמְיָהוּ ל״ה:י״חבערך תר״ז לפנה״ס
ולבית הרכבים אמר ירמיהו כה אמר יהוה צבאות אלהי ישראל יען אשר שמעתם על מצות יהונדב אביכם ותשמרו את כל מצותיו ותעשו ככל אשר צוה אתכם׃
- יִרְמְיָהוּ ל״ה:י״טבערך תר״ז לפנה״ס
לכן כה אמר יהוה צבאות אלהי ישראל לא יכרת איש ליונדב בן רכב עמד לפני כל הימים׃
¶ ויהי בשנה הרביעת ליהויקים בן יאשיהו מלך יהודה היה הדבר הזה אל ירמיהו מאת יהוה לאמר׃
קח לך מגלת ספר וכתבת אליה את כל הדברים אשר דברתי אליך על ישראל ועל יהודה ועל כל הגוים מיום דברתי אליך מימי יאשיהו ועד היום הזה׃
אולי ישמעו בית יהודה את כל הרעה אשר אנכי חשב לעשות להם למען ישובו איש מדרכו הרעה וסלחתי לעונם ולחטאתם׃
ויקרא ירמיהו את ברוך בן נריה ויכתב ברוך מפי ירמיהו את כל דברי יהוה אשר דבר אליו על מגלת ספר׃
ויצוה ירמיהו את ברוך לאמר אני עצור לא אוכל לבוא בית יהוה׃
ובאת אתה וקראת במגלה אשר כתבת מפי את דברי יהוה באזני העם בית יהוה ביום צום וגם באזני כל יהודה הבאים מעריהם תקראם׃
אולי תפל תחנתם לפני יהוה וישבו איש מדרכו הרעה כי גדול האף והחמה אשר דבר יהוה אל העם הזה׃
ויעש ברוך בן נריה ככל אשר צוהו ירמיהו הנביא לקרא בספר דברי יהוה בית יהוה׃
- יִרְמְיָהוּ ל״ו:ט׳בערך תר״ו לפנה״ס
ויהי בשנה החמשית ליהויקים בן יאשיהו מלך יהודה בחדש התשעי קראו צום לפני יהוה כל העם בירושלם וכל העם הבאים מערי יהודה בירושלם׃
- יִרְמְיָהוּ ל״ו:י׳בערך תר״ו לפנה״ס
ויקרא ברוך בספר את דברי ירמיהו בית יהוה בלשכת גמריהו בן שפן הספר בחצר העליון פתח שער בית יהוה החדש באזני כל העם׃
- יִרְמְיָהוּ ל״ו:י״אבערך תר״ו לפנה״ס
וישמע מכיהו בן גמריהו בן שפן את כל דברי יהוה מעל הספר׃
- יִרְמְיָהוּ ל״ו:י״בבערך תר״ו לפנה״ס
וירד בית המלך על לשכת הספר והנה שם כל השרים יושבים אלישמע הספר ודליהו בן שמעיהו ואלנתן בן עכבור וגמריהו בן שפן וצדקיהו בן חנניהו וכל השרים׃