TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ל״ג:ה׳בערך תקפ״ח לפנה״ס
באים להלחם את הכשדים ולמלאם את פגרי האדם אשר הכיתי באפי ובחמתי ואשר הסתרתי פני מהעיר הזאת על כל רעתם׃
- יִרְמְיָהוּ ל״ג:ו׳בערך תקפ״ח לפנה״ס
הנני מעלה לה ארכה ומרפא ורפאתים וגליתי להם עתרת שלום ואמת׃
- יִרְמְיָהוּ ל״ג:ז׳בערך תקפ״ח לפנה״ס
והשבתי את שבות יהודה ואת שבות ישראל ובנתים כבראשנה׃
- יִרְמְיָהוּ ל״ג:ח׳בערך תקפ״ח לפנה״ס
וטהרתים מכל עונם אשר חטאו לי וסלחתי לכול עונותיהם אשר חטאו לי ואשר פשעו בי׃
- יִרְמְיָהוּ ל״ג:ט׳בערך תקפ״ח לפנה״ס
והיתה לי לשם ששון לתהלה ולתפארת לכל גויי הארץ אשר ישמעו את כל הטובה אשר אנכי עשה אתם ופחדו ורגזו על כל הטובה ועל כל השלום אשר אנכי עשה לה׃
- יִרְמְיָהוּ ל״ג:י׳בערך תקפ״ח לפנה״ס
כה אמר יהוה עוד ישמע במקום הזה אשר אתם אמרים חרב הוא מאין אדם ומאין בהמה בערי יהודה ובחצות ירושלם הנשמות מאין אדם ומאין יושב ומאין בהמה׃
- יִרְמְיָהוּ ל״ג:י״אבערך תקפ״ח לפנה״ס
קול ששון וקול שמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשיב את שבות הארץ כבראשנה אמר יהוה׃
- יִרְמְיָהוּ ל״ג:י״בבערך תקפ״ח לפנה״ס
כה אמר יהוה צבאות עוד יהיה במקום הזה החרב מאין אדם ועד בהמה ובכל עריו נוה רעים מרבצים צאן׃
- יִרְמְיָהוּ ל״ג:י״גבערך תקפ״ח לפנה״ס
בערי ההר בערי השפלה ובערי הנגב ובארץ בנימן ובסביבי ירושלם ובערי יהודה עד תעברנה הצאן על ידי מונה אמר יהוה׃
- יִרְמְיָהוּ ל״ג:י״דבערך תקפ״ח לפנה״ס
הנה ימים באים נאם יהוה והקמתי את הדבר הטוב אשר דברתי אל בית ישראל ועל בית יהודה׃
- יִרְמְיָהוּ ל״ג:ט״ובערך תקפ״ח לפנה״ס
בימים ההם ובעת ההיא אצמיח לדוד צמח צדקה ועשה משפט וצדקה בארץ׃
- יִרְמְיָהוּ ל״ג:ט״זבערך תקפ״ח לפנה״ס
בימים ההם תושע יהודה וירושלם תשכון לבטח וזה אשר יקרא לה יהוה צדקנו׃
- יִרְמְיָהוּ ל״ג:י״זבערך תקפ״ח לפנה״ס
כי כה אמר יהוה לא יכרת לדוד איש ישב על כסא בית ישראל׃
- יִרְמְיָהוּ ל״ג:י״חבערך תקפ״ח לפנה״ס
ולכהנים הלוים לא יכרת איש מלפני מעלה עולה ומקטיר מנחה ועשה זבח כל הימים׃
- יִרְמְיָהוּ ל״ג:י״טבערך תקפ״ח לפנה״ס
ויהי דבר יהוה אל ירמיהו לאמור׃
- יִרְמְיָהוּ ל״ג:כ׳בערך תקפ״ח לפנה״ס
כה אמר יהוה אם תפרו את בריתי היום ואת בריתי הלילה ולבלתי היות יומם ולילה בעתם׃
- יִרְמְיָהוּ ל״ג:כ״אבערך תקפ״ח לפנה״ס
גם בריתי תפר את דוד עבדי מהיות לו בן מלך על כסאו ואת הלוים הכהנים משרתי׃
- יִרְמְיָהוּ ל״ג:כ״בבערך תקפ״ח לפנה״ס
אשר לא יספר צבא השמים ולא ימד חול הים כן ארבה את זרע דוד עבדי ואת הלוים משרתי אתי׃
- יִרְמְיָהוּ ל״ג:כ״גבערך תקפ״ח לפנה״ס
ויהי דבר יהוה אל ירמיהו לאמר׃
- יִרְמְיָהוּ ל״ג:כ״דבערך תקפ״ח לפנה״ס
הלוא ראית מה העם הזה דברו לאמר שתי המשפחות אשר בחר יהוה בהם וימאסם ואת עמי ינאצון מהיות עוד גוי לפניהם׃
- יִרְמְיָהוּ ל״ג:כ״הבערך תקפ״ח לפנה״ס
כה אמר יהוה אם לא בריתי יומם ולילה חקות שמים וארץ לא שמתי׃
- יִרְמְיָהוּ ל״ג:כ״ובערך תקפ״ח לפנה״ס
גם זרע יעקוב ודוד עבדי אמאס מקחת מזרעו משלים אל זרע אברהם ישחק ויעקב כי אשוב את שבותם ורחמתים׃
- יִרְמְיָהוּ ל״ד:א׳בערך תקפ״ט לפנה״ס
¶ הדבר אשר היה אל ירמיהו מאת יהוה ונבוכדראצר מלך בבל וכל חילו וכל ממלכות ארץ ממשלת ידו וכל העמים נלחמים על ירושלם ועל כל עריה לאמר׃
- יִרְמְיָהוּ ל״ד:ב׳בערך תקפ״ט לפנה״ס
כה אמר יהוה אלהי ישראל הלך ואמרת אל צדקיהו מלך יהודה ואמרת אליו כה אמר יהוה הנני נתן את העיר הזאת ביד מלך בבל ושרפה באש׃
- יִרְמְיָהוּ ל״ד:ג׳בערך תקפ״ט לפנה״ס
ואתה לא תמלט מידו כי תפש תתפש ובידו תנתן ועיניך את עיני מלך בבל תראינה ופיהו את פיך ידבר ובבל תבוא׃