TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ט״ו:ט״ובערך תר״ה לפנה״ס
אתה ידעת יהוה זכרני ופקדני והנקם לי מרדפי אל לארך אפך תקחני דע שאתי עליך חרפה׃
- יִרְמְיָהוּ ט״ו:ט״זבערך תר״ה לפנה״ס
נמצאו דבריך ואכלם ויהי דבריך לי לששון ולשמחת לבבי כי נקרא שמך עלי יהוה אלהי צבאות׃
- יִרְמְיָהוּ ט״ו:י״זבערך תר״ה לפנה״ס
לא ישבתי בסוד משחקים ואעלז מפני ידך בדד ישבתי כי זעם מלאתני׃
- יִרְמְיָהוּ ט״ו:י״חבערך תר״ה לפנה״ס
למה היה כאבי נצח ומכתי אנושה מאנה הרפא היו תהיה לי כמו אכזב מים לא נאמנו׃
- יִרְמְיָהוּ ט״ו:י״טבערך תר״ה לפנה״ס
לכן כה אמר יהוה אם תשוב ואשיבך לפני תעמד ואם תוציא יקר מזולל כפי תהיה ישבו המה אליך ואתה לא תשוב אליהם׃
- יִרְמְיָהוּ ט״ו:כ׳בערך תר״ה לפנה״ס
ונתתיך לעם הזה לחומת נחשת בצורה ונלחמו אליך ולא יוכלו לך כי אתך אני להושיעך ולהצילך נאם יהוה׃
- יִרְמְיָהוּ ט״ו:כ״אבערך תר״ה לפנה״ס
והצלתיך מיד רעים ופדתיך מכף ערצים׃
- יִרְמְיָהוּ ט״ז:א׳בערך תר״ה לפנה״ס
¶ ויהי דבר יהוה אלי לאמר׃
- יִרְמְיָהוּ ט״ז:ב׳בערך תר״ה לפנה״ס
לא תקח לך אשה ולא יהיו לך בנים ובנות במקום הזה׃
- יִרְמְיָהוּ ט״ז:ג׳בערך תר״ה לפנה״ס
כי כה אמר יהוה על הבנים ועל הבנות הילודים במקום הזה ועל אמתם הילדות אותם ועל אבותם המולדים אותם בארץ הזאת׃
- יִרְמְיָהוּ ט״ז:ד׳בערך תר״ה לפנה״ס
ממותי תחלאים ימתו לא יספדו ולא יקברו לדמן על פני האדמה יהיו ובחרב וברעב יכלו והיתה נבלתם למאכל לעוף השמים ולבהמת הארץ׃
- יִרְמְיָהוּ ט״ז:ה׳בערך תר״ה לפנה״ס
כי כה אמר יהוה אל תבוא בית מרזח ואל תלך לספוד ואל תנד להם כי אספתי את שלומי מאת העם הזה נאם יהוה את החסד ואת הרחמים׃
- יִרְמְיָהוּ ט״ז:ו׳בערך תר״ה לפנה״ס
ומתו גדלים וקטנים בארץ הזאת לא יקברו ולא יספדו להם ולא יתגדד ולא יקרח להם׃
- יִרְמְיָהוּ ט״ז:ז׳בערך תר״ה לפנה״ס
ולא יפרסו להם על אבל לנחמו על מת ולא ישקו אותם כוס תנחומים על אביו ועל אמו׃
- יִרְמְיָהוּ ט״ז:ח׳בערך תר״ה לפנה״ס
ובית משתה לא תבוא לשבת אותם לאכל ולשתות׃
- יִרְמְיָהוּ ט״ז:ט׳בערך תר״ה לפנה״ס
כי כה אמר יהוה צבאות אלהי ישראל הנני משבית מן המקום הזה לעיניכם ובימיכם קול ששון וקול שמחה קול חתן וקול כלה׃
- יִרְמְיָהוּ ט״ז:י׳בערך תר״ה לפנה״ס
והיה כי תגיד לעם הזה את כל הדברים האלה ואמרו אליך על מה דבר יהוה עלינו את כל הרעה הגדולה הזאת ומה עוננו ומה חטאתנו אשר חטאנו ליהוה אלהינו׃
- יִרְמְיָהוּ ט״ז:י״אבערך תר״ה לפנה״ס
ואמרת אליהם על אשר עזבו אבותיכם אותי נאם יהוה וילכו אחרי אלהים אחרים ויעבדום וישתחוו להם ואתי עזבו ואת תורתי לא שמרו׃
- יִרְמְיָהוּ ט״ז:י״בבערך תר״ה לפנה״ס
ואתם הרעתם לעשות מאבותיכם והנכם הלכים איש אחרי שררות לבו הרע לבלתי שמע אלי׃
- יִרְמְיָהוּ ט״ז:י״גבערך תר״ה לפנה״ס
והטלתי אתכם מעל הארץ הזאת על הארץ אשר לא ידעתם אתם ואבותיכם ועבדתם שם את אלהים אחרים יומם ולילה אשר לא אתן לכם חנינה׃
- יִרְמְיָהוּ ט״ז:י״דבערך תר״ה לפנה״ס
לכן הנה ימים באים נאם יהוה ולא יאמר עוד חי יהוה אשר העלה את בני ישראל מארץ מצרים׃
- יִרְמְיָהוּ ט״ז:ט״ובערך תר״ה לפנה״ס
כי אם חי יהוה אשר העלה את בני ישראל מארץ צפון ומכל הארצות אשר הדיחם שמה והשבתים על אדמתם אשר נתתי לאבותם׃
- יִרְמְיָהוּ ט״ז:ט״זבערך תר״ה לפנה״ס
הנני שלח לדוגים רבים נאם יהוה ודיגום ואחרי כן אשלח לרבים צידים וצדום מעל כל הר ומעל כל גבעה ומנקיקי הסלעים׃
- יִרְמְיָהוּ ט״ז:י״זבערך תר״ה לפנה״ס
כי עיני על כל דרכיהם לא נסתרו מלפני ולא נצפן עונם מנגד עיני׃
- יִרְמְיָהוּ ט״ז:י״חבערך תר״ה לפנה״ס
ושלמתי ראשונה משנה עונם וחטאתם על חללם את ארצי בנבלת שקוציהם ותועבותיהם מלאו את נחלתי׃