TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ י״א:ד׳בערך תקצ״ח לפנה״ס
אשר צויתי את אבותיכם ביום הוציאי אותם מארץ מצרים מכור הברזל לאמר שמעו בקולי ועשיתם אותם ככל אשר אצוה אתכם והייתם לי לעם ואנכי אהיה לכם לאלהים׃
- יִרְמְיָהוּ י״א:ה׳בערך תקצ״ח לפנה״ס
למען הקים את השבועה אשר נשבעתי לאבותיכם לתת להם ארץ זבת חלב ודבש כיום הזה ואען ואמר אמן יהוה׃
- יִרְמְיָהוּ י״א:ו׳בערך תקצ״ח לפנה״ס
ויאמר יהוה אלי קרא את כל הדברים האלה בערי יהודה ובחצות ירושלם לאמר שמעו את דברי הברית הזאת ועשיתם אותם׃
- יִרְמְיָהוּ י״א:ז׳בערך תקצ״ח לפנה״ס
כי העד העדתי באבותיכם ביום העלותי אותם מארץ מצרים ועד היום הזה השכם והעד לאמר שמעו בקולי׃
- יִרְמְיָהוּ י״א:ח׳בערך תקצ״ח לפנה״ס
ולא שמעו ולא הטו את אזנם וילכו איש בשרירות לבם הרע ואביא עליהם את כל דברי הברית הזאת אשר צויתי לעשות ולא עשו׃
- יִרְמְיָהוּ י״א:ט׳בערך תקצ״ח לפנה״ס
ויאמר יהוה אלי נמצא קשר באיש יהודה ובישבי ירושלם׃
- יִרְמְיָהוּ י״א:י׳בערך תקצ״ח לפנה״ס
שבו על עונת אבותם הראשנים אשר מאנו לשמוע את דברי והמה הלכו אחרי אלהים אחרים לעבדם הפרו בית ישראל ובית יהודה את בריתי אשר כרתי את אבותם׃
- יִרְמְיָהוּ י״א:י״אבערך תקצ״ח לפנה״ס
לכן כה אמר יהוה הנני מביא אליהם רעה אשר לא יוכלו לצאת ממנה וזעקו אלי ולא אשמע אליהם׃
- יִרְמְיָהוּ י״א:י״בבערך תקצ״ח לפנה״ס
והלכו ערי יהודה וישבי ירושלם וזעקו אל האלהים אשר הם מקטרים להם והושע לא יושיעו להם בעת רעתם׃
- יִרְמְיָהוּ י״א:י״גבערך תקצ״ח לפנה״ס
כי מספר עריך היו אלהיך יהודה ומספר חצות ירושלם שמתם מזבחות לבשת מזבחות לקטר לבעל׃
- יִרְמְיָהוּ י״א:י״דבערך תקצ״ח לפנה״ס
ואתה אל תתפלל בעד העם הזה ואל תשא בעדם רנה ותפלה כי אינני שמע בעת קראם אלי בעד רעתם׃
- יִרְמְיָהוּ י״א:ט״ובערך תקצ״ח לפנה״ס
מה לידידי בביתי עשותה המזמתה הרבים ובשר קדש יעברו מעליך כי רעתכי אז תעלזי׃
- יִרְמְיָהוּ י״א:ט״זבערך תקצ״ח לפנה״ס
זית רענן יפה פרי תאר קרא יהוה שמך לקול המולה גדלה הצית אש עליה ורעו דליותיו׃
- יִרְמְיָהוּ י״א:י״זבערך תקצ״ח לפנה״ס
ויהוה צבאות הנוטע אותך דבר עליך רעה בגלל רעת בית ישראל ובית יהודה אשר עשו להם להכעסני לקטר לבעל׃
- יִרְמְיָהוּ י״א:י״חבערך תקצ״ח לפנה״ס
ויהוה הודיעני ואדעה אז הראיתני מעלליהם׃
- יִרְמְיָהוּ י״א:י״טבערך תקצ״ח לפנה״ס
ואני ככבש אלוף יובל לטבוח ולא ידעתי כי עלי חשבו מחשבות נשחיתה עץ בלחמו ונכרתנו מארץ חיים ושמו לא יזכר עוד׃
- יִרְמְיָהוּ י״א:כ׳בערך תקצ״ח לפנה״ס
ויהוה צבאות שפט צדק בחן כליות ולב אראה נקמתך מהם כי אליך גליתי את ריבי׃
- יִרְמְיָהוּ י״א:כ״אבערך תקצ״ח לפנה״ס
לכן כה אמר יהוה על אנשי ענתות המבקשים את נפשך לאמר לא תנבא בשם יהוה ולא תמות בידנו׃
- יִרְמְיָהוּ י״א:כ״בבערך תקצ״ח לפנה״ס
לכן כה אמר יהוה צבאות הנני פקד עליהם הבחורים ימתו בחרב בניהם ובנותיהם ימתו ברעב׃
- יִרְמְיָהוּ י״א:כ״גבערך תקצ״ח לפנה״ס
ושארית לא תהיה להם כי אביא רעה אל אנשי ענתות שנת פקדתם׃
¶ צדיק אתה יהוה כי אריב אליך אך משפטים אדבר אותך מדוע דרך רשעים צלחה שלו כל בגדי בגד׃
נטעתם גם שרשו ילכו גם עשו פרי קרוב אתה בפיהם ורחוק מכליותיהם׃
ואתה יהוה ידעתני תראני ובחנת לבי אתך התקם כצאן לטבחה והקדשם ליום הרגה׃
עד מתי תאבל הארץ ועשב כל השדה ייבש מרעת ישבי בה ספתה בהמות ועוף כי אמרו לא יראה את אחריתנו׃
כי את רגלים רצתה וילאוך ואיך תתחרה את הסוסים ובארץ שלום אתה בוטח ואיך תעשה בגאון הירדן׃