TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ז׳:י״אבערך תר״י לפנה״ס
המערת פרצים היה הבית הזה אשר נקרא שמי עליו בעיניכם גם אנכי הנה ראיתי נאם יהוה׃
- יִרְמְיָהוּ ז׳:י״בבערך תר״י לפנה״ס
כי לכו נא אל מקומי אשר בשילו אשר שכנתי שמי שם בראשונה וראו את אשר עשיתי לו מפני רעת עמי ישראל׃
- יִרְמְיָהוּ ז׳:י״גבערך תר״י לפנה״ס
ועתה יען עשותכם את כל המעשים האלה נאם יהוה ואדבר אליכם השכם ודבר ולא שמעתם ואקרא אתכם ולא עניתם׃
- יִרְמְיָהוּ ז׳:י״דבערך תר״י לפנה״ס
ועשיתי לבית אשר נקרא שמי עליו אשר אתם בטחים בו ולמקום אשר נתתי לכם ולאבותיכם כאשר עשיתי לשלו׃
- יִרְמְיָהוּ ז׳:ט״ובערך תר״י לפנה״ס
והשלכתי אתכם מעל פני כאשר השלכתי את כל אחיכם את כל זרע אפרים׃
- יִרְמְיָהוּ ז׳:ט״זבערך תר״י לפנה״ס
ואתה אל תתפלל בעד העם הזה ואל תשא בעדם רנה ותפלה ואל תפגע בי כי אינני שמע אתך׃
- יִרְמְיָהוּ ז׳:י״זבערך תר״י לפנה״ס
האינך ראה מה המה עשים בערי יהודה ובחצות ירושלם׃
- יִרְמְיָהוּ ז׳:י״חבערך תר״י לפנה״ס
הבנים מלקטים עצים והאבות מבערים את האש והנשים לשות בצק לעשות כונים למלכת השמים והסך נסכים לאלהים אחרים למען הכעסני׃
- יִרְמְיָהוּ ז׳:י״טבערך תר״י לפנה״ס
האתי הם מכעסים נאם יהוה הלוא אתם למען בשת פניהם׃
- יִרְמְיָהוּ ז׳:כ׳בערך תר״י לפנה״ס
לכן כה אמר אדני יהוה הנה אפי וחמתי נתכת אל המקום הזה על האדם ועל הבהמה ועל עץ השדה ועל פרי האדמה ובערה ולא תכבה׃
- יִרְמְיָהוּ ז׳:כ״אבערך תר״י לפנה״ס
כה אמר יהוה צבאות אלהי ישראל עלותיכם ספו על זבחיכם ואכלו בשר׃
- יִרְמְיָהוּ ז׳:כ״בבערך תר״י לפנה״ס
כי לא דברתי את אבותיכם ולא צויתים ביום הוציא אותם מארץ מצרים על דברי עולה וזבח׃
- יִרְמְיָהוּ ז׳:כ״גבערך תר״י לפנה״ס
כי אם את הדבר הזה צויתי אותם לאמר שמעו בקולי והייתי לכם לאלהים ואתם תהיו לי לעם והלכתם בכל הדרך אשר אצוה אתכם למען ייטב לכם׃
- יִרְמְיָהוּ ז׳:כ״דבערך תר״י לפנה״ס
ולא שמעו ולא הטו את אזנם וילכו במעצות בשררות לבם הרע ויהיו לאחור ולא לפנים׃
- יִרְמְיָהוּ ז׳:כ״הבערך תר״י לפנה״ס
למן היום אשר יצאו אבותיכם מארץ מצרים עד היום הזה ואשלח אליכם את כל עבדי הנביאים יום השכם ושלח׃
- יִרְמְיָהוּ ז׳:כ״ובערך תר״י לפנה״ס
ולוא שמעו אלי ולא הטו את אזנם ויקשו את ערפם הרעו מאבותם׃
- יִרְמְיָהוּ ז׳:כ״זבערך תר״י לפנה״ס
ודברת אליהם את כל הדברים האלה ולא ישמעו אליך וקראת אליהם ולא יענוכה׃
- יִרְמְיָהוּ ז׳:כ״חבערך תר״י לפנה״ס
ואמרת אליהם זה הגוי אשר לוא שמעו בקול יהוה אלהיו ולא לקחו מוסר אבדה האמונה ונכרתה מפיהם׃
- יִרְמְיָהוּ ז׳:כ״טבערך תר״י לפנה״ס
גזי נזרך והשליכי ושאי על שפים קינה כי מאס יהוה ויטש את דור עברתו׃
- יִרְמְיָהוּ ז׳:ל׳בערך תר״י לפנה״ס
כי עשו בני יהודה הרע בעיני נאום יהוה שמו שקוציהם בבית אשר נקרא שמי עליו לטמאו׃
- יִרְמְיָהוּ ז׳:ל״אבערך תר״י לפנה״ס
ובנו במות התפת אשר בגיא בן הנם לשרף את בניהם ואת בנתיהם באש אשר לא צויתי ולא עלתה על לבי׃
- יִרְמְיָהוּ ז׳:ל״בבערך תר״י לפנה״ס
לכן הנה ימים באים נאם יהוה ולא יאמר עוד התפת וגיא בן הנם כי אם גיא ההרגה וקברו בתפת מאין מקום׃
- יִרְמְיָהוּ ז׳:ל״גבערך תר״י לפנה״ס
והיתה נבלת העם הזה למאכל לעוף השמים ולבהמת הארץ ואין מחריד׃
- יִרְמְיָהוּ ז׳:ל״דבערך תר״י לפנה״ס
והשבתי מערי יהודה ומחצות ירושלם קול ששון וקול שמחה קול חתן וקול כלה כי לחרבה תהיה הארץ׃
- יִרְמְיָהוּ ח׳:א׳בערך תר״י לפנה״ס
¶ בעת ההיא נאם יהוה ויציאו את עצמות מלכי יהודה ואת עצמות שריו ואת עצמות הכהנים ואת עצמות הנביאים ואת עצמות יושבי ירושלם מקבריהם׃