TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ה׳:כ״בבערך תרי״ב לפנה״ס
האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהו׃
- יִרְמְיָהוּ ה׳:כ״גבערך תרי״ב לפנה״ס
ולעם הזה היה לב סורר ומורה סרו וילכו׃
- יִרְמְיָהוּ ה׳:כ״דבערך תרי״ב לפנה״ס
ולא אמרו בלבבם נירא נא את יהוה אלהינו הנתן גשם וירה ומלקוש בעתו שבעות חקות קציר ישמר לנו׃
- יִרְמְיָהוּ ה׳:כ״הבערך תרי״ב לפנה״ס
עונותיכם הטו אלה וחטאותיכם מנעו הטוב מכם׃
- יִרְמְיָהוּ ה׳:כ״ובערך תרי״ב לפנה״ס
כי נמצאו בעמי רשעים ישור כשך יקושים הציבו משחית אנשים ילכדו׃
- יִרְמְיָהוּ ה׳:כ״זבערך תרי״ב לפנה״ס
ככלוב מלא עוף כן בתיהם מלאים מרמה על כן גדלו ויעשירו׃
- יִרְמְיָהוּ ה׳:כ״חבערך תרי״ב לפנה״ס
שמנו עשתו גם עברו דברי רע דין לא דנו דין יתום ויצליחו ומשפט אביונים לא שפטו׃
- יִרְמְיָהוּ ה׳:כ״טבערך תרי״ב לפנה״ס
העל אלה לא אפקד נאם יהוה אם בגוי אשר כזה לא תתנקם נפשי׃
- יִרְמְיָהוּ ה׳:ל׳בערך תרי״ב לפנה״ס
שמה ושערורה נהיתה בארץ׃
- יִרְמְיָהוּ ה׳:ל״אבערך תרי״ב לפנה״ס
הנביאים נבאו בשקר והכהנים ירדו על ידיהם ועמי אהבו כן ומה תעשו לאחריתה׃
- יִרְמְיָהוּ ו׳:א׳בערך תרי״ב לפנה״ס
¶ העזו בני בנימן מקרב ירושלם ובתקוע תקעו שופר ועל בית הכרם שאו משאת כי רעה נשקפה מצפון ושבר גדול׃
- יִרְמְיָהוּ ו׳:ב׳בערך תרי״ב לפנה״ס
הנוה והמענגה דמיתי בת ציון׃
- יִרְמְיָהוּ ו׳:ג׳בערך תרי״ב לפנה״ס
אליה יבאו רעים ועדריהם תקעו עליה אהלים סביב רעו איש את ידו׃
- יִרְמְיָהוּ ו׳:ד׳בערך תרי״ב לפנה״ס
קדשו עליה מלחמה קומו ונעלה בצהרים אוי לנו כי פנה היום כי ינטו צללי ערב׃
- יִרְמְיָהוּ ו׳:ה׳בערך תרי״ב לפנה״ס
קומו ונעלה בלילה ונשחיתה ארמנותיה׃
- יִרְמְיָהוּ ו׳:ו׳בערך תרי״ב לפנה״ס
כי כה אמר יהוה צבאות כרתו עצה ושפכו על ירושלם סללה היא העיר הפקד כלה עשק בקרבה׃
- יִרְמְיָהוּ ו׳:ז׳בערך תרי״ב לפנה״ס
כהקיר בור מימיה כן הקרה רעתה חמס ושד ישמע בה על פני תמיד חלי ומכה׃
- יִרְמְיָהוּ ו׳:ח׳בערך תרי״ב לפנה״ס
הוסרי ירושלם פן תקע נפשי ממך פן אשימך שממה ארץ לוא נושבה׃
- יִרְמְיָהוּ ו׳:ט׳בערך תרי״ב לפנה״ס
כה אמר יהוה צבאות עולל יעוללו כגפן שארית ישראל השב ידך כבוצר על סלסלות׃
- יִרְמְיָהוּ ו׳:י׳בערך תרי״ב לפנה״ס
על מי אדברה ואעידה וישמעו הנה ערלה אזנם ולא יוכלו להקשיב הנה דבר יהוה היה להם לחרפה לא יחפצו בו׃
- יִרְמְיָהוּ ו׳:י״אבערך תרי״ב לפנה״ס
ואת חמת יהוה מלאתי נלאיתי הכיל שפך על עולל בחוץ ועל סוד בחורים יחדו כי גם איש עם אשה ילכדו זקן עם מלא ימים׃
- יִרְמְיָהוּ ו׳:י״בבערך תרי״ב לפנה״ס
ונסבו בתיהם לאחרים שדות ונשים יחדו כי אטה את ידי על ישבי הארץ נאם יהוה׃
- יִרְמְיָהוּ ו׳:י״גבערך תרי״ב לפנה״ס
כי מקטנם ועד גדולם כלו בוצע בצע ומנביא ועד כהן כלו עשה שקר׃
- יִרְמְיָהוּ ו׳:י״דבערך תרי״ב לפנה״ס
וירפאו את שבר עמי על נקלה לאמר שלום שלום ואין שלום׃
- יִרְמְיָהוּ ו׳:ט״ובערך תרי״ב לפנה״ס
הבישו כי תועבה עשו גם בוש לא יבושו גם הכלים לא ידעו לכן יפלו בנפלים בעת פקדתים יכשלו אמר יהוה׃