TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ד׳:כ״חבערך תרי״ב לפנה״ס
על זאת תאבל הארץ וקדרו השמים ממעל על כי דברתי זמתי ולא נחמתי ולא אשוב ממנה׃
- יִרְמְיָהוּ ד׳:כ״טבערך תרי״ב לפנה״ס
מקול פרש ורמה קשת ברחת כל העיר באו בעבים ובכפים עלו כל העיר עזובה ואין יושב בהן איש׃
- יִרְמְיָהוּ ד׳:ל׳בערך תרי״ב לפנה״ס
ואתי שדוד מה תעשי כי תלבשי שני כי תעדי עדי זהב כי תקרעי בפוך עיניך לשוא תתיפי מאסו בך עגבים נפשך יבקשו׃
- יִרְמְיָהוּ ד׳:ל״אבערך תרי״ב לפנה״ס
כי קול כחולה שמעתי צרה כמבכירה קול בת ציון תתיפח תפרש כפיה אוי נא לי כי עיפה נפשי להרגים׃
- יִרְמְיָהוּ ה׳:א׳בערך תרי״ב לפנה״ס
¶ שוטטו בחוצות ירושלם וראו נא ודעו ובקשו ברחובותיה אם תמצאו איש אם יש עשה משפט מבקש אמונה ואסלח לה׃
- יִרְמְיָהוּ ה׳:ב׳בערך תרי״ב לפנה״ס
ואם חי יהוה יאמרו לכן לשקר ישבעו׃
- יִרְמְיָהוּ ה׳:ג׳בערך תרי״ב לפנה״ס
יהוה עיניך הלוא לאמונה הכיתה אתם ולא חלו כליתם מאנו קחת מוסר חזקו פניהם מסלע מאנו לשוב׃
- יִרְמְיָהוּ ה׳:ד׳בערך תרי״ב לפנה״ס
ואני אמרתי אך דלים הם נואלו כי לא ידעו דרך יהוה משפט אלהיהם׃
- יִרְמְיָהוּ ה׳:ה׳בערך תרי״ב לפנה״ס
אלכה לי אל הגדלים ואדברה אותם כי המה ידעו דרך יהוה משפט אלהיהם אך המה יחדו שברו על נתקו מוסרות׃
- יִרְמְיָהוּ ה׳:ו׳בערך תרי״ב לפנה״ס
על כן הכם אריה מיער זאב ערבות ישדדם נמר שקד על עריהם כל היוצא מהנה יטרף כי רבו פשעיהם עצמו משבותיהם׃
- יִרְמְיָהוּ ה׳:ז׳בערך תרי״ב לפנה״ס
אי לזאת אסלוח לך בניך עזבוני וישבעו בלא אלהים ואשבע אותם וינאפו ובית זונה יתגדדו׃
- יִרְמְיָהוּ ה׳:ח׳בערך תרי״ב לפנה״ס
סוסים מיזנים משכים היו איש אל אשת רעהו יצהלו׃
- יִרְמְיָהוּ ה׳:ט׳בערך תרי״ב לפנה״ס
העל אלה לוא אפקד נאם יהוה ואם בגוי אשר כזה לא תתנקם נפשי׃
- יִרְמְיָהוּ ה׳:י׳בערך תרי״ב לפנה״ס
עלו בשרותיה ושחתו וכלה אל תעשו הסירו נטישותיה כי לוא ליהוה המה׃
- יִרְמְיָהוּ ה׳:י״אבערך תרי״ב לפנה״ס
כי בגוד בגדו בי בית ישראל ובית יהודה נאם יהוה׃
- יִרְמְיָהוּ ה׳:י״בבערך תרי״ב לפנה״ס
כחשו ביהוה ויאמרו לא הוא ולא תבוא עלינו רעה וחרב ורעב לוא נראה׃
- יִרְמְיָהוּ ה׳:י״גבערך תרי״ב לפנה״ס
והנביאים יהיו לרוח והדבר אין בהם כה יעשה להם׃
- יִרְמְיָהוּ ה׳:י״דבערך תרי״ב לפנה״ס
לכן כה אמר יהוה אלהי צבאות יען דברכם את הדבר הזה הנני נתן דברי בפיך לאש והעם הזה עצים ואכלתם׃
- יִרְמְיָהוּ ה׳:ט״ובערך תרי״ב לפנה״ס
הנני מביא עליכם גוי ממרחק בית ישראל נאם יהוה גוי איתן הוא גוי מעולם הוא גוי לא תדע לשנו ולא תשמע מה ידבר׃
- יִרְמְיָהוּ ה׳:ט״זבערך תרי״ב לפנה״ס
אשפתו כקבר פתוח כלם גבורים׃
- יִרְמְיָהוּ ה׳:י״זבערך תרי״ב לפנה״ס
ואכל קצירך ולחמך יאכלו בניך ובנותיך יאכל צאנך ובקרך יאכל גפנך ותאנתך ירשש ערי מבצריך אשר אתה בוטח בהנה בחרב׃
- יִרְמְיָהוּ ה׳:י״חבערך תרי״ב לפנה״ס
וגם בימים ההמה נאם יהוה לא אעשה אתכם כלה׃
- יִרְמְיָהוּ ה׳:י״טבערך תרי״ב לפנה״ס
והיה כי תאמרו תחת מה עשה יהוה אלהינו לנו את כל אלה ואמרת אליהם כאשר עזבתם אותי ותעבדו אלהי נכר בארצכם כן תעבדו זרים בארץ לא לכם׃
- יִרְמְיָהוּ ה׳:כ׳בערך תרי״ב לפנה״ס
הגידו זאת בבית יעקב והשמיעוה ביהודה לאמר׃
- יִרְמְיָהוּ ה׳:כ״אבערך תרי״ב לפנה״ס
שמעו נא זאת עם סכל ואין לב עינים להם ולא יראו אזנים להם ולא ישמעו׃