TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
וימנעו רבבים ומלקוש לוא היה ומצח אשה זונה היה לך מאנת הכלם׃
הלוא מעתה קראתי לי אבי אלוף נערי אתה׃
הינטר לעולם אם ישמר לנצח הנה דברתי ותעשי הרעות ותוכל׃
- יִרְמְיָהוּ ג׳:ו׳בערך תרי״ב לפנה״ס
ויאמר יהוה אלי בימי יאשיהו המלך הראית אשר עשתה משבה ישראל הלכה היא על כל הר גבה ואל תחת כל עץ רענן ותזני שם׃
- יִרְמְיָהוּ ג׳:ז׳בערך תרי״ב לפנה״ס
ואמר אחרי עשותה את כל אלה אלי תשוב ולא שבה ותראה בגודה אחותה יהודה׃
- יִרְמְיָהוּ ג׳:ח׳בערך תרי״ב לפנה״ס
וארא כי על כל אדות אשר נאפה משבה ישראל שלחתיה ואתן את ספר כריתתיה אליה ולא יראה בגדה יהודה אחותה ותלך ותזן גם היא׃
- יִרְמְיָהוּ ג׳:ט׳בערך תרי״ב לפנה״ס
והיה מקל זנותה ותחנף את הארץ ותנאף את האבן ואת העץ׃
- יִרְמְיָהוּ ג׳:י׳בערך תרי״ב לפנה״ס
וגם בכל זאת לא שבה אלי בגודה אחותה יהודה בכל לבה כי אם בשקר נאם יהוה׃
- יִרְמְיָהוּ ג׳:י״אבערך תרי״ב לפנה״ס
ויאמר יהוה אלי צדקה נפשה משבה ישראל מבגדה יהודה׃
- יִרְמְיָהוּ ג׳:י״בבערך תרי״ב לפנה״ס
הלך וקראת את הדברים האלה צפונה ואמרת שובה משבה ישראל נאם יהוה לוא אפיל פני בכם כי חסיד אני נאם יהוה לא אטור לעולם׃
- יִרְמְיָהוּ ג׳:י״גבערך תרי״ב לפנה״ס
אך דעי עונך כי ביהוה אלהיך פשעת ותפזרי את דרכיך לזרים תחת כל עץ רענן ובקולי לא שמעתם נאם יהוה׃
- יִרְמְיָהוּ ג׳:י״דבערך תרי״ב לפנה״ס
שובו בנים שובבים נאם יהוה כי אנכי בעלתי בכם ולקחתי אתכם אחד מעיר ושנים ממשפחה והבאתי אתכם ציון׃
- יִרְמְיָהוּ ג׳:ט״ובערך תרי״ב לפנה״ס
ונתתי לכם רעים כלבי ורעו אתכם דעה והשכיל׃
- יִרְמְיָהוּ ג׳:ט״זבערך תרי״ב לפנה״ס
והיה כי תרבו ופריתם בארץ בימים ההמה נאם יהוה לא יאמרו עוד ארון ברית יהוה ולא יעלה על לב ולא יזכרו בו ולא יפקדו ולא יעשה עוד׃
- יִרְמְיָהוּ ג׳:י״זבערך תרי״ב לפנה״ס
בעת ההיא יקראו לירושלם כסא יהוה ונקוו אליה כל הגוים לשם יהוה לירושלם ולא ילכו עוד אחרי שררות לבם הרע׃
- יִרְמְיָהוּ ג׳:י״חבערך תרי״ב לפנה״ס
בימים ההמה ילכו בית יהודה על בית ישראל ויבאו יחדו מארץ צפון על הארץ אשר הנחלתי את אבותיכם׃
- יִרְמְיָהוּ ג׳:י״טבערך תרי״ב לפנה״ס
ואנכי אמרתי איך אשיתך בבנים ואתן לך ארץ חמדה נחלת צבי צבאות גוים ואמר אבי תקראו לי ומאחרי לא תשובו׃
- יִרְמְיָהוּ ג׳:כ׳בערך תרי״ב לפנה״ס
אכן בגדה אשה מרעה כן בגדתם בי בית ישראל נאם יהוה׃
- יִרְמְיָהוּ ג׳:כ״אבערך תרי״ב לפנה״ס
קול על שפיים נשמע בכי תחנוני בני ישראל כי העוו את דרכם שכחו את יהוה אלהיהם׃
- יִרְמְיָהוּ ג׳:כ״בבערך תרי״ב לפנה״ס
שובו בנים שובבים ארפה משובתיכם הננו אתנו לך כי אתה יהוה אלהינו׃
- יִרְמְיָהוּ ג׳:כ״גבערך תרי״ב לפנה״ס
אכן לשקר מגבעות המון הרים אכן ביהוה אלהינו תשועת ישראל׃
- יִרְמְיָהוּ ג׳:כ״דבערך תרי״ב לפנה״ס
והבשת אכלה את יגיע אבותינו מנעורינו את צאנם ואת בקרם את בניהם ואת בנותיהם׃
- יִרְמְיָהוּ ג׳:כ״הבערך תרי״ב לפנה״ס
נשכבה בבשתנו ותכסנו כלמתנו כי ליהוה אלהינו חטאנו אנחנו ואבותינו מנעורינו ועד היום הזה ולא שמענו בקול יהוה אלהינו׃
- יִרְמְיָהוּ ד׳:א׳בערך תרי״ב לפנה״ס
¶ אם תשוב ישראל נאם יהוה אלי תשוב ואם תסיר שקוציך מפני ולא תנוד׃
- יִרְמְיָהוּ ד׳:ב׳בערך תרי״ב לפנה״ס
ונשבעת חי יהוה באמת במשפט ובצדקה והתברכו בו גוים ובו יתהללו׃