TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ א׳:ט׳בערך תרכ״ט לפנה״ס
וישלח יהוה את ידו ויגע על פי ויאמר יהוה אלי הנה נתתי דברי בפיך׃
- יִרְמְיָהוּ א׳:י׳בערך תרכ״ט לפנה״ס
ראה הפקדתיך היום הזה על הגוים ועל הממלכות לנתוש ולנתוץ ולהאביד ולהרוס לבנות ולנטוע׃
- יִרְמְיָהוּ א׳:י״אבערך תרכ״ט לפנה״ס
ויהי דבר יהוה אלי לאמר מה אתה ראה ירמיהו ואמר מקל שקד אני ראה׃
- יִרְמְיָהוּ א׳:י״בבערך תרכ״ט לפנה״ס
ויאמר יהוה אלי היטבת לראות כי שקד אני על דברי לעשתו׃
- יִרְמְיָהוּ א׳:י״גבערך תרכ״ט לפנה״ס
ויהי דבר יהוה אלי שנית לאמר מה אתה ראה ואמר סיר נפוח אני ראה ופניו מפני צפונה׃
- יִרְמְיָהוּ א׳:י״דבערך תרכ״ט לפנה״ס
ויאמר יהוה אלי מצפון תפתח הרעה על כל ישבי הארץ׃
- יִרְמְיָהוּ א׳:ט״ובערך תרכ״ט לפנה״ס
כי הנני קרא לכל משפחות ממלכות צפונה נאם יהוה ובאו ונתנו איש כסאו פתח שערי ירושלם ועל כל חומתיה סביב ועל כל ערי יהודה׃
- יִרְמְיָהוּ א׳:ט״זבערך תרכ״ט לפנה״ס
ודברתי משפטי אותם על כל רעתם אשר עזבוני ויקטרו לאלהים אחרים וישתחוו למעשי ידיהם׃
- יִרְמְיָהוּ א׳:י״זבערך תרכ״ט לפנה״ס
ואתה תאזר מתניך וקמת ודברת אליהם את כל אשר אנכי אצוך אל תחת מפניהם פן אחתך לפניהם׃
- יִרְמְיָהוּ א׳:י״חבערך תרכ״ט לפנה״ס
ואני הנה נתתיך היום לעיר מבצר ולעמוד ברזל ולחמות נחשת על כל הארץ למלכי יהודה לשריה לכהניה ולעם הארץ׃
- יִרְמְיָהוּ א׳:י״טבערך תרכ״ט לפנה״ס
ונלחמו אליך ולא יוכלו לך כי אתך אני נאם יהוה להצילך׃
- יִרְמְיָהוּ ב׳:א׳בערך תרכ״ט לפנה״ס
¶ ויהי דבר יהוה אלי לאמר׃
- יִרְמְיָהוּ ב׳:ב׳בערך תרכ״ט לפנה״ס
הלך וקראת באזני ירושלם לאמר כה אמר יהוה זכרתי לך חסד נעוריך אהבת כלולתיך לכתך אחרי במדבר בארץ לא זרועה׃
- יִרְמְיָהוּ ב׳:ג׳בערך תרכ״ט לפנה״ס
קדש ישראל ליהוה ראשית תבואתה כל אכליו יאשמו רעה תבא אליהם נאם יהוה׃
- יִרְמְיָהוּ ב׳:ד׳בערך תרכ״ט לפנה״ס
שמעו דבר יהוה בית יעקב וכל משפחות בית ישראל׃
- יִרְמְיָהוּ ב׳:ה׳בערך תרכ״ט לפנה״ס
כה אמר יהוה מה מצאו אבותיכם בי עול כי רחקו מעלי וילכו אחרי ההבל ויהבלו׃
- יִרְמְיָהוּ ב׳:ו׳בערך תרכ״ט לפנה״ס
ולא אמרו איה יהוה המעלה אתנו מארץ מצרים המוליך אתנו במדבר בארץ ערבה ושוחה בארץ ציה וצלמות בארץ לא עבר בה איש ולא ישב אדם שם׃
- יִרְמְיָהוּ ב׳:ז׳בערך תרכ״ט לפנה״ס
ואביא אתכם אל ארץ הכרמל לאכל פריה וטובה ותבאו ותטמאו את ארצי ונחלתי שמתם לתועבה׃
- יִרְמְיָהוּ ב׳:ח׳בערך תרכ״ט לפנה״ס
הכהנים לא אמרו איה יהוה ותפשי התורה לא ידעוני והרעים פשעו בי והנביאים נבאו בבעל ואחרי לא יועלו הלכו׃
- יִרְמְיָהוּ ב׳:ט׳בערך תרכ״ט לפנה״ס
לכן עד אריב אתכם נאם יהוה ואת בני בניכם אריב׃
- יִרְמְיָהוּ ב׳:י׳בערך תרכ״ט לפנה״ס
כי עברו איי כתיים וראו וקדר שלחו והתבוננו מאד וראו הן היתה כזאת׃
- יִרְמְיָהוּ ב׳:י״אבערך תרכ״ט לפנה״ס
ההימיר גוי אלהים והמה לא אלהים ועמי המיר כבודו בלוא יועיל׃
- יִרְמְיָהוּ ב׳:י״בבערך תרכ״ט לפנה״ס
שמו שמים על זאת ושערו חרבו מאד נאם יהוה׃
- יִרְמְיָהוּ ב׳:י״גבערך תרכ״ט לפנה״ס
כי שתים רעות עשה עמי אתי עזבו מקור מים חיים לחצב להם בארות בארת נשברים אשר לא יכלו המים׃
- יִרְמְיָהוּ ב׳:י״דבערך תרכ״ט לפנה״ס
העבד ישראל אם יליד בית הוא מדוע היה לבז׃