TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יְשַׁעְיָהוּ ס״ה:ח׳בערך תרצ״ח לפנה״ס
כה אמר יהוה כאשר ימצא התירוש באשכול ואמר אל תשחיתהו כי ברכה בו כן אעשה למען עבדי לבלתי השחית הכל׃
- יְשַׁעְיָהוּ ס״ה:ט׳בערך תרצ״ח לפנה״ס
והוצאתי מיעקב זרע ומיהודה יורש הרי וירשוה בחירי ועבדי ישכנו שמה׃
- יְשַׁעְיָהוּ ס״ה:י׳בערך תרצ״ח לפנה״ס
והיה השרון לנוה צאן ועמק עכור לרבץ בקר לעמי אשר דרשוני׃
- יְשַׁעְיָהוּ ס״ה:י״אבערך תרצ״ח לפנה״ס
ואתם עזבי יהוה השכחים את הר קדשי הערכים לגד שלחן והממלאים למני ממסך׃
- יְשַׁעְיָהוּ ס״ה:י״בבערך תרצ״ח לפנה״ס
ומניתי אתכם לחרב וכלכם לטבח תכרעו יען קראתי ולא עניתם דברתי ולא שמעתם ותעשו הרע בעיני ובאשר לא חפצתי בחרתם׃
- יְשַׁעְיָהוּ ס״ה:י״גבערך תרצ״ח לפנה״ס
לכן כה אמר אדני יהוה הנה עבדי יאכלו ואתם תרעבו הנה עבדי ישתו ואתם תצמאו הנה עבדי ישמחו ואתם תבשו׃
- יְשַׁעְיָהוּ ס״ה:י״דבערך תרצ״ח לפנה״ס
הנה עבדי ירנו מטוב לב ואתם תצעקו מכאב לב ומשבר רוח תילילו׃
- יְשַׁעְיָהוּ ס״ה:ט״ובערך תרצ״ח לפנה״ס
והנחתם שמכם לשבועה לבחירי והמיתך אדני יהוה ולעבדיו יקרא שם אחר׃
- יְשַׁעְיָהוּ ס״ה:ט״זבערך תרצ״ח לפנה״ס
אשר המתברך בארץ יתברך באלהי אמן והנשבע בארץ ישבע באלהי אמן כי נשכחו הצרות הראשנות וכי נסתרו מעיני׃
- יְשַׁעְיָהוּ ס״ה:י״זבערך תרצ״ח לפנה״ס
כי הנני בורא שמים חדשים וארץ חדשה ולא תזכרנה הראשנות ולא תעלינה על לב׃
- יְשַׁעְיָהוּ ס״ה:י״חבערך תרצ״ח לפנה״ס
כי אם שישו וגילו עדי עד אשר אני בורא כי הנני בורא את ירושלם גילה ועמה משוש׃
- יְשַׁעְיָהוּ ס״ה:י״טבערך תרצ״ח לפנה״ס
וגלתי בירושלם וששתי בעמי ולא ישמע בה עוד קול בכי וקול זעקה׃
- יְשַׁעְיָהוּ ס״ה:כ׳בערך תרצ״ח לפנה״ס
לא יהיה משם עוד עול ימים וזקן אשר לא ימלא את ימיו כי הנער בן מאה שנה ימות והחוטא בן מאה שנה יקלל׃
- יְשַׁעְיָהוּ ס״ה:כ״אבערך תרצ״ח לפנה״ס
ובנו בתים וישבו ונטעו כרמים ואכלו פרים׃
- יְשַׁעְיָהוּ ס״ה:כ״בבערך תרצ״ח לפנה״ס
לא יבנו ואחר ישב לא יטעו ואחר יאכל כי כימי העץ ימי עמי ומעשה ידיהם יבלו בחירי׃
- יְשַׁעְיָהוּ ס״ה:כ״גבערך תרצ״ח לפנה״ס
לא ייגעו לריק ולא ילדו לבהלה כי זרע ברוכי יהוה המה וצאצאיהם אתם׃
- יְשַׁעְיָהוּ ס״ה:כ״דבערך תרצ״ח לפנה״ס
והיה טרם יקראו ואני אענה עוד הם מדברים ואני אשמע׃
- יְשַׁעְיָהוּ ס״ה:כ״הבערך תרצ״ח לפנה״ס
זאב וטלה ירעו כאחד ואריה כבקר יאכל תבן ונחש עפר לחמו לא ירעו ולא ישחיתו בכל הר קדשי אמר יהוה׃
- יְשַׁעְיָהוּ ס״ו:א׳בערך תרצ״ח לפנה״ס
¶ כה אמר יהוה השמים כסאי והארץ הדם רגלי אי זה בית אשר תבנו לי ואי זה מקום מנוחתי׃
- יְשַׁעְיָהוּ ס״ו:ב׳בערך תרצ״ח לפנה״ס
ואת כל אלה ידי עשתה ויהיו כל אלה נאם יהוה ואל זה אביט אל עני ונכה רוח וחרד על דברי׃
- יְשַׁעְיָהוּ ס״ו:ג׳בערך תרצ״ח לפנה״ס
שוחט השור מכה איש זובח השה ערף כלב מעלה מנחה דם חזיר מזכיר לבנה מברך און גם המה בחרו בדרכיהם ובשקוציהם נפשם חפצה׃
- יְשַׁעְיָהוּ ס״ו:ד׳בערך תרצ״ח לפנה״ס
גם אני אבחר בתעלליהם ומגורתם אביא להם יען קראתי ואין עונה דברתי ולא שמעו ויעשו הרע בעיני ובאשר לא חפצתי בחרו׃
- יְשַׁעְיָהוּ ס״ו:ה׳בערך תרצ״ח לפנה״ס
שמעו דבר יהוה החרדים אל דברו אמרו אחיכם שנאיכם מנדיכם למען שמי יכבד יהוה ונראה בשמחתכם והם יבשו׃
- יְשַׁעְיָהוּ ס״ו:ו׳בערך תרצ״ח לפנה״ס
קול שאון מעיר קול מהיכל קול יהוה משלם גמול לאיביו׃
- יְשַׁעְיָהוּ ס״ו:ז׳בערך תרצ״ח לפנה״ס
בטרם תחיל ילדה בטרם יבוא חבל לה והמליטה זכר׃