TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יְשַׁעְיָהוּ ס״ו:ח׳בערך תרצ״ח לפנה״ס
מי שמע כזאת מי ראה כאלה היוחל ארץ ביום אחד אם יולד גוי פעם אחת כי חלה גם ילדה ציון את בניה׃
- יְשַׁעְיָהוּ ס״ו:ט׳בערך תרצ״ח לפנה״ס
האני אשביר ולא אוליד יאמר יהוה אם אני המוליד ועצרתי אמר אלהיך׃
- יְשַׁעְיָהוּ ס״ו:י׳בערך תרצ״ח לפנה״ס
שמחו את ירושלם וגילו בה כל אהביה שישו אתה משוש כל המתאבלים עליה׃
- יְשַׁעְיָהוּ ס״ו:י״אבערך תרצ״ח לפנה״ס
למען תינקו ושבעתם משד תנחמיה למען תמצו והתענגתם מזיז כבודה׃
- יְשַׁעְיָהוּ ס״ו:י״בבערך תרצ״ח לפנה״ס
כי כה אמר יהוה הנני נטה אליה כנהר שלום וכנחל שוטף כבוד גוים וינקתם על צד תנשאו ועל ברכים תשעשעו׃
- יְשַׁעְיָהוּ ס״ו:י״גבערך תרצ״ח לפנה״ס
כאיש אשר אמו תנחמנו כן אנכי אנחמכם ובירושלם תנחמו׃
- יְשַׁעְיָהוּ ס״ו:י״דבערך תרצ״ח לפנה״ס
וראיתם ושש לבכם ועצמותיכם כדשא תפרחנה ונודעה יד יהוה את עבדיו וזעם את איביו׃
- יְשַׁעְיָהוּ ס״ו:ט״ובערך תרצ״ח לפנה״ס
כי הנה יהוה באש יבוא וכסופה מרכבתיו להשיב בחמה אפו וגערתו בלהבי אש׃
- יְשַׁעְיָהוּ ס״ו:ט״זבערך תרצ״ח לפנה״ס
כי באש יהוה נשפט ובחרבו את כל בשר ורבו חללי יהוה׃
- יְשַׁעְיָהוּ ס״ו:י״זבערך תרצ״ח לפנה״ס
המתקדשים והמטהרים אל הגנות אחר אחד בתוך אכלי בשר החזיר והשקץ והעכבר יחדו יספו נאם יהוה׃
- יְשַׁעְיָהוּ ס״ו:י״חבערך תרצ״ח לפנה״ס
ואנכי מעשיהם ומחשבתיהם באה לקבץ את כל הגוים והלשנות ובאו וראו את כבודי׃
- יְשַׁעְיָהוּ ס״ו:י״טבערך תרצ״ח לפנה״ס
ושמתי בהם אות ושלחתי מהם פליטים אל הגוים תרשיש פול ולוד משכי קשת תבל ויון האיים הרחקים אשר לא שמעו את שמעי ולא ראו את כבודי והגידו את כבודי בגוים׃
- יְשַׁעְיָהוּ ס״ו:כ׳בערך תרצ״ח לפנה״ס
והביאו את כל אחיכם מכל הגוים מנחה ליהוה בסוסים וברכב ובצבים ובפרדים ובכרכרות על הר קדשי ירושלם אמר יהוה כאשר יביאו בני ישראל את המנחה בכלי טהור בית יהוה׃
- יְשַׁעְיָהוּ ס״ו:כ״אבערך תרצ״ח לפנה״ס
וגם מהם אקח לכהנים ללוים אמר יהוה׃
- יְשַׁעְיָהוּ ס״ו:כ״בבערך תרצ״ח לפנה״ס
כי כאשר השמים החדשים והארץ החדשה אשר אני עשה עמדים לפני נאם יהוה כן יעמד זרעכם ושמכם׃
- יְשַׁעְיָהוּ ס״ו:כ״גבערך תרצ״ח לפנה״ס
והיה מדי חדש בחדשו ומדי שבת בשבתו יבוא כל בשר להשתחות לפני אמר יהוה׃
- יְשַׁעְיָהוּ ס״ו:כ״דבערך תרצ״ח לפנה״ס
ויצאו וראו בפגרי האנשים הפשעים בי כי תולעתם לא תמות ואשם לא תכבה והיו דראון לכל בשר׃
- יִרְמְיָהוּ א׳:א׳בערך תרכ״ט לפנה״ס
¶ דברי ירמיהו בן חלקיהו מן הכהנים אשר בענתות בארץ בנימן׃
- יִרְמְיָהוּ א׳:ב׳בערך תרכ״ט לפנה״ס
אשר היה דבר יהוה אליו בימי יאשיהו בן אמון מלך יהודה בשלש עשרה שנה למלכו׃
- יִרְמְיָהוּ א׳:ג׳בערך תרכ״ט לפנה״ס
ויהי בימי יהויקים בן יאשיהו מלך יהודה עד תם עשתי עשרה שנה לצדקיהו בן יאשיהו מלך יהודה עד גלות ירושלם בחדש החמישי׃
- יִרְמְיָהוּ א׳:ד׳בערך תרכ״ט לפנה״ס
ויהי דבר יהוה אלי לאמר׃
- יִרְמְיָהוּ א׳:ה׳בערך תרכ״ט לפנה״ס
בטרם אצורך בבטן ידעתיך ובטרם תצא מרחם הקדשתיך נביא לגוים נתתיך׃
- יִרְמְיָהוּ א׳:ו׳בערך תרכ״ט לפנה״ס
ואמר אהה אדני יהוה הנה לא ידעתי דבר כי נער אנכי׃
- יִרְמְיָהוּ א׳:ז׳בערך תרכ״ט לפנה״ס
ויאמר יהוה אלי אל תאמר נער אנכי כי על כל אשר אשלחך תלך ואת כל אשר אצוך תדבר׃
- יִרְמְיָהוּ א׳:ח׳בערך תרכ״ט לפנה״ס
אל תירא מפניהם כי אתך אני להצלך נאם יהוה׃