TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יְשַׁעְיָהוּ ס״ג:י״דבערך תרצ״ח לפנה״ס
כבהמה בבקעה תרד רוח יהוה תניחנו כן נהגת עמך לעשות לך שם תפארת׃
- יְשַׁעְיָהוּ ס״ג:ט״ובערך תרצ״ח לפנה״ס
הבט משמים וראה מזבל קדשך ותפארתך איה קנאתך וגבורתך המון מעיך ורחמיך אלי התאפקו׃
- יְשַׁעְיָהוּ ס״ג:ט״זבערך תרצ״ח לפנה״ס
כי אתה אבינו כי אברהם לא ידענו וישראל לא יכירנו אתה יהוה אבינו גאלנו מעולם שמך׃
- יְשַׁעְיָהוּ ס״ג:י״זבערך תרצ״ח לפנה״ס
למה תתענו יהוה מדרכיך תקשיח לבנו מיראתך שוב למען עבדיך שבטי נחלתך׃
- יְשַׁעְיָהוּ ס״ג:י״חבערך תרצ״ח לפנה״ס
למצער ירשו עם קדשך צרינו בוססו מקדשך׃
- יְשַׁעְיָהוּ ס״ג:י״טבערך תרצ״ח לפנה״ס
היינו מעולם לא משלת בם לא נקרא שמך עליהם׃
- יְשַׁעְיָהוּ ס״ד:א׳בערך תרצ״ח לפנה״ס
¶ לוא קרעת שמים ירדת מפניך הרים נזלו׃
- יְשַׁעְיָהוּ ס״ד:ב׳בערך תרצ״ח לפנה״ס
כקדח אש המסים מים תבעה אש להודיע שמך לצריך מפניך גוים ירגזו׃
- יְשַׁעְיָהוּ ס״ד:ג׳בערך תרצ״ח לפנה״ס
בעשותך נוראות לא נקוה ירדת מפניך הרים נזלו׃
- יְשַׁעְיָהוּ ס״ד:ד׳בערך תרצ״ח לפנה״ס
ומעולם לא שמעו לא האזינו עין לא ראתה אלהים זולתך יעשה למחכה לו׃
- יְשַׁעְיָהוּ ס״ד:ה׳בערך תרצ״ח לפנה״ס
פגעת את שש ועשה צדק בדרכיך יזכרוך הן אתה קצפת ונחטא בהם עולם ונושע׃
- יְשַׁעְיָהוּ ס״ד:ו׳בערך תרצ״ח לפנה״ס
ונהי כטמא כלנו וכבגד עדים כל צדקתינו ונבל כעלה כלנו ועוננו כרוח ישאנו׃
- יְשַׁעְיָהוּ ס״ד:ז׳בערך תרצ״ח לפנה״ס
ואין קורא בשמך מתעורר להחזיק בך כי הסתרת פניך ממנו ותמוגנו ביד עוננו׃
- יְשַׁעְיָהוּ ס״ד:ח׳בערך תרצ״ח לפנה״ס
ועתה יהוה אבינו אתה אנחנו החמר ואתה יצרנו ומעשה ידך כלנו׃
- יְשַׁעְיָהוּ ס״ד:ט׳בערך תרצ״ח לפנה״ס
אל תקצף יהוה עד מאד ואל לעד תזכר עון הן הבט נא עמך כלנו׃
- יְשַׁעְיָהוּ ס״ד:י׳בערך תרצ״ח לפנה״ס
ערי קדשך היו מדבר ציון מדבר היתה ירושלם שממה׃
- יְשַׁעְיָהוּ ס״ד:י״אבערך תרצ״ח לפנה״ס
בית קדשנו ותפארתנו אשר הללוך אבתינו היה לשרפת אש וכל מחמדינו היה לחרבה׃
- יְשַׁעְיָהוּ ס״ד:י״בבערך תרצ״ח לפנה״ס
העל אלה תתאפק יהוה תחשה ותעננו עד מאד׃
- יְשַׁעְיָהוּ ס״ה:א׳בערך תרצ״ח לפנה״ס
¶ נדרשתי ללוא שאלו נמצאתי ללא בקשני אמרתי הנני הנני אל גוי לא קרא בשמי׃
- יְשַׁעְיָהוּ ס״ה:ב׳בערך תרצ״ח לפנה״ס
פרשתי ידי כל היום אל עם סורר ההלכים הדרך לא טוב אחר מחשבתיהם׃
- יְשַׁעְיָהוּ ס״ה:ג׳בערך תרצ״ח לפנה״ס
העם המכעיסים אותי על פני תמיד זבחים בגנות ומקטרים על הלבנים׃
- יְשַׁעְיָהוּ ס״ה:ד׳בערך תרצ״ח לפנה״ס
הישבים בקברים ובנצורים ילינו האכלים בשר החזיר ופרק פגלים כליהם׃
- יְשַׁעְיָהוּ ס״ה:ה׳בערך תרצ״ח לפנה״ס
האמרים קרב אליך אל תגש בי כי קדשתיך אלה עשן באפי אש יקדת כל היום׃
- יְשַׁעְיָהוּ ס״ה:ו׳בערך תרצ״ח לפנה״ס
הנה כתובה לפני לא אחשה כי אם שלמתי ושלמתי על חיקם׃
- יְשַׁעְיָהוּ ס״ה:ז׳בערך תרצ״ח לפנה״ס
עונתיכם ועונת אבותיכם יחדו אמר יהוה אשר קטרו על ההרים ועל הגבעות חרפוני ומדתי פעלתם ראשנה על חיקם׃