TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יְשַׁעְיָהוּ ס׳:ט׳בערך תרצ״ח לפנה״ס
כי לי איים יקוו ואניות תרשיש בראשנה להביא בניך מרחוק כספם וזהבם אתם לשם יהוה אלהיך ולקדוש ישראל כי פארך׃
- יְשַׁעְיָהוּ ס׳:י׳בערך תרצ״ח לפנה״ס
ובנו בני נכר חמתיך ומלכיהם ישרתונך כי בקצפי הכיתיך וברצוני רחמתיך׃
- יְשַׁעְיָהוּ ס׳:י״אבערך תרצ״ח לפנה״ס
ופתחו שעריך תמיד יומם ולילה לא יסגרו להביא אליך חיל גוים ומלכיהם נהוגים׃
- יְשַׁעְיָהוּ ס׳:י״בבערך תרצ״ח לפנה״ס
כי הגוי והממלכה אשר לא יעבדוך יאבדו והגוים חרב יחרבו׃
- יְשַׁעְיָהוּ ס׳:י״גבערך תרצ״ח לפנה״ס
כבוד הלבנון אליך יבוא ברוש תדהר ותאשור יחדו לפאר מקום מקדשי ומקום רגלי אכבד׃
- יְשַׁעְיָהוּ ס׳:י״דבערך תרצ״ח לפנה״ס
והלכו אליך שחוח בני מעניך והשתחוו על כפות רגליך כל מנאציך וקראו לך עיר יהוה ציון קדוש ישראל׃
- יְשַׁעְיָהוּ ס׳:ט״ובערך תרצ״ח לפנה״ס
תחת היותך עזובה ושנואה ואין עובר ושמתיך לגאון עולם משוש דור ודור׃
- יְשַׁעְיָהוּ ס׳:ט״זבערך תרצ״ח לפנה״ס
וינקת חלב גוים ושד מלכים תינקי וידעת כי אני יהוה מושיעך וגאלך אביר יעקב׃
- יְשַׁעְיָהוּ ס׳:י״זבערך תרצ״ח לפנה״ס
תחת הנחשת אביא זהב ותחת הברזל אביא כסף ותחת העצים נחשת ותחת האבנים ברזל ושמתי פקדתך שלום ונגשיך צדקה׃
- יְשַׁעְיָהוּ ס׳:י״חבערך תרצ״ח לפנה״ס
לא ישמע עוד חמס בארצך שד ושבר בגבוליך וקראת ישועה חומתיך ושעריך תהלה׃
- יְשַׁעְיָהוּ ס׳:י״טבערך תרצ״ח לפנה״ס
לא יהיה לך עוד השמש לאור יומם ולנגה הירח לא יאיר לך והיה לך יהוה לאור עולם ואלהיך לתפארתך׃
- יְשַׁעְיָהוּ ס׳:כ׳בערך תרצ״ח לפנה״ס
לא יבוא עוד שמשך וירחך לא יאסף כי יהוה יהיה לך לאור עולם ושלמו ימי אבלך׃
- יְשַׁעְיָהוּ ס׳:כ״אבערך תרצ״ח לפנה״ס
ועמך כלם צדיקים לעולם יירשו ארץ נצר מטעו מעשה ידי להתפאר׃
- יְשַׁעְיָהוּ ס׳:כ״בבערך תרצ״ח לפנה״ס
הקטן יהיה לאלף והצעיר לגוי עצום אני יהוה בעתה אחישנה׃
- יְשַׁעְיָהוּ ס״א:א׳בערך תרצ״ח לפנה״ס
¶ רוח אדני יהוה עלי יען משח יהוה אתי לבשר ענוים שלחני לחבש לנשברי לב לקרא לשבוים דרור ולאסורים פקח קוח׃
- יְשַׁעְיָהוּ ס״א:ב׳בערך תרצ״ח לפנה״ס
לקרא שנת רצון ליהוה ויום נקם לאלהינו לנחם כל אבלים׃
- יְשַׁעְיָהוּ ס״א:ג׳בערך תרצ״ח לפנה״ס
לשום לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃
- יְשַׁעְיָהוּ ס״א:ד׳בערך תרצ״ח לפנה״ס
ובנו חרבות עולם שממות ראשנים יקוממו וחדשו ערי חרב שממות דור ודור׃
- יְשַׁעְיָהוּ ס״א:ה׳בערך תרצ״ח לפנה״ס
ועמדו זרים ורעו צאנכם ובני נכר אכריכם וכרמיכם׃
- יְשַׁעְיָהוּ ס״א:ו׳בערך תרצ״ח לפנה״ס
ואתם כהני יהוה תקראו משרתי אלהינו יאמר לכם חיל גוים תאכלו ובכבודם תתימרו׃
- יְשַׁעְיָהוּ ס״א:ז׳בערך תרצ״ח לפנה״ס
תחת בשתכם משנה וכלמה ירנו חלקם לכן בארצם משנה יירשו שמחת עולם תהיה להם׃
- יְשַׁעְיָהוּ ס״א:ח׳בערך תרצ״ח לפנה״ס
כי אני יהוה אהב משפט שנא גזל בעולה ונתתי פעלתם באמת וברית עולם אכרות להם׃
- יְשַׁעְיָהוּ ס״א:ט׳בערך תרצ״ח לפנה״ס
ונודע בגוים זרעם וצאצאיהם בתוך העמים כל ראיהם יכירום כי הם זרע ברך יהוה׃
- יְשַׁעְיָהוּ ס״א:י׳בערך תרצ״ח לפנה״ס
שוש אשיש ביהוה תגל נפשי באלהי כי הלבישני בגדי ישע מעיל צדקה יעטני כחתן יכהן פאר וככלה תעדה כליה׃
- יְשַׁעְיָהוּ ס״א:י״אבערך תרצ״ח לפנה״ס
כי כארץ תוציא צמחה וכגנה זרועיה תצמיח כן אדני יהוה יצמיח צדקה ותהלה נגד כל הגוים׃