TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יְשַׁעְיָהוּ נ״ז:ט״ובערך תרצ״ח לפנה״ס
כי כה אמר רם ונשא שכן עד וקדוש שמו מרום וקדוש אשכון ואת דכא ושפל רוח להחיות רוח שפלים ולהחיות לב נדכאים׃
- יְשַׁעְיָהוּ נ״ז:ט״זבערך תרצ״ח לפנה״ס
כי לא לעולם אריב ולא לנצח אקצוף כי רוח מלפני יעטוף ונשמות אני עשיתי׃
- יְשַׁעְיָהוּ נ״ז:י״זבערך תרצ״ח לפנה״ס
בעון בצעו קצפתי ואכהו הסתר ואקצף וילך שובב בדרך לבו׃
- יְשַׁעְיָהוּ נ״ז:י״חבערך תרצ״ח לפנה״ס
דרכיו ראיתי וארפאהו ואנחהו ואשלם נחמים לו ולאבליו׃
- יְשַׁעְיָהוּ נ״ז:י״טבערך תרצ״ח לפנה״ס
בורא נוב שפתים שלום שלום לרחוק ולקרוב אמר יהוה ורפאתיו׃
- יְשַׁעְיָהוּ נ״ז:כ׳בערך תרצ״ח לפנה״ס
והרשעים כים נגרש כי השקט לא יוכל ויגרשו מימיו רפש וטיט׃
- יְשַׁעְיָהוּ נ״ז:כ״אבערך תרצ״ח לפנה״ס
אין שלום אמר אלהי לרשעים׃
- יְשַׁעְיָהוּ נ״ח:א׳בערך תרצ״ח לפנה״ס
¶ קרא בגרון אל תחשך כשופר הרם קולך והגד לעמי פשעם ולבית יעקב חטאתם׃
- יְשַׁעְיָהוּ נ״ח:ב׳בערך תרצ״ח לפנה״ס
ואותי יום יום ידרשון ודעת דרכי יחפצון כגוי אשר צדקה עשה ומשפט אלהיו לא עזב ישאלוני משפטי צדק קרבת אלהים יחפצון׃
- יְשַׁעְיָהוּ נ״ח:ג׳בערך תרצ״ח לפנה״ס
למה צמנו ולא ראית ענינו נפשנו ולא תדע הן ביום צמכם תמצאו חפץ וכל עצביכם תנגשו׃
- יְשַׁעְיָהוּ נ״ח:ד׳בערך תרצ״ח לפנה״ס
הן לריב ומצה תצומו ולהכות באגרף רשע לא תצומו כיום להשמיע במרום קולכם׃
- יְשַׁעְיָהוּ נ״ח:ה׳בערך תרצ״ח לפנה״ס
הכזה יהיה צום אבחרהו יום ענות אדם נפשו הלכף כאגמן ראשו ושק ואפר יציע הלזה תקרא צום ויום רצון ליהוה׃
- יְשַׁעְיָהוּ נ״ח:ו׳בערך תרצ״ח לפנה״ס
הלוא זה צום אבחרהו פתח חרצבות רשע התר אגדות מוטה ושלח רצוצים חפשים וכל מוטה תנתקו׃
- יְשַׁעְיָהוּ נ״ח:ז׳בערך תרצ״ח לפנה״ס
הלוא פרס לרעב לחמך ועניים מרודים תביא בית כי תראה ערם וכסיתו ומבשרך לא תתעלם׃
- יְשַׁעְיָהוּ נ״ח:ח׳בערך תרצ״ח לפנה״ס
אז יבקע כשחר אורך וארכתך מהרה תצמח והלך לפניך צדקך כבוד יהוה יאספך׃
- יְשַׁעְיָהוּ נ״ח:ט׳בערך תרצ״ח לפנה״ס
אז תקרא ויהוה יענה תשוע ויאמר הנני אם תסיר מתוכך מוטה שלח אצבע ודבר און׃
- יְשַׁעְיָהוּ נ״ח:י׳בערך תרצ״ח לפנה״ס
ותפק לרעב נפשך ונפש נענה תשביע וזרח בחשך אורך ואפלתך כצהרים׃
- יְשַׁעְיָהוּ נ״ח:י״אבערך תרצ״ח לפנה״ס
ונחך יהוה תמיד והשביע בצחצחות נפשך ועצמתיך יחליץ והיית כגן רוה וכמוצא מים אשר לא יכזבו מימיו׃
- יְשַׁעְיָהוּ נ״ח:י״בבערך תרצ״ח לפנה״ס
ובנו ממך חרבות עולם מוסדי דור ודור תקומם וקרא לך גדר פרץ משבב נתיבות לשבת׃
- יְשַׁעְיָהוּ נ״ח:י״גבערך תרצ״ח לפנה״ס
אם תשיב משבת רגלך עשות חפציך ביום קדשי וקראת לשבת ענג לקדוש יהוה מכבד וכבדתו מעשות דרכיך ממצוא חפצך ודבר דבר׃
- יְשַׁעְיָהוּ נ״ח:י״דבערך תרצ״ח לפנה״ס
אז תתענג על יהוה והרכבתיך על במותי ארץ והאכלתיך נחלת יעקב אביך כי פי יהוה דבר׃
- יְשַׁעְיָהוּ נ״ט:א׳בערך תרצ״ח לפנה״ס
¶ הן לא קצרה יד יהוה מהושיע ולא כבדה אזנו משמוע׃
- יְשַׁעְיָהוּ נ״ט:ב׳בערך תרצ״ח לפנה״ס
כי אם עונתיכם היו מבדלים בינכם לבין אלהיכם וחטאותיכם הסתירו פנים מכם משמוע׃
- יְשַׁעְיָהוּ נ״ט:ג׳בערך תרצ״ח לפנה״ס
כי כפיכם נגאלו בדם ואצבעותיכם בעון שפתותיכם דברו שקר לשונכם עולה תהגה׃
- יְשַׁעְיָהוּ נ״ט:ד׳בערך תרצ״ח לפנה״ס
אין קרא בצדק ואין נשפט באמונה בטוח על תהו ודבר שוא הרו עמל והוליד און׃