TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יְשַׁעְיָהוּ נ״ט:ה׳בערך תרצ״ח לפנה״ס
ביצי צפעוני בקעו וקורי עכביש יארגו האכל מביציהם ימות והזורה תבקע אפעה׃
- יְשַׁעְיָהוּ נ״ט:ו׳בערך תרצ״ח לפנה״ס
קוריהם לא יהיו לבגד ולא יתכסו במעשיהם מעשיהם מעשי און ופעל חמס בכפיהם׃
- יְשַׁעְיָהוּ נ״ט:ז׳בערך תרצ״ח לפנה״ס
רגליהם לרע ירצו וימהרו לשפך דם נקי מחשבותיהם מחשבות און שד ושבר במסלותם׃
- יְשַׁעְיָהוּ נ״ט:ח׳בערך תרצ״ח לפנה״ס
דרך שלום לא ידעו ואין משפט במעגלותם נתיבותיהם עקשו להם כל דרך בה לא ידע שלום׃
- יְשַׁעְיָהוּ נ״ט:ט׳בערך תרצ״ח לפנה״ס
על כן רחק משפט ממנו ולא תשיגנו צדקה נקוה לאור והנה חשך לנגהות באפלות נהלך׃
- יְשַׁעְיָהוּ נ״ט:י׳בערך תרצ״ח לפנה״ס
נגששה כעורים קיר וכאין עינים נגששה כשלנו בצהרים כנשף באשמנים כמתים׃
- יְשַׁעְיָהוּ נ״ט:י״אבערך תרצ״ח לפנה״ס
נהמה כדבים כלנו וכיונים הגה נהגה נקוה למשפט ואין לישועה רחקה ממנו׃
- יְשַׁעְיָהוּ נ״ט:י״בבערך תרצ״ח לפנה״ס
כי רבו פשעינו נגדך וחטאותינו ענתה בנו כי פשעינו אתנו ועונתינו ידענום׃
- יְשַׁעְיָהוּ נ״ט:י״גבערך תרצ״ח לפנה״ס
פשע וכחש ביהוה ונסוג מאחר אלהינו דבר עשק וסרה הרו והגו מלב דברי שקר׃
- יְשַׁעְיָהוּ נ״ט:י״דבערך תרצ״ח לפנה״ס
והסג אחור משפט וצדקה מרחוק תעמד כי כשלה ברחוב אמת ונכחה לא תוכל לבוא׃
- יְשַׁעְיָהוּ נ״ט:ט״ובערך תרצ״ח לפנה״ס
ותהי האמת נעדרת וסר מרע משתולל וירא יהוה וירע בעיניו כי אין משפט׃
- יְשַׁעְיָהוּ נ״ט:ט״זבערך תרצ״ח לפנה״ס
וירא כי אין איש וישתומם כי אין מפגיע ותושע לו זרעו וצדקתו היא סמכתהו׃
- יְשַׁעְיָהוּ נ״ט:י״זבערך תרצ״ח לפנה״ס
וילבש צדקה כשרין וכובע ישועה בראשו וילבש בגדי נקם תלבשת ויעט כמעיל קנאה׃
- יְשַׁעְיָהוּ נ״ט:י״חבערך תרצ״ח לפנה״ס
כעל גמלות כעל ישלם חמה לצריו גמול לאיביו לאיים גמול ישלם׃
- יְשַׁעְיָהוּ נ״ט:י״טבערך תרצ״ח לפנה״ס
וייראו ממערב את שם יהוה וממזרח שמש את כבודו כי יבוא כנהר צר רוח יהוה נססה בו׃
- יְשַׁעְיָהוּ נ״ט:כ׳בערך תרצ״ח לפנה״ס
ובא לציון גואל ולשבי פשע ביעקב נאם יהוה׃
- יְשַׁעְיָהוּ נ״ט:כ״אבערך תרצ״ח לפנה״ס
ואני זאת בריתי אותם אמר יהוה רוחי אשר עליך ודברי אשר שמתי בפיך לא ימושו מפיך ומפי זרעך ומפי זרע זרעך אמר יהוה מעתה ועד עולם׃
- יְשַׁעְיָהוּ ס׳:א׳בערך תרצ״ח לפנה״ס
¶ קומי אורי כי בא אורך וכבוד יהוה עליך זרח׃
- יְשַׁעְיָהוּ ס׳:ב׳בערך תרצ״ח לפנה״ס
כי הנה החשך יכסה ארץ וערפל לאמים ועליך יזרח יהוה וכבודו עליך יראה׃
- יְשַׁעְיָהוּ ס׳:ג׳בערך תרצ״ח לפנה״ס
והלכו גוים לאורך ומלכים לנגה זרחך׃
- יְשַׁעְיָהוּ ס׳:ד׳בערך תרצ״ח לפנה״ס
שאי סביב עיניך וראי כלם נקבצו באו לך בניך מרחוק יבאו ובנתיך על צד תאמנה׃
- יְשַׁעְיָהוּ ס׳:ה׳בערך תרצ״ח לפנה״ס
אז תראי ונהרת ופחד ורחב לבבך כי יהפך עליך המון ים חיל גוים יבאו לך׃
- יְשַׁעְיָהוּ ס׳:ו׳בערך תרצ״ח לפנה״ס
שפעת גמלים תכסך בכרי מדין ועיפה כלם משבא יבאו זהב ולבונה ישאו ותהלת יהוה יבשרו׃
- יְשַׁעְיָהוּ ס׳:ז׳בערך תרצ״ח לפנה״ס
כל צאן קדר יקבצו לך אילי נביות ישרתונך יעלו על רצון מזבחי ובית תפארתי אפאר׃
- יְשַׁעְיָהוּ ס׳:ח׳בערך תרצ״ח לפנה״ס
מי אלה כעב תעופינה וכיונים אל ארבתיהם׃