TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יְשַׁעְיָהוּ נ״ד:ז׳בערך תשי״ב לפנה״ס
ברגע קטן עזבתיך וברחמים גדלים אקבצך׃
- יְשַׁעְיָהוּ נ״ד:ח׳בערך תשי״ב לפנה״ס
בשצף קצף הסתרתי פני רגע ממך ובחסד עולם רחמתיך אמר גאלך יהוה׃
- יְשַׁעְיָהוּ נ״ד:ט׳בערך תשי״ב לפנה״ס
כי מי נח זאת לי אשר נשבעתי מעבר מי נח עוד על הארץ כן נשבעתי מקצף עליך ומגער בך׃
- יְשַׁעְיָהוּ נ״ד:י׳בערך תשי״ב לפנה״ס
כי ההרים ימושו והגבעות תמוטנה וחסדי מאתך לא ימוש וברית שלומי לא תמוט אמר מרחמך יהוה׃
- יְשַׁעְיָהוּ נ״ד:י״אבערך תשי״ב לפנה״ס
עניה סערה לא נחמה הנה אנכי מרביץ בפוך אבניך ויסדתיך בספירים׃
- יְשַׁעְיָהוּ נ״ד:י״בבערך תשי״ב לפנה״ס
ושמתי כדכד שמשתיך ושעריך לאבני אקדח וכל גבולך לאבני חפץ׃
- יְשַׁעְיָהוּ נ״ד:י״גבערך תשי״ב לפנה״ס
וכל בניך למודי יהוה ורב שלום בניך׃
- יְשַׁעְיָהוּ נ״ד:י״דבערך תשי״ב לפנה״ס
בצדקה תכונני רחקי מעשק כי לא תיראי וממחתה כי לא תקרב אליך׃
- יְשַׁעְיָהוּ נ״ד:ט״ובערך תשי״ב לפנה״ס
הן גור יגור אפס מאותי מי גר אתך עליך יפול׃
- יְשַׁעְיָהוּ נ״ד:ט״זבערך תשי״ב לפנה״ס
הן אנכי בראתי חרש נפח באש פחם ומוציא כלי למעשהו ואנכי בראתי משחית לחבל׃
- יְשַׁעְיָהוּ נ״ד:י״זבערך תשי״ב לפנה״ס
כל כלי יוצר עליך לא יצלח וכל לשון תקום אתך למשפט תרשיעי זאת נחלת עבדי יהוה וצדקתם מאתי נאם יהוה׃
- יְשַׁעְיָהוּ נ״ה:א׳בערך תשי״ב לפנה״ס
¶ הוי כל צמא לכו למים ואשר אין לו כסף לכו שברו ואכלו ולכו שברו בלוא כסף ובלוא מחיר יין וחלב׃
- יְשַׁעְיָהוּ נ״ה:ב׳בערך תשי״ב לפנה״ס
למה תשקלו כסף בלוא לחם ויגיעכם בלוא לשבעה שמעו שמוע אלי ואכלו טוב ותתענג בדשן נפשכם׃
- יְשַׁעְיָהוּ נ״ה:ג׳בערך תשי״ב לפנה״ס
הטו אזנכם ולכו אלי שמעו ותחי נפשכם ואכרתה לכם ברית עולם חסדי דוד הנאמנים׃
- יְשַׁעְיָהוּ נ״ה:ד׳בערך תשי״ב לפנה״ס
הן עד לאומים נתתיו נגיד ומצוה לאמים׃
- יְשַׁעְיָהוּ נ״ה:ה׳בערך תשי״ב לפנה״ס
הן גוי לא תדע תקרא וגוי לא ידעוך אליך ירוצו למען יהוה אלהיך ולקדוש ישראל כי פארך׃
- יְשַׁעְיָהוּ נ״ה:ו׳בערך תשי״ב לפנה״ס
דרשו יהוה בהמצאו קראהו בהיותו קרוב׃
- יְשַׁעְיָהוּ נ״ה:ז׳בערך תשי״ב לפנה״ס
יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח׃
- יְשַׁעְיָהוּ נ״ה:ח׳בערך תשי״ב לפנה״ס
כי לא מחשבותי מחשבותיכם ולא דרכיכם דרכי נאם יהוה׃
- יְשַׁעְיָהוּ נ״ה:ט׳בערך תשי״ב לפנה״ס
כי גבהו שמים מארץ כן גבהו דרכי מדרכיכם ומחשבתי ממחשבתיכם׃
- יְשַׁעְיָהוּ נ״ה:י׳בערך תשי״ב לפנה״ס
כי כאשר ירד הגשם והשלג מן השמים ושמה לא ישוב כי אם הרוה את הארץ והולידה והצמיחה ונתן זרע לזרע ולחם לאכל׃
- יְשַׁעְיָהוּ נ״ה:י״אבערך תשי״ב לפנה״ס
כן יהיה דברי אשר יצא מפי לא ישוב אלי ריקם כי אם עשה את אשר חפצתי והצליח אשר שלחתיו׃
- יְשַׁעְיָהוּ נ״ה:י״בבערך תשי״ב לפנה״ס
כי בשמחה תצאו ובשלום תובלון ההרים והגבעות יפצחו לפניכם רנה וכל עצי השדה ימחאו כף׃
- יְשַׁעְיָהוּ נ״ה:י״גבערך תשי״ב לפנה״ס
תחת הנעצוץ יעלה ברוש תחת הסרפד יעלה הדס והיה ליהוה לשם לאות עולם לא יכרת׃
- יְשַׁעְיָהוּ נ״ו:א׳בערך תשי״ב לפנה״ס
¶ כה אמר יהוה שמרו משפט ועשו צדקה כי קרובה ישועתי לבוא וצדקתי להגלות׃