TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יְשַׁעְיָהוּ נ״ב:ט׳בערך תשי״ב לפנה״ס
פצחו רננו יחדו חרבות ירושלם כי נחם יהוה עמו גאל ירושלם׃
- יְשַׁעְיָהוּ נ״ב:י׳בערך תשי״ב לפנה״ס
חשף יהוה את זרוע קדשו לעיני כל הגוים וראו כל אפסי ארץ את ישועת אלהינו׃
- יְשַׁעְיָהוּ נ״ב:י״אבערך תשי״ב לפנה״ס
סורו סורו צאו משם טמא אל תגעו צאו מתוכה הברו נשאי כלי יהוה׃
- יְשַׁעְיָהוּ נ״ב:י״בבערך תשי״ב לפנה״ס
כי לא בחפזון תצאו ובמנוסה לא תלכון כי הלך לפניכם יהוה ומאספכם אלהי ישראל׃
- יְשַׁעְיָהוּ נ״ב:י״גבערך תשי״ב לפנה״ס
הנה ישכיל עבדי ירום ונשא וגבה מאד׃
- יְשַׁעְיָהוּ נ״ב:י״דבערך תשי״ב לפנה״ס
כאשר שממו עליך רבים כן משחת מאיש מראהו ותארו מבני אדם׃
- יְשַׁעְיָהוּ נ״ב:ט״ובערך תשי״ב לפנה״ס
כן יזה גוים רבים עליו יקפצו מלכים פיהם כי אשר לא ספר להם ראו ואשר לא שמעו התבוננו׃
- יְשַׁעְיָהוּ נ״ג:א׳בערך תשי״ב לפנה״ס
¶ מי האמין לשמעתנו וזרוע יהוה על מי נגלתה׃
- יְשַׁעְיָהוּ נ״ג:ב׳בערך תשי״ב לפנה״ס
ויעל כיונק לפניו וכשרש מארץ ציה לא תאר לו ולא הדר ונראהו ולא מראה ונחמדהו׃
- יְשַׁעְיָהוּ נ״ג:ג׳בערך תשי״ב לפנה״ס
נבזה וחדל אישים איש מכאבות וידוע חלי וכמסתר פנים ממנו נבזה ולא חשבנהו׃
- יְשַׁעְיָהוּ נ״ג:ד׳בערך תשי״ב לפנה״ס
אכן חלינו הוא נשא ומכאבינו סבלם ואנחנו חשבנהו נגוע מכה אלהים ומענה׃
- יְשַׁעְיָהוּ נ״ג:ה׳בערך תשי״ב לפנה״ס
והוא מחלל מפשענו מדכא מעונתינו מוסר שלומנו עליו ובחברתו נרפא לנו׃
- יְשַׁעְיָהוּ נ״ג:ו׳בערך תשי״ב לפנה״ס
כלנו כצאן תעינו איש לדרכו פנינו ויהוה הפגיע בו את עון כלנו׃
- יְשַׁעְיָהוּ נ״ג:ז׳בערך תשי״ב לפנה״ס
נגש והוא נענה ולא יפתח פיו כשה לטבח יובל וכרחל לפני גזזיה נאלמה ולא יפתח פיו׃
- יְשַׁעְיָהוּ נ״ג:ח׳בערך תשי״ב לפנה״ס
מעצר וממשפט לקח ואת דורו מי ישוחח כי נגזר מארץ חיים מפשע עמי נגע למו׃
- יְשַׁעְיָהוּ נ״ג:ט׳בערך תשי״ב לפנה״ס
ויתן את רשעים קברו ואת עשיר במתיו על לא חמס עשה ולא מרמה בפיו׃
- יְשַׁעְיָהוּ נ״ג:י׳בערך תשי״ב לפנה״ס
ויהוה חפץ דכאו החלי אם תשים אשם נפשו יראה זרע יאריך ימים וחפץ יהוה בידו יצלח׃
- יְשַׁעְיָהוּ נ״ג:י״אבערך תשי״ב לפנה״ס
מעמל נפשו יראה ישבע בדעתו יצדיק צדיק עבדי לרבים ועונתם הוא יסבל׃
- יְשַׁעְיָהוּ נ״ג:י״בבערך תשי״ב לפנה״ס
לכן אחלק לו ברבים ואת עצומים יחלק שלל תחת אשר הערה למות נפשו ואת פשעים נמנה והוא חטא רבים נשא ולפשעים יפגיע׃
- יְשַׁעְיָהוּ נ״ד:א׳בערך תשי״ב לפנה״ס
¶ רני עקרה לא ילדה פצחי רנה וצהלי לא חלה כי רבים בני שוממה מבני בעולה אמר יהוה׃
- יְשַׁעְיָהוּ נ״ד:ב׳בערך תשי״ב לפנה״ס
הרחיבי מקום אהלך ויריעות משכנותיך יטו אל תחשכי האריכי מיתריך ויתדתיך חזקי׃
- יְשַׁעְיָהוּ נ״ד:ג׳בערך תשי״ב לפנה״ס
כי ימין ושמאול תפרצי וזרעך גוים יירש וערים נשמות יושיבו׃
- יְשַׁעְיָהוּ נ״ד:ד׳בערך תשי״ב לפנה״ס
אל תיראי כי לא תבושי ואל תכלמי כי לא תחפירי כי בשת עלומיך תשכחי וחרפת אלמנותיך לא תזכרי עוד׃
- יְשַׁעְיָהוּ נ״ד:ה׳בערך תשי״ב לפנה״ס
כי בעליך עשיך יהוה צבאות שמו וגאלך קדוש ישראל אלהי כל הארץ יקרא׃
- יְשַׁעְיָהוּ נ״ד:ו׳בערך תשי״ב לפנה״ס
כי כאשה עזובה ועצובת רוח קראך יהוה ואשת נעורים כי תמאס אמר אלהיך׃