TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יְשַׁעְיָהוּ מ״ט:י״טבערך תשי״ב לפנה״ס
כי חרבתיך ושממתיך וארץ הרסתיך כי עתה תצרי מיושב ורחקו מבלעיך׃
- יְשַׁעְיָהוּ מ״ט:כ׳בערך תשי״ב לפנה״ס
עוד יאמרו באזניך בני שכליך צר לי המקום גשה לי ואשבה׃
- יְשַׁעְיָהוּ מ״ט:כ״אבערך תשי״ב לפנה״ס
ואמרת בלבבך מי ילד לי את אלה ואני שכולה וגלמודה גלה וסורה ואלה מי גדל הן אני נשארתי לבדי אלה איפה הם׃
- יְשַׁעְיָהוּ מ״ט:כ״בבערך תשי״ב לפנה״ס
כה אמר אדני יהוה הנה אשא אל גוים ידי ואל עמים ארים נסי והביאו בניך בחצן ובנתיך על כתף תנשאנה׃
- יְשַׁעְיָהוּ מ״ט:כ״גבערך תשי״ב לפנה״ס
והיו מלכים אמניך ושרותיהם מיניקתיך אפים ארץ ישתחוו לך ועפר רגליך ילחכו וידעת כי אני יהוה אשר לא יבשו קוי׃
- יְשַׁעְיָהוּ מ״ט:כ״דבערך תשי״ב לפנה״ס
היקח מגבור מלקוח ואם שבי צדיק ימלט׃
- יְשַׁעְיָהוּ מ״ט:כ״הבערך תשי״ב לפנה״ס
כי כה אמר יהוה גם שבי גבור יקח ומלקוח עריץ ימלט ואת יריבך אנכי אריב ואת בניך אנכי אושיע׃
- יְשַׁעְיָהוּ מ״ט:כ״ובערך תשי״ב לפנה״ס
והאכלתי את מוניך את בשרם וכעסיס דמם ישכרון וידעו כל בשר כי אני יהוה מושיעך וגאלך אביר יעקב׃
- יְשַׁעְיָהוּ נ׳:א׳בערך תשי״ב לפנה״ס
¶ כה אמר יהוה אי זה ספר כריתות אמכם אשר שלחתיה או מי מנושי אשר מכרתי אתכם לו הן בעונתיכם נמכרתם ובפשעיכם שלחה אמכם׃
- יְשַׁעְיָהוּ נ׳:ב׳בערך תשי״ב לפנה״ס
מדוע באתי ואין איש קראתי ואין עונה הקצור קצרה ידי מפדות ואם אין בי כח להציל הן בגערתי אחריב ים אשים נהרות מדבר תבאש דגתם מאין מים ותמת בצמא׃
- יְשַׁעְיָהוּ נ׳:ג׳בערך תשי״ב לפנה״ס
אלביש שמים קדרות ושק אשים כסותם׃
- יְשַׁעְיָהוּ נ׳:ד׳בערך תשי״ב לפנה״ס
אדני יהוה נתן לי לשון למודים לדעת לעות את יעף דבר יעיר בבקר בבקר יעיר לי אזן לשמע כלמודים׃
- יְשַׁעְיָהוּ נ׳:ה׳בערך תשי״ב לפנה״ס
אדני יהוה פתח לי אזן ואנכי לא מריתי אחור לא נסוגתי׃
- יְשַׁעְיָהוּ נ׳:ו׳בערך תשי״ב לפנה״ס
גוי נתתי למכים ולחיי למרטים פני לא הסתרתי מכלמות ורק׃
- יְשַׁעְיָהוּ נ׳:ז׳בערך תשי״ב לפנה״ס
ואדני יהוה יעזר לי על כן לא נכלמתי על כן שמתי פני כחלמיש ואדע כי לא אבוש׃
- יְשַׁעְיָהוּ נ׳:ח׳בערך תשי״ב לפנה״ס
קרוב מצדיקי מי יריב אתי נעמדה יחד מי בעל משפטי יגש אלי׃
- יְשַׁעְיָהוּ נ׳:ט׳בערך תשי״ב לפנה״ס
הן אדני יהוה יעזר לי מי הוא ירשיעני הן כלם כבגד יבלו עש יאכלם׃
- יְשַׁעְיָהוּ נ׳:י׳בערך תשי״ב לפנה״ס
מי בכם ירא יהוה שמע בקול עבדו אשר הלך חשכים ואין נגה לו יבטח בשם יהוה וישען באלהיו׃
- יְשַׁעְיָהוּ נ׳:י״אבערך תשי״ב לפנה״ס
הן כלכם קדחי אש מאזרי זיקות לכו באור אשכם ובזיקות בערתם מידי היתה זאת לכם למעצבה תשכבון׃
- יְשַׁעְיָהוּ נ״א:א׳בערך תשי״ב לפנה״ס
¶ שמעו אלי רדפי צדק מבקשי יהוה הביטו אל צור חצבתם ואל מקבת בור נקרתם׃
- יְשַׁעְיָהוּ נ״א:ב׳בערך תשי״ב לפנה״ס
הביטו אל אברהם אביכם ואל שרה תחוללכם כי אחד קראתיו ואברכהו וארבהו׃
- יְשַׁעְיָהוּ נ״א:ג׳בערך תשי״ב לפנה״ס
כי נחם יהוה ציון נחם כל חרבתיה וישם מדברה כעדן וערבתה כגן יהוה ששון ושמחה ימצא בה תודה וקול זמרה׃
- יְשַׁעְיָהוּ נ״א:ד׳בערך תשי״ב לפנה״ס
הקשיבו אלי עמי ולאומי אלי האזינו כי תורה מאתי תצא ומשפטי לאור עמים ארגיע׃
- יְשַׁעְיָהוּ נ״א:ה׳בערך תשי״ב לפנה״ס
קרוב צדקי יצא ישעי וזרעי עמים ישפטו אלי איים יקוו ואל זרעי ייחלון׃
- יְשַׁעְיָהוּ נ״א:ו׳בערך תשי״ב לפנה״ס
שאו לשמים עיניכם והביטו אל הארץ מתחת כי שמים כעשן נמלחו והארץ כבגד תבלה וישביה כמו כן ימותון וישועתי לעולם תהיה וצדקתי לא תחת׃