TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ ו׳:ט״זבערך תרי״ב לפנה״ס
כה אמר יהוה עמדו על דרכים וראו ושאלו לנתבות עולם אי זה דרך הטוב ולכו בה ומצאו מרגוע לנפשכם ויאמרו לא נלך׃
- יִרְמְיָהוּ ו׳:י״זבערך תרי״ב לפנה״ס
והקמתי עליכם צפים הקשיבו לקול שופר ויאמרו לא נקשיב׃
- יִרְמְיָהוּ ו׳:י״חבערך תרי״ב לפנה״ס
לכן שמעו הגוים ודעי עדה את אשר בם׃
- יִרְמְיָהוּ ו׳:י״טבערך תרי״ב לפנה״ס
שמעי הארץ הנה אנכי מביא רעה אל העם הזה פרי מחשבותם כי על דברי לא הקשיבו ותורתי וימאסו בה׃
- יִרְמְיָהוּ ו׳:כ׳בערך תרי״ב לפנה״ס
למה זה לי לבונה משבא תבוא וקנה הטוב מארץ מרחק עלותיכם לא לרצון וזבחיכם לא ערבו לי׃
- יִרְמְיָהוּ ו׳:כ״אבערך תרי״ב לפנה״ס
לכן כה אמר יהוה הנני נתן אל העם הזה מכשלים וכשלו בם אבות ובנים יחדו שכן ורעו יאבדו׃
- יִרְמְיָהוּ ו׳:כ״בבערך תרי״ב לפנה״ס
כה אמר יהוה הנה עם בא מארץ צפון וגוי גדול יעור מירכתי ארץ׃
- יִרְמְיָהוּ ו׳:כ״גבערך תרי״ב לפנה״ס
קשת וכידון יחזיקו אכזרי הוא ולא ירחמו קולם כים יהמה ועל סוסים ירכבו ערוך כאיש למלחמה עליך בת ציון׃
- יִרְמְיָהוּ ו׳:כ״דבערך תרי״ב לפנה״ס
שמענו את שמעו רפו ידינו צרה החזיקתנו חיל כיולדה׃
- יִרְמְיָהוּ ו׳:כ״הבערך תרי״ב לפנה״ס
אל תצאי השדה ובדרך אל תלכי כי חרב לאיב מגור מסביב׃
- יִרְמְיָהוּ ו׳:כ״ובערך תרי״ב לפנה״ס
בת עמי חגרי שק והתפלשי באפר אבל יחיד עשי לך מספד תמרורים כי פתאם יבא השדד עלינו׃
- יִרְמְיָהוּ ו׳:כ״זבערך תרי״ב לפנה״ס
בחון נתתיך בעמי מבצר ותדע ובחנת את דרכם׃
- יִרְמְיָהוּ ו׳:כ״חבערך תרי״ב לפנה״ס
כלם סרי סוררים הלכי רכיל נחשת וברזל כלם משחיתים המה׃
- יִרְמְיָהוּ ו׳:כ״טבערך תרי״ב לפנה״ס
נחר מפח מאשתם עפרת לשוא צרף צרוף ורעים לא נתקו׃
- יִרְמְיָהוּ ו׳:ל׳בערך תרי״ב לפנה״ס
כסף נמאס קראו להם כי מאס יהוה בהם׃
¶ הדבר אשר היה אל ירמיהו מאת יהוה לאמר׃
- יִרְמְיָהוּ ז׳:ב׳בערך תר״י לפנה״ס
עמד בשער בית יהוה וקראת שם את הדבר הזה ואמרת שמעו דבר יהוה כל יהודה הבאים בשערים האלה להשתחות ליהוה׃
- יִרְמְיָהוּ ז׳:ג׳בערך תר״י לפנה״ס
כה אמר יהוה צבאות אלהי ישראל היטיבו דרכיכם ומעלליכם ואשכנה אתכם במקום הזה׃
- יִרְמְיָהוּ ז׳:ד׳בערך תר״י לפנה״ס
אל תבטחו לכם אל דברי השקר לאמר היכל יהוה היכל יהוה היכל יהוה המה׃
- יִרְמְיָהוּ ז׳:ה׳בערך תר״י לפנה״ס
כי אם היטיב תיטיבו את דרכיכם ואת מעלליכם אם עשו תעשו משפט בין איש ובין רעהו׃
- יִרְמְיָהוּ ז׳:ו׳בערך תר״י לפנה״ס
גר יתום ואלמנה לא תעשקו ודם נקי אל תשפכו במקום הזה ואחרי אלהים אחרים לא תלכו לרע לכם׃
- יִרְמְיָהוּ ז׳:ז׳בערך תר״י לפנה״ס
ושכנתי אתכם במקום הזה בארץ אשר נתתי לאבותיכם למן עולם ועד עולם׃
- יִרְמְיָהוּ ז׳:ח׳בערך תר״י לפנה״ס
הנה אתם בטחים לכם על דברי השקר לבלתי הועיל׃
- יִרְמְיָהוּ ז׳:ט׳בערך תר״י לפנה״ס
הגנב רצח ונאף והשבע לשקר וקטר לבעל והלך אחרי אלהים אחרים אשר לא ידעתם׃
- יִרְמְיָהוּ ז׳:י׳בערך תר״י לפנה״ס
ובאתם ועמדתם לפני בבית הזה אשר נקרא שמי עליו ואמרתם נצלנו למען עשות את כל התועבות האלה׃