TRV
- English
- King James KJV
- Complete Jewish CJB
- World English WEBM
- Berean Standard BSB
- American Standard ASV
- Geneva GNV
- Young's Literal YLT
- Douay-Rheims DRC
- International
- Shqip ALB
- العربية SVD
- বাংলা BN-IRV
- မြန်မာ Judson
- 简体文 CUV-S
- 繁體中文 CUV-T
- Čeština BKR
- Nederlands STVE
- Français LSG
- Deutsch SCH
- Ελληνικά Vamvas
- ગુજરાતી GU-IRV
- Hausa HCB
- עברית Hebrew
- हिन्दी HCV
- Magyar KAROLI
- Bahasa Indonesia INDO-TB
- Italiano Diodati
- 日本語 Kougo
- 한국어 Korean
- മലയാളം MAL
- मराठी MRCV
- Norsk DNB
- فارسی OPV
- Polski BG
- Português Almeida
- Română Cornilescu
- Русский Synodal
- Español RVG
- Kiswahili Neno
- Svenska SV1917
- Tagalog TAG-ADB
- தமிழ் TCV
- తెలుగు TSA
- ภาษาไทย THAI-KJV
- Українська Ohienko
- Tiếng Việt CADMAN
- Yorùbá YCB
circa 1050–1010 BC
Samuel & King Saul
Israel demands a king; Samuel anoints Saul, whose disobedience leads to his rejection as God chooses a man after his own heart.
פסוקים מתקופה זו
- 1 שְׁמוּאֵל ח׳:י״טבערך תי״ב לפנה״ס
וימאנו העם לשמע בקול שמואל ויאמרו לא כי אם מלך יהיה עלינו׃
- 1 שְׁמוּאֵל ח׳:כ׳בערך תי״ב לפנה״ס
והיינו גם אנחנו ככל הגוים ושפטנו מלכנו ויצא לפנינו ונלחם את מלחמתנו׃
- 1 שְׁמוּאֵל ח׳:כ״אבערך תי״ב לפנה״ס
וישמע שמואל את כל דברי העם וידברם באזני יהוה׃
- 1 שְׁמוּאֵל ח׳:כ״בבערך תי״ב לפנה״ס
ויאמר יהוה אל שמואל שמע בקולם והמלכת להם מלך ויאמר שמואל אל אנשי ישראל לכו איש לעירו׃
- 1 שְׁמוּאֵל ט׳:א׳בערך תצ״ה לפנה״ס
¶ ויהי איש מבן ימין ושמו קיש בן אביאל בן צרור בן בכורת בן אפיח בן איש ימיני גבור חיל׃
- 1 שְׁמוּאֵל ט׳:ב׳בערך תצ״ה לפנה״ס
ולו היה בן ושמו שאול בחור וטוב ואין איש מבני ישראל טוב ממנו משכמו ומעלה גבה מכל העם׃
- 1 שְׁמוּאֵל ט׳:ג׳בערך תצ״ה לפנה״ס
ותאבדנה האתנות לקיש אבי שאול ויאמר קיש אל שאול בנו קח נא אתך את אחד מהנערים וקום לך בקש את האתנת׃
- 1 שְׁמוּאֵל ט׳:ד׳בערך תצ״ה לפנה״ס
ויעבר בהר אפרים ויעבר בארץ שלשה ולא מצאו ויעברו בארץ שעלים ואין ויעבר בארץ ימיני ולא מצאו׃
- 1 שְׁמוּאֵל ט׳:ה׳בערך תצ״ה לפנה״ס
המה באו בארץ צוף ושאול אמר לנערו אשר עמו לכה ונשובה פן יחדל אבי מן האתנות ודאג לנו׃
- 1 שְׁמוּאֵל ט׳:ו׳בערך תצ״ה לפנה״ס
ויאמר לו הנה נא איש אלהים בעיר הזאת והאיש נכבד כל אשר ידבר בוא יבוא עתה נלכה שם אולי יגיד לנו את דרכנו אשר הלכנו עליה׃
- 1 שְׁמוּאֵל ט׳:ז׳בערך תצ״ה לפנה״ס
ויאמר שאול לנערו והנה נלך ומה נביא לאיש כי הלחם אזל מכלינו ותשורה אין להביא לאיש האלהים מה אתנו׃
- 1 שְׁמוּאֵל ט׳:ח׳בערך תצ״ה לפנה״ס
ויסף הנער לענות את שאול ויאמר הנה נמצא בידי רבע שקל כסף ונתתי לאיש האלהים והגיד לנו את דרכנו׃
- 1 שְׁמוּאֵל ט׳:ט׳בערך תצ״ה לפנה״ס
לפנים בישראל כה אמר האיש בלכתו לדרוש אלהים לכו ונלכה עד הראה כי לנביא היום יקרא לפנים הראה׃
- 1 שְׁמוּאֵל ט׳:י׳בערך תצ״ה לפנה״ס
ויאמר שאול לנערו טוב דברך לכה נלכה וילכו אל העיר אשר שם איש האלהים׃
- 1 שְׁמוּאֵל ט׳:י״אבערך תצ״ה לפנה״ס
המה עלים במעלה העיר והמה מצאו נערות יצאות לשאב מים ויאמרו להן היש בזה הראה׃
- 1 שְׁמוּאֵל ט׳:י״בבערך תצ״ה לפנה״ס
ותענינה אותם ותאמרנה יש הנה לפניך מהר עתה כי היום בא לעיר כי זבח היום לעם בבמה׃
- 1 שְׁמוּאֵל ט׳:י״גבערך תצ״ה לפנה״ס
כבאכם העיר כן תמצאון אתו בטרם יעלה הבמתה לאכל כי לא יאכל העם עד באו כי הוא יברך הזבח אחרי כן יאכלו הקראים ועתה עלו כי אתו כהיום תמצאון אתו׃
- 1 שְׁמוּאֵל ט׳:י״דבערך תצ״ה לפנה״ס
ויעלו העיר המה באים בתוך העיר והנה שמואל יצא לקראתם לעלות הבמה׃
- 1 שְׁמוּאֵל ט׳:ט״ובערך תצ״ה לפנה״ס
ויהוה גלה את אזן שמואל יום אחד לפני בוא שאול לאמר׃
- 1 שְׁמוּאֵל ט׳:ט״זבערך תצ״ה לפנה״ס
כעת מחר אשלח אליך איש מארץ בנימן ומשחתו לנגיד על עמי ישראל והושיע את עמי מיד פלשתים כי ראיתי את עמי כי באה צעקתו אלי׃
- 1 שְׁמוּאֵל ט׳:י״זבערך תצ״ה לפנה״ס
ושמואל ראה את שאול ויהוה ענהו הנה האיש אשר אמרתי אליך זה יעצר בעמי׃
- 1 שְׁמוּאֵל ט׳:י״חבערך תצ״ה לפנה״ס
ויגש שאול את שמואל בתוך השער ויאמר הגידה נא לי אי זה בית הראה׃
- 1 שְׁמוּאֵל ט׳:י״טבערך תצ״ה לפנה״ס
ויען שמואל את שאול ויאמר אנכי הראה עלה לפני הבמה ואכלתם עמי היום ושלחתיך בבקר וכל אשר בלבבך אגיד לך׃
- 1 שְׁמוּאֵל ט׳:כ׳בערך תצ״ה לפנה״ס
ולאתנות האבדות לך היום שלשת הימים אל תשם את לבך להם כי נמצאו ולמי כל חמדת ישראל הלוא לך ולכל בית אביך׃
- 1 שְׁמוּאֵל ט׳:כ״אבערך תצ״ה לפנה״ס
ויען שאול ויאמר הלוא בן ימיני אנכי מקטני שבטי ישראל ומשפחתי הצערה מכל משפחות שבטי בנימן ולמה דברת אלי כדבר הזה׃