circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל ו׳:ז׳בערך ת״מ לפנה״ס

    ועתה קחו ועשו עגלה חדשה אחת ושתי פרות עלות אשר לא עלה עליהם על ואסרתם את הפרות בעגלה והשיבתם בניהם מאחריהם הביתה׃

  2. 1 שְׁמוּאֵל ו׳:ח׳בערך ת״מ לפנה״ס

    ולקחתם את ארון יהוה ונתתם אתו אל העגלה ואת כלי הזהב אשר השבתם לו אשם תשימו בארגז מצדו ושלחתם אתו והלך׃

  3. 1 שְׁמוּאֵל ו׳:ט׳בערך ת״מ לפנה״ס

    וראיתם אם דרך גבולו יעלה בית שמש הוא עשה לנו את הרעה הגדולה הזאת ואם לא וידענו כי לא ידו נגעה בנו מקרה הוא היה לנו׃

  4. 1 שְׁמוּאֵל ו׳:י׳בערך ת״מ לפנה״ס

    ויעשו האנשים כן ויקחו שתי פרות עלות ויאסרום בעגלה ואת בניהם כלו בבית׃

  5. 1 שְׁמוּאֵל ו׳:י״אבערך ת״מ לפנה״ס

    וישמו את ארון יהוה אל העגלה ואת הארגז ואת עכברי הזהב ואת צלמי טחריהם׃

  6. 1 שְׁמוּאֵל ו׳:י״בבערך ת״מ לפנה״ס

    וישרנה הפרות בדרך על דרך בית שמש במסלה אחת הלכו הלך וגעו ולא סרו ימין ושמאול וסרני פלשתים הלכים אחריהם עד גבול בית שמש׃

  7. 1 שְׁמוּאֵל ו׳:י״גבערך ת״מ לפנה״ס

    ובית שמש קצרים קציר חטים בעמק וישאו את עיניהם ויראו את הארון וישמחו לראות׃

  8. 1 שְׁמוּאֵל ו׳:י״דבערך ת״מ לפנה״ס

    והעגלה באה אל שדה יהושע בית השמשי ותעמד שם ושם אבן גדולה ויבקעו את עצי העגלה ואת הפרות העלו עלה ליהוה׃

  9. 1 שְׁמוּאֵל ו׳:ט״ובערך ת״מ לפנה״ס

    והלוים הורידו את ארון יהוה ואת הארגז אשר אתו אשר בו כלי זהב וישמו אל האבן הגדולה ואנשי בית שמש העלו עלות ויזבחו זבחים ביום ההוא ליהוה׃

  10. 1 שְׁמוּאֵל ו׳:ט״זבערך ת״מ לפנה״ס

    וחמשה סרני פלשתים ראו וישבו עקרון ביום ההוא׃

  11. 1 שְׁמוּאֵל ו׳:י״זבערך ת״מ לפנה״ס

    ואלה טחרי הזהב אשר השיבו פלשתים אשם ליהוה לאשדוד אחד לעזה אחד לאשקלון אחד לגת אחד לעקרון אחד׃

  12. 1 שְׁמוּאֵל ו׳:י״חבערך ת״מ לפנה״ס

    ועכברי הזהב מספר כל ערי פלשתים לחמשת הסרנים מעיר מבצר ועד כפר הפרזי ועד אבל הגדולה אשר הניחו עליה את ארון יהוה עד היום הזה בשדה יהושע בית השמשי׃

  13. 1 שְׁמוּאֵל ו׳:י״טבערך ת״מ לפנה״ס

    ויך באנשי בית שמש כי ראו בארון יהוה ויך בעם שבעים איש חמשים אלף איש ויתאבלו העם כי הכה יהוה בעם מכה גדולה׃

  14. 1 שְׁמוּאֵל ו׳:כ׳בערך ת״מ לפנה״ס

    ויאמרו אנשי בית שמש מי יוכל לעמד לפני יהוה האלהים הקדוש הזה ואל מי יעלה מעלינו׃

  15. 1 שְׁמוּאֵל ו׳:כ״אבערך ת״מ לפנה״ס

    וישלחו מלאכים אל יושבי קרית יערים לאמר השבו פלשתים את ארון יהוה רדו העלו אתו אליכם׃

  16. 1 שְׁמוּאֵל ז׳:א׳

    ¶ ויבאו אנשי קרית יערים ויעלו את ארון יהוה ויבאו אתו אל בית אבינדב בגבעה ואת אלעזר בנו קדשו לשמר את ארון יהוה׃

  17. 1 שְׁמוּאֵל ז׳:ב׳

    ויהי מיום שבת הארון בקרית יערים וירבו הימים ויהיו עשרים שנה וינהו כל בית ישראל אחרי יהוה׃

  18. 1 שְׁמוּאֵל ז׳:ג׳בערך ת״כ לפנה״ס

    ויאמר שמואל אל כל בית ישראל לאמר אם בכל לבבכם אתם שבים אל יהוה הסירו את אלהי הנכר מתוככם והעשתרות והכינו לבבכם אל יהוה ועבדהו לבדו ויצל אתכם מיד פלשתים׃

  19. 1 שְׁמוּאֵל ז׳:ד׳בערך ת״כ לפנה״ס

    ויסירו בני ישראל את הבעלים ואת העשתרת ויעבדו את יהוה לבדו׃

  20. 1 שְׁמוּאֵל ז׳:ה׳בערך ת״כ לפנה״ס

    ויאמר שמואל קבצו את כל ישראל המצפתה ואתפלל בעדכם אל יהוה׃

  21. 1 שְׁמוּאֵל ז׳:ו׳בערך ת״כ לפנה״ס

    ויקבצו המצפתה וישאבו מים וישפכו לפני יהוה ויצומו ביום ההוא ויאמרו שם חטאנו ליהוה וישפט שמואל את בני ישראל במצפה׃

  22. 1 שְׁמוּאֵל ז׳:ז׳בערך ת״כ לפנה״ס

    וישמעו פלשתים כי התקבצו בני ישראל המצפתה ויעלו סרני פלשתים אל ישראל וישמעו בני ישראל ויראו מפני פלשתים׃

  23. 1 שְׁמוּאֵל ז׳:ח׳בערך ת״כ לפנה״ס

    ויאמרו בני ישראל אל שמואל אל תחרש ממנו מזעק אל יהוה אלהינו וישענו מיד פלשתים׃

  24. 1 שְׁמוּאֵל ז׳:ט׳בערך ת״כ לפנה״ס

    ויקח שמואל טלה חלב אחד ויעלה עולה כליל ליהוה ויזעק שמואל אל יהוה בעד ישראל ויענהו יהוה׃

  25. 1 שְׁמוּאֵל ז׳:י׳בערך ת״כ לפנה״ס

    ויהי שמואל מעלה העולה ופלשתים נגשו למלחמה בישראל וירעם יהוה בקול גדול ביום ההוא על פלשתים ויהמם וינגפו לפני ישראל׃