circa 1406–1380 BC

Conquest of Canaan

Joshua leads Israel across the Jordan into the promised land, defeating the Canaanite kingdoms one by one.

658 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. יְהוֹשֻעַ י״ז:ב׳בערך 1443 לפנה״ס

    ויהי לבני מנשה הנותרים למשפחתם לבני אביעזר ולבני חלק ולבני אשריאל ולבני שכם ולבני חפר ולבני שמידע אלה בני מנשה בן יוסף הזכרים למשפחתם׃

  2. יְהוֹשֻעַ י״ז:ג׳בערך 1443 לפנה״ס

    ולצלפחד בן חפר בן גלעד בן מכיר בן מנשה לא היו לו בנים כי אם בנות ואלה שמות בנתיו מחלה ונעה חגלה מלכה ותרצה׃

  3. יְהוֹשֻעַ י״ז:ד׳בערך 1443 לפנה״ס

    ותקרבנה לפני אלעזר הכהן ולפני יהושע בן נון ולפני הנשיאים לאמר יהוה צוה את משה לתת לנו נחלה בתוך אחינו ויתן להם אל פי יהוה נחלה בתוך אחי אביהן׃

  4. יְהוֹשֻעַ י״ז:ה׳בערך 1443 לפנה״ס

    ויפלו חבלי מנשה עשרה לבד מארץ הגלעד והבשן אשר מעבר לירדן׃

  5. יְהוֹשֻעַ י״ז:ו׳בערך 1443 לפנה״ס

    כי בנות מנשה נחלו נחלה בתוך בניו וארץ הגלעד היתה לבני מנשה הנותרים׃

  6. יְהוֹשֻעַ י״ז:ז׳בערך 1443 לפנה״ס

    ויהי גבול מנשה מאשר המכמתת אשר על פני שכם והלך הגבול אל הימין אל ישבי עין תפוח׃

  7. יְהוֹשֻעַ י״ז:ח׳בערך 1443 לפנה״ס

    למנשה היתה ארץ תפוח ותפוח אל גבול מנשה לבני אפרים׃

  8. יְהוֹשֻעַ י״ז:ט׳בערך 1443 לפנה״ס

    וירד הגבול נחל קנה נגבה לנחל ערים האלה לאפרים בתוך ערי מנשה וגבול מנשה מצפון לנחל ויהי תצאתיו הימה׃

  9. יְהוֹשֻעַ י״ז:י׳בערך 1443 לפנה״ס

    נגבה לאפרים וצפונה למנשה ויהי הים גבולו ובאשר יפגעון מצפון וביששכר ממזרח׃

  10. יְהוֹשֻעַ י״ז:י״אבערך 1443 לפנה״ס

    ויהי למנשה ביששכר ובאשר בית שאן ובנותיה ויבלעם ובנותיה ואת ישבי דאר ובנותיה וישבי עין דר ובנתיה וישבי תענך ובנתיה וישבי מגדו ובנותיה שלשת הנפת׃

  11. יְהוֹשֻעַ י״ז:י״בבערך 1443 לפנה״ס

    ולא יכלו בני מנשה להוריש את הערים האלה ויואל הכנעני לשבת בארץ הזאת׃

  12. יְהוֹשֻעַ י״ז:י״גבערך 1443 לפנה״ס

    ויהי כי חזקו בני ישראל ויתנו את הכנעני למס והורש לא הורישו׃

  13. יְהוֹשֻעַ י״ז:י״דבערך 1443 לפנה״ס

    וידברו בני יוסף את יהושע לאמר מדוע נתתה לי נחלה גורל אחד וחבל אחד ואני עם רב עד אשר עד כה ברכני יהוה׃

  14. יְהוֹשֻעַ י״ז:ט״ובערך 1443 לפנה״ס

    ויאמר אליהם יהושע אם עם רב אתה עלה לך היערה ובראת לך שם בארץ הפרזי והרפאים כי אץ לך הר אפרים׃

  15. יְהוֹשֻעַ י״ז:ט״זבערך 1443 לפנה״ס

    ויאמרו בני יוסף לא ימצא לנו ההר ורכב ברזל בכל הכנעני הישב בארץ העמק לאשר בבית שאן ובנותיה ולאשר בעמק יזרעאל׃

  16. יְהוֹשֻעַ י״ז:י״זבערך 1443 לפנה״ס

    ויאמר יהושע אל בית יוסף לאפרים ולמנשה לאמר עם רב אתה וכח גדול לך לא יהיה לך גורל אחד׃

  17. יְהוֹשֻעַ י״ז:י״חבערך 1443 לפנה״ס

    כי הר יהיה לך כי יער הוא ובראתו והיה לך תצאתיו כי תוריש את הכנעני כי רכב ברזל לו כי חזק הוא׃

  18. יְהוֹשֻעַ י״ח:א׳בערך 1443 לפנה״ס

    ¶ ויקהלו כל עדת בני ישראל שלה וישכינו שם את אהל מועד והארץ נכבשה לפניהם׃

  19. יְהוֹשֻעַ י״ח:ב׳בערך 1443 לפנה״ס

    ויותרו בבני ישראל אשר לא חלקו את נחלתם שבעה שבטים׃

  20. יְהוֹשֻעַ י״ח:ג׳בערך 1443 לפנה״ס

    ויאמר יהושע אל בני ישראל עד אנה אתם מתרפים לבוא לרשת את הארץ אשר נתן לכם יהוה אלהי אבותיכם׃

  21. יְהוֹשֻעַ י״ח:ד׳בערך 1443 לפנה״ס

    הבו לכם שלשה אנשים לשבט ואשלחם ויקמו ויתהלכו בארץ ויכתבו אותה לפי נחלתם ויבאו אלי׃

  22. יְהוֹשֻעַ י״ח:ה׳בערך 1443 לפנה״ס

    והתחלקו אתה לשבעה חלקים יהודה יעמד על גבולו מנגב ובית יוסף יעמדו על גבולם מצפון׃

  23. יְהוֹשֻעַ י״ח:ו׳בערך 1443 לפנה״ס

    ואתם תכתבו את הארץ שבעה חלקים והבאתם אלי הנה ויריתי לכם גורל פה לפני יהוה אלהינו׃

  24. יְהוֹשֻעַ י״ח:ז׳בערך 1443 לפנה״ס

    כי אין חלק ללוים בקרבכם כי כהנת יהוה נחלתו וגד וראובן וחצי שבט המנשה לקחו נחלתם מעבר לירדן מזרחה אשר נתן להם משה עבד יהוה׃

  25. יְהוֹשֻעַ י״ח:ח׳בערך 1443 לפנה״ס

    ויקמו האנשים וילכו ויצו יהושע את ההלכים לכתב את הארץ לאמר לכו והתהלכו בארץ וכתבו אותה ושובו אלי ופה אשליך לכם גורל לפני יהוה בשלה׃