circa 1406–1380 BC

Conquest of Canaan

Joshua leads Israel across the Jordan into the promised land, defeating the Canaanite kingdoms one by one.

658 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. יְהוֹשֻעַ י׳:ל״חבערך 1451 לפנה״ס

    וישב יהושע וכל ישראל עמו דברה וילחם עליה׃

  2. יְהוֹשֻעַ י׳:ל״טבערך 1451 לפנה״ס

    וילכדה ואת מלכה ואת כל עריה ויכום לפי חרב ויחרימו את כל נפש אשר בה לא השאיר שריד כאשר עשה לחברון כן עשה לדברה ולמלכה וכאשר עשה ללבנה ולמלכה׃

  3. יְהוֹשֻעַ י׳:מ׳בערך 1451 לפנה״ס

    ויכה יהושע את כל הארץ ההר והנגב והשפלה והאשדות ואת כל מלכיהם לא השאיר שריד ואת כל הנשמה החרים כאשר צוה יהוה אלהי ישראל׃

  4. יְהוֹשֻעַ י׳:מ״אבערך 1451 לפנה״ס

    ויכם יהושע מקדש ברנע ועד עזה ואת כל ארץ גשן ועד גבעון׃

  5. יְהוֹשֻעַ י׳:מ״בבערך 1451 לפנה״ס

    ואת כל המלכים האלה ואת ארצם לכד יהושע פעם אחת כי יהוה אלהי ישראל נלחם לישראל׃

  6. יְהוֹשֻעַ י׳:מ״גבערך 1451 לפנה״ס

    וישב יהושע וכל ישראל עמו אל המחנה הגלגלה׃

  7. יְהוֹשֻעַ י״א:א׳בערך 1450 לפנה״ס

    ¶ ויהי כשמע יבין מלך חצור וישלח אל יובב מלך מדון ואל מלך שמרון ואל מלך אכשף׃

  8. יְהוֹשֻעַ י״א:ב׳בערך 1450 לפנה״ס

    ואל המלכים אשר מצפון בהר ובערבה נגב כנרות ובשפלה ובנפות דור מים׃

  9. יְהוֹשֻעַ י״א:ג׳בערך 1450 לפנה״ס

    הכנעני ממזרח ומים והאמרי והחתי והפרזי והיבוסי בהר והחוי תחת חרמון בארץ המצפה׃

  10. יְהוֹשֻעַ י״א:ד׳בערך 1450 לפנה״ס

    ויצאו הם וכל מחניהם עמם עם רב כחול אשר על שפת הים לרב וסוס ורכב רב מאד׃

  11. יְהוֹשֻעַ י״א:ה׳בערך 1450 לפנה״ס

    ויועדו כל המלכים האלה ויבאו ויחנו יחדו אל מי מרום להלחם עם ישראל׃

  12. יְהוֹשֻעַ י״א:ו׳בערך 1450 לפנה״ס

    ויאמר יהוה אל יהושע אל תירא מפניהם כי מחר כעת הזאת אנכי נתן את כלם חללים לפני ישראל את סוסיהם תעקר ואת מרכבתיהם תשרף באש׃

  13. יְהוֹשֻעַ י״א:ז׳בערך 1450 לפנה״ס

    ויבא יהושע וכל עם המלחמה עמו עליהם על מי מרום פתאם ויפלו בהם׃

  14. יְהוֹשֻעַ י״א:ח׳בערך 1450 לפנה״ס

    ויתנם יהוה ביד ישראל ויכום וירדפום עד צידון רבה ועד משרפות מים ועד בקעת מצפה מזרחה ויכם עד בלתי השאיר להם שריד׃

  15. יְהוֹשֻעַ י״א:ט׳בערך 1450 לפנה״ס

    ויעש להם יהושע כאשר אמר לו יהוה את סוסיהם עקר ואת מרכבתיהם שרף באש׃

  16. יְהוֹשֻעַ י״א:י׳בערך 1450 לפנה״ס

    וישב יהושע בעת ההיא וילכד את חצור ואת מלכה הכה בחרב כי חצור לפנים היא ראש כל הממלכות האלה׃

  17. יְהוֹשֻעַ י״א:י״אבערך 1450 לפנה״ס

    ויכו את כל הנפש אשר בה לפי חרב החרם לא נותר כל נשמה ואת חצור שרף באש׃

  18. יְהוֹשֻעַ י״א:י״בבערך 1450 לפנה״ס

    ואת כל ערי המלכים האלה ואת כל מלכיהם לכד יהושע ויכם לפי חרב החרים אותם כאשר צוה משה עבד יהוה׃

  19. יְהוֹשֻעַ י״א:י״גבערך 1450 לפנה״ס

    רק כל הערים העמדות על תלם לא שרפם ישראל זולתי את חצור לבדה שרף יהושע׃

  20. יְהוֹשֻעַ י״א:י״דבערך 1450 לפנה״ס

    וכל שלל הערים האלה והבהמה בזזו להם בני ישראל רק את כל האדם הכו לפי חרב עד השמדם אותם לא השאירו כל נשמה׃

  21. יְהוֹשֻעַ י״א:ט״ובערך 1450 לפנה״ס

    כאשר צוה יהוה את משה עבדו כן צוה משה את יהושע וכן עשה יהושע לא הסיר דבר מכל אשר צוה יהוה את משה׃

  22. יְהוֹשֻעַ י״א:ט״זבערך 1450 לפנה״ס

    ויקח יהושע את כל הארץ הזאת ההר ואת כל הנגב ואת כל ארץ הגשן ואת השפלה ואת הערבה ואת הר ישראל ושפלתה׃

  23. יְהוֹשֻעַ י״א:י״זבערך 1450 לפנה״ס

    מן ההר החלק העולה שעיר ועד בעל גד בבקעת הלבנון תחת הר חרמון ואת כל מלכיהם לכד ויכם וימיתם׃

  24. יְהוֹשֻעַ י״א:י״חבערך 1450 לפנה״ס

    ימים רבים עשה יהושע את כל המלכים האלה מלחמה׃

  25. יְהוֹשֻעַ י״א:י״טבערך 1450 לפנה״ס

    לא היתה עיר אשר השלימה אל בני ישראל בלתי החוי ישבי גבעון את הכל לקחו במלחמה׃