circa 1406–1380 BC

Conquest of Canaan

Joshua leads Israel across the Jordan into the promised land, defeating the Canaanite kingdoms one by one.

658 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. יְהוֹשֻעַ י׳:י״גבערך 1451 לפנה״ס

    וידם השמש וירח עמד עד יקם גוי איביו הלא היא כתובה על ספר הישר ויעמד השמש בחצי השמים ולא אץ לבוא כיום תמים׃

  2. יְהוֹשֻעַ י׳:י״דבערך 1451 לפנה״ס

    ולא היה כיום ההוא לפניו ואחריו לשמע יהוה בקול איש כי יהוה נלחם לישראל׃

  3. יְהוֹשֻעַ י׳:ט״ובערך 1451 לפנה״ס

    וישב יהושע וכל ישראל עמו אל המחנה הגלגלה׃

  4. יְהוֹשֻעַ י׳:ט״זבערך 1451 לפנה״ס

    וינסו חמשת המלכים האלה ויחבאו במערה במקדה׃

  5. יְהוֹשֻעַ י׳:י״זבערך 1451 לפנה״ס

    ויגד ליהושע לאמר נמצאו חמשת המלכים נחבאים במערה במקדה׃

  6. יְהוֹשֻעַ י׳:י״חבערך 1451 לפנה״ס

    ויאמר יהושע גלו אבנים גדלות אל פי המערה והפקידו עליה אנשים לשמרם׃

  7. יְהוֹשֻעַ י׳:י״טבערך 1451 לפנה״ס

    ואתם אל תעמדו רדפו אחרי איביכם וזנבתם אותם אל תתנום לבוא אל עריהם כי נתנם יהוה אלהיכם בידכם׃

  8. יְהוֹשֻעַ י׳:כ׳בערך 1451 לפנה״ס

    ויהי ככלות יהושע ובני ישראל להכותם מכה גדולה מאד עד תמם והשרידים שרדו מהם ויבאו אל ערי המבצר׃

  9. יְהוֹשֻעַ י׳:כ״אבערך 1451 לפנה״ס

    וישבו כל העם אל המחנה אל יהושע מקדה בשלום לא חרץ לבני ישראל לאיש את לשנו׃

  10. יְהוֹשֻעַ י׳:כ״בבערך 1451 לפנה״ס

    ויאמר יהושע פתחו את פי המערה והוציאו אלי את חמשת המלכים האלה מן המערה׃

  11. יְהוֹשֻעַ י׳:כ״גבערך 1451 לפנה״ס

    ויעשו כן ויציאו אליו את חמשת המלכים האלה מן המערה את מלך ירושלם את מלך חברון את מלך ירמות את מלך לכיש את מלך עגלון׃

  12. יְהוֹשֻעַ י׳:כ״דבערך 1451 לפנה״ס

    ויהי כהוציאם את המלכים האלה אל יהושע ויקרא יהושע אל כל איש ישראל ויאמר אל קציני אנשי המלחמה ההלכוא אתו קרבו שימו את רגליכם על צוארי המלכים האלה ויקרבו וישימו את רגליהם על צואריהם׃

  13. יְהוֹשֻעַ י׳:כ״הבערך 1451 לפנה״ס

    ויאמר אליהם יהושע אל תיראו ואל תחתו חזקו ואמצו כי ככה יעשה יהוה לכל איביכם אשר אתם נלחמים אותם׃

  14. יְהוֹשֻעַ י׳:כ״ובערך 1451 לפנה״ס

    ויכם יהושע אחרי כן וימיתם ויתלם על חמשה עצים ויהיו תלוים על העצים עד הערב׃

  15. יְהוֹשֻעַ י׳:כ״זבערך 1451 לפנה״ס

    ויהי לעת בוא השמש צוה יהושע וירידום מעל העצים וישלכם אל המערה אשר נחבאו שם וישמו אבנים גדלות על פי המערה עד עצם היום הזה׃

  16. יְהוֹשֻעַ י׳:כ״חבערך 1451 לפנה״ס

    ואת מקדה לכד יהושע ביום ההוא ויכה לפי חרב ואת מלכה החרם אותם ואת כל הנפש אשר בה לא השאיר שריד ויעש למלך מקדה כאשר עשה למלך יריחו׃

  17. יְהוֹשֻעַ י׳:כ״טבערך 1451 לפנה״ס

    ויעבר יהושע וכל ישראל עמו ממקדה לבנה וילחם עם לבנה׃

  18. יְהוֹשֻעַ י׳:ל׳בערך 1451 לפנה״ס

    ויתן יהוה גם אותה ביד ישראל ואת מלכה ויכה לפי חרב ואת כל הנפש אשר בה לא השאיר בה שריד ויעש למלכה כאשר עשה למלך יריחו׃

  19. יְהוֹשֻעַ י׳:ל״אבערך 1451 לפנה״ס

    ויעבר יהושע וכל ישראל עמו מלבנה לכישה ויחן עליה וילחם בה׃

  20. יְהוֹשֻעַ י׳:ל״בבערך 1451 לפנה״ס

    ויתן יהוה את לכיש ביד ישראל וילכדה ביום השני ויכה לפי חרב ואת כל הנפש אשר בה ככל אשר עשה ללבנה׃

  21. יְהוֹשֻעַ י׳:ל״גבערך 1451 לפנה״ס

    אז עלה הרם מלך גזר לעזר את לכיש ויכהו יהושע ואת עמו עד בלתי השאיר לו שריד׃

  22. יְהוֹשֻעַ י׳:ל״דבערך 1451 לפנה״ס

    ויעבר יהושע וכל ישראל עמו מלכיש עגלנה ויחנו עליה וילחמו עליה׃

  23. יְהוֹשֻעַ י׳:ל״הבערך 1451 לפנה״ס

    וילכדוה ביום ההוא ויכוה לפי חרב ואת כל הנפש אשר בה ביום ההוא החרים ככל אשר עשה ללכיש׃

  24. יְהוֹשֻעַ י׳:ל״ובערך 1451 לפנה״ס

    ויעל יהושע וכל ישראל עמו מעגלונה חברונה וילחמו עליה׃

  25. יְהוֹשֻעַ י׳:ל״זבערך 1451 לפנה״ס

    וילכדוה ויכוה לפי חרב ואת מלכה ואת כל עריה ואת כל הנפש אשר בה לא השאיר שריד ככל אשר עשה לעגלון ויחרם אותה ואת כל הנפש אשר בה׃