circa 1406–1380 BC

Conquest of Canaan

Joshua leads Israel across the Jordan into the promised land, defeating the Canaanite kingdoms one by one.

658 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. יְהוֹשֻעַ ט׳:ט״ובערך 1451 לפנה״ס

    ויעש להם יהושע שלום ויכרת להם ברית לחיותם וישבעו להם נשיאי העדה׃

  2. יְהוֹשֻעַ ט׳:ט״זבערך 1451 לפנה״ס

    ויהי מקצה שלשת ימים אחרי אשר כרתו להם ברית וישמעו כי קרבים הם אליו ובקרבו הם ישבים׃

  3. יְהוֹשֻעַ ט׳:י״זבערך 1451 לפנה״ס

    ויסעו בני ישראל ויבאו אל עריהם ביום השלישי ועריהם גבעון והכפירה ובארות וקרית יערים׃

  4. יְהוֹשֻעַ ט׳:י״חבערך 1451 לפנה״ס

    ולא הכום בני ישראל כי נשבעו להם נשיאי העדה ביהוה אלהי ישראל וילנו כל העדה על הנשיאים׃

  5. יְהוֹשֻעַ ט׳:י״טבערך 1451 לפנה״ס

    ויאמרו כל הנשיאים אל כל העדה אנחנו נשבענו להם ביהוה אלהי ישראל ועתה לא נוכל לנגע בהם׃

  6. יְהוֹשֻעַ ט׳:כ׳בערך 1451 לפנה״ס

    זאת נעשה להם והחיה אותם ולא יהיה עלינו קצף על השבועה אשר נשבענו להם׃

  7. יְהוֹשֻעַ ט׳:כ״אבערך 1451 לפנה״ס

    ויאמרו אליהם הנשיאים יחיו ויהיו חטבי עצים ושאבי מים לכל העדה כאשר דברו להם הנשיאים׃

  8. יְהוֹשֻעַ ט׳:כ״בבערך 1451 לפנה״ס

    ויקרא להם יהושע וידבר אליהם לאמר למה רמיתם אתנו לאמר רחוקים אנחנו מכם מאד ואתם בקרבנו ישבים׃

  9. יְהוֹשֻעַ ט׳:כ״גבערך 1451 לפנה״ס

    ועתה ארורים אתם ולא יכרת מכם עבד וחטבי עצים ושאבי מים לבית אלהי׃

  10. יְהוֹשֻעַ ט׳:כ״דבערך 1451 לפנה״ס

    ויענו את יהושע ויאמרו כי הגד הגד לעבדיך את אשר צוה יהוה אלהיך את משה עבדו לתת לכם את כל הארץ ולהשמיד את כל ישבי הארץ מפניכם ונירא מאד לנפשתינו מפניכם ונעשה את הדבר הזה׃

  11. יְהוֹשֻעַ ט׳:כ״הבערך 1451 לפנה״ס

    ועתה הננו בידך כטוב וכישר בעיניך לעשות לנו עשה׃

  12. יְהוֹשֻעַ ט׳:כ״ובערך 1451 לפנה״ס

    ויעש להם כן ויצל אותם מיד בני ישראל ולא הרגום׃

  13. יְהוֹשֻעַ ט׳:כ״זבערך 1451 לפנה״ס

    ויתנם יהושע ביום ההוא חטבי עצים ושאבי מים לעדה ולמזבח יהוה עד היום הזה אל המקום אשר יבחר׃

  14. יְהוֹשֻעַ י׳:א׳בערך 1451 לפנה״ס

    ¶ ויהי כשמע אדני צדק מלך ירושלם כי לכד יהושע את העי ויחרימה כאשר עשה ליריחו ולמלכה כן עשה לעי ולמלכה וכי השלימו ישבי גבעון את ישראל ויהיו בקרבם׃

  15. יְהוֹשֻעַ י׳:ב׳בערך 1451 לפנה״ס

    וייראו מאד כי עיר גדולה גבעון כאחת ערי הממלכה וכי היא גדולה מן העי וכל אנשיה גברים׃

  16. יְהוֹשֻעַ י׳:ג׳בערך 1451 לפנה״ס

    וישלח אדני צדק מלך ירושלם אל הוהם מלך חברון ואל פראם מלך ירמות ואל יפיע מלך לכיש ואל דביר מלך עגלון לאמר׃

  17. יְהוֹשֻעַ י׳:ד׳בערך 1451 לפנה״ס

    עלו אלי ועזרני ונכה את גבעון כי השלימה את יהושע ואת בני ישראל׃

  18. יְהוֹשֻעַ י׳:ה׳בערך 1451 לפנה״ס

    ויאספו ויעלו חמשת מלכי האמרי מלך ירושלם מלך חברון מלך ירמות מלך לכיש מלך עגלון הם וכל מחניהם ויחנו על גבעון וילחמו עליה׃

  19. יְהוֹשֻעַ י׳:ו׳בערך 1451 לפנה״ס

    וישלחו אנשי גבעון אל יהושע אל המחנה הגלגלה לאמר אל תרף ידיך מעבדיך עלה אלינו מהרה והושיעה לנו ועזרנו כי נקבצו אלינו כל מלכי האמרי ישבי ההר׃

  20. יְהוֹשֻעַ י׳:ז׳בערך 1451 לפנה״ס

    ויעל יהושע מן הגלגל הוא וכל עם המלחמה עמו וכל גבורי החיל׃

  21. יְהוֹשֻעַ י׳:ח׳בערך 1451 לפנה״ס

    ויאמר יהוה אל יהושע אל תירא מהם כי בידך נתתים לא יעמד איש מהם בפניך׃

  22. יְהוֹשֻעַ י׳:ט׳בערך 1451 לפנה״ס

    ויבא אליהם יהושע פתאם כל הלילה עלה מן הגלגל׃

  23. יְהוֹשֻעַ י׳:י׳בערך 1451 לפנה״ס

    ויהמם יהוה לפני ישראל ויכם מכה גדולה בגבעון וירדפם דרך מעלה בית חורן ויכם עד עזקה ועד מקדה׃

  24. יְהוֹשֻעַ י׳:י״אבערך 1451 לפנה״ס

    ויהי בנסם מפני ישראל הם במורד בית חורן ויהוה השליך עליהם אבנים גדלות מן השמים עד עזקה וימתו רבים אשר מתו באבני הברד מאשר הרגו בני ישראל בחרב׃

  25. יְהוֹשֻעַ י׳:י״בבערך 1451 לפנה״ס

    אז ידבר יהושע ליהוה ביום תת יהוה את האמרי לפני בני ישראל ויאמר לעיני ישראל שמש בגבעון דום וירח בעמק אילון׃