circa 1406–1380 BC

Conquest of Canaan

Joshua leads Israel across the Jordan into the promised land, defeating the Canaanite kingdoms one by one.

658 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. יְהוֹשֻעַ ז׳:כ״ובערך תנ״א לפנה״ס

    ויקימו עליו גל אבנים גדול עד היום הזה וישב יהוה מחרון אפו על כן קרא שם המקום ההוא עמק עכור עד היום הזה׃

  2. יְהוֹשֻעַ ח׳:א׳בערך תנ״א לפנה״ס

    ¶ ויאמר יהוה אל יהושע אל תירא ואל תחת קח עמך את כל עם המלחמה וקום עלה העי ראה נתתי בידך את מלך העי ואת עמו ואת עירו ואת ארצו׃

  3. יְהוֹשֻעַ ח׳:ב׳בערך תנ״א לפנה״ס

    ועשית לעי ולמלכה כאשר עשית ליריחו ולמלכה רק שללה ובהמתה תבזו לכם שים לך ארב לעיר מאחריה׃

  4. יְהוֹשֻעַ ח׳:ג׳בערך תנ״א לפנה״ס

    ויקם יהושע וכל עם המלחמה לעלות העי ויבחר יהושע שלשים אלף איש גבורי החיל וישלחם לילה׃

  5. יְהוֹשֻעַ ח׳:ד׳בערך תנ״א לפנה״ס

    ויצו אתם לאמר ראו אתם ארבים לעיר מאחרי העיר אל תרחיקו מן העיר מאד והייתם כלכם נכנים׃

  6. יְהוֹשֻעַ ח׳:ה׳בערך תנ״א לפנה״ס

    ואני וכל העם אשר אתי נקרב אל העיר והיה כי יצאו לקראתנו כאשר בראשנה ונסנו לפניהם׃

  7. יְהוֹשֻעַ ח׳:ו׳בערך תנ״א לפנה״ס

    ויצאו אחרינו עד התיקנו אותם מן העיר כי יאמרו נסים לפנינו כאשר בראשנה ונסנו לפניהם׃

  8. יְהוֹשֻעַ ח׳:ז׳בערך תנ״א לפנה״ס

    ואתם תקמו מהאורב והורשתם את העיר ונתנה יהוה אלהיכם בידכם׃

  9. יְהוֹשֻעַ ח׳:ח׳בערך תנ״א לפנה״ס

    והיה כתפשכם את העיר תציתו את העיר באש כדבר יהוה תעשו ראו צויתי אתכם׃

  10. יְהוֹשֻעַ ח׳:ט׳בערך תנ״א לפנה״ס

    וישלחם יהושע וילכו אל המארב וישבו בין בית אל ובין העי מים לעי וילן יהושע בלילה ההוא בתוך העם׃

  11. יְהוֹשֻעַ ח׳:י׳בערך תנ״א לפנה״ס

    וישכם יהושע בבקר ויפקד את העם ויעל הוא וזקני ישראל לפני העם העי׃

  12. יְהוֹשֻעַ ח׳:י״אבערך תנ״א לפנה״ס

    וכל העם המלחמה אשר אתו עלו ויגשו ויבאו נגד העיר ויחנו מצפון לעי והגי בינו ובין העי׃

  13. יְהוֹשֻעַ ח׳:י״בבערך תנ״א לפנה״ס

    ויקח כחמשת אלפים איש וישם אותם ארב בין בית אל ובין העי מים לעיר׃

  14. יְהוֹשֻעַ ח׳:י״גבערך תנ״א לפנה״ס

    וישימו העם את כל המחנה אשר מצפון לעיר ואת עקבו מים לעיר וילך יהושע בלילה ההוא בתוך העמק׃

  15. יְהוֹשֻעַ ח׳:י״דבערך תנ״א לפנה״ס

    ויהי כראות מלך העי וימהרו וישכימו ויצאו אנשי העיר לקראת ישראל למלחמה הוא וכל עמו למועד לפני הערבה והוא לא ידע כי ארב לו מאחרי העיר׃

  16. יְהוֹשֻעַ ח׳:ט״ובערך תנ״א לפנה״ס

    וינגעו יהושע וכל ישראל לפניהם וינסו דרך המדבר׃

  17. יְהוֹשֻעַ ח׳:ט״זבערך תנ״א לפנה״ס

    ויזעקו כל העם אשר בעיר לרדף אחריהם וירדפו אחרי יהושע וינתקו מן העיר׃

  18. יְהוֹשֻעַ ח׳:י״זבערך תנ״א לפנה״ס

    ולא נשאר איש בעי ובית אל אשר לא יצאו אחרי ישראל ויעזבו את העיר פתוחה וירדפו אחרי ישראל׃

  19. יְהוֹשֻעַ ח׳:י״חבערך תנ״א לפנה״ס

    ויאמר יהוה אל יהושע נטה בכידון אשר בידך אל העי כי בידך אתננה ויט יהושע בכידון אשר בידו אל העיר׃

  20. יְהוֹשֻעַ ח׳:י״טבערך תנ״א לפנה״ס

    והאורב קם מהרה ממקומו וירוצו כנטות ידו ויבאו העיר וילכדוה וימהרו ויציתו את העיר באש׃

  21. יְהוֹשֻעַ ח׳:כ׳בערך תנ״א לפנה״ס

    ויפנו אנשי העי אחריהם ויראו והנה עלה עשן העיר השמימה ולא היה בהם ידים לנוס הנה והנה והעם הנס המדבר נהפך אל הרודף׃

  22. יְהוֹשֻעַ ח׳:כ״אבערך תנ״א לפנה״ס

    ויהושע וכל ישראל ראו כי לכד הארב את העיר וכי עלה עשן העיר וישבו ויכו את אנשי העי׃

  23. יְהוֹשֻעַ ח׳:כ״בבערך תנ״א לפנה״ס

    ואלה יצאו מן העיר לקראתם ויהיו לישראל בתוך אלה מזה ואלה מזה ויכו אותם עד בלתי השאיר לו שריד ופליט׃

  24. יְהוֹשֻעַ ח׳:כ״גבערך תנ״א לפנה״ס

    ואת מלך העי תפשו חי ויקרבו אתו אל יהושע׃

  25. יְהוֹשֻעַ ח׳:כ״דבערך תנ״א לפנה״ס

    ויהי ככלות ישראל להרג את כל ישבי העי בשדה במדבר אשר רדפום בו ויפלו כלם לפי חרב עד תמם וישבו כל ישראל העי ויכו אתה לפי חרב׃