circa 1406–1380 BC

Conquest of Canaan

Joshua leads Israel across the Jordan into the promised land, defeating the Canaanite kingdoms one by one.

658 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. יְהוֹשֻעַ ו׳:ג׳בערך תנ״א לפנה״ס

    וסבתם את העיר כל אנשי המלחמה הקיף את העיר פעם אחת כה תעשה ששת ימים׃

  2. יְהוֹשֻעַ ו׳:ד׳בערך תנ״א לפנה״ס

    ושבעה כהנים ישאו שבעה שופרות היובלים לפני הארון וביום השביעי תסבו את העיר שבע פעמים והכהנים יתקעו בשופרות׃

  3. יְהוֹשֻעַ ו׳:ה׳בערך תנ״א לפנה״ס

    והיה במשך בקרן היובל בשמעכם את קול השופר יריעו כל העם תרועה גדולה ונפלה חומת העיר תחתיה ועלו העם איש נגדו׃

  4. יְהוֹשֻעַ ו׳:ו׳בערך תנ״א לפנה״ס

    ויקרא יהושע בן נון אל הכהנים ויאמר אלהם שאו את ארון הברית ושבעה כהנים ישאו שבעה שופרות יובלים לפני ארון יהוה׃

  5. יְהוֹשֻעַ ו׳:ז׳בערך תנ״א לפנה״ס

    ויאמרו אל העם עברו וסבו את העיר והחלוץ יעבר לפני ארון יהוה׃

  6. יְהוֹשֻעַ ו׳:ח׳בערך תנ״א לפנה״ס

    ויהי כאמר יהושע אל העם ושבעה הכהנים נשאים שבעה שופרות היובלים לפני יהוה עברו ותקעו בשופרות וארון ברית יהוה הלך אחריהם׃

  7. יְהוֹשֻעַ ו׳:ט׳בערך תנ״א לפנה״ס

    והחלוץ הלך לפני הכהנים תקעו השופרות והמאסף הלך אחרי הארון הלוך ותקוע בשופרות׃

  8. יְהוֹשֻעַ ו׳:י׳בערך תנ״א לפנה״ס

    ואת העם צוה יהושע לאמר לא תריעו ולא תשמיעו את קולכם ולא יצא מפיכם דבר עד יום אמרי אליכם הריעו והריעתם׃

  9. יְהוֹשֻעַ ו׳:י״אבערך תנ״א לפנה״ס

    ויסב ארון יהוה את העיר הקף פעם אחת ויבאו המחנה וילינו במחנה׃

  10. יְהוֹשֻעַ ו׳:י״בבערך תנ״א לפנה״ס

    וישכם יהושע בבקר וישאו הכהנים את ארון יהוה׃

  11. יְהוֹשֻעַ ו׳:י״גבערך תנ״א לפנה״ס

    ושבעה הכהנים נשאים שבעה שופרות היבלים לפני ארון יהוה הלכים הלוך ותקעו בשופרות והחלוץ הלך לפניהם והמאסף הלך אחרי ארון יהוה הולך ותקוע בשופרות׃

  12. יְהוֹשֻעַ ו׳:י״דבערך תנ״א לפנה״ס

    ויסבו את העיר ביום השני פעם אחת וישבו המחנה כה עשו ששת ימים׃

  13. יְהוֹשֻעַ ו׳:ט״ובערך תנ״א לפנה״ס

    ויהי ביום השביעי וישכמו כעלות השחר ויסבו את העיר כמשפט הזה שבע פעמים רק ביום ההוא סבבו את העיר שבע פעמים׃

  14. יְהוֹשֻעַ ו׳:ט״זבערך תנ״א לפנה״ס

    ויהי בפעם השביעית תקעו הכהנים בשופרות ויאמר יהושע אל העם הריעו כי נתן יהוה לכם את העיר׃

  15. יְהוֹשֻעַ ו׳:י״זבערך תנ״א לפנה״ס

    והיתה העיר חרם היא וכל אשר בה ליהוה רק רחב הזונה תחיה היא וכל אשר אתה בבית כי החבאתה את המלאכים אשר שלחנו׃

  16. יְהוֹשֻעַ ו׳:י״חבערך תנ״א לפנה״ס

    ורק אתם שמרו מן החרם פן תחרימו ולקחתם מן החרם ושמתם את מחנה ישראל לחרם ועכרתם אותו׃

  17. יְהוֹשֻעַ ו׳:י״טבערך תנ״א לפנה״ס

    וכל כסף וזהב וכלי נחשת וברזל קדש הוא ליהוה אוצר יהוה יבוא׃

  18. יְהוֹשֻעַ ו׳:כ׳בערך תנ״א לפנה״ס

    וירע העם ויתקעו בשפרות ויהי כשמע העם את קול השופר ויריעו העם תרועה גדולה ותפל החומה תחתיה ויעל העם העירה איש נגדו וילכדו את העיר׃

  19. יְהוֹשֻעַ ו׳:כ״אבערך תנ״א לפנה״ס

    ויחרימו את כל אשר בעיר מאיש ועד אשה מנער ועד זקן ועד שור ושה וחמור לפי חרב׃

  20. יְהוֹשֻעַ ו׳:כ״בבערך תנ״א לפנה״ס

    ולשנים האנשים המרגלים את הארץ אמר יהושע באו בית האשה הזונה והוציאו משם את האשה ואת כל אשר לה כאשר נשבעתם לה׃

  21. יְהוֹשֻעַ ו׳:כ״גבערך תנ״א לפנה״ס

    ויבאו הנערים המרגלים ויציאו את רחב ואת אביה ואת אמה ואת אחיה ואת כל אשר לה ואת כל משפחותיה הוציאו ויניחום מחוץ למחנה ישראל׃

  22. יְהוֹשֻעַ ו׳:כ״דבערך תנ״א לפנה״ס

    והעיר שרפו באש וכל אשר בה רק הכסף והזהב וכלי הנחשת והברזל נתנו אוצר בית יהוה׃

  23. יְהוֹשֻעַ ו׳:כ״הבערך תנ״א לפנה״ס

    ואת רחב הזונה ואת בית אביה ואת כל אשר לה החיה יהושע ותשב בקרב ישראל עד היום הזה כי החביאה את המלאכים אשר שלח יהושע לרגל את יריחו׃

  24. יְהוֹשֻעַ ו׳:כ״ובערך תנ״א לפנה״ס

    וישבע יהושע בעת ההיא לאמר ארור האיש לפני יהוה אשר יקום ובנה את העיר הזאת את יריחו בבכרו ייסדנה ובצעירו יציב דלתיה׃

  25. יְהוֹשֻעַ ו׳:כ״זבערך תנ״א לפנה״ס

    ויהי יהוה את יהושע ויהי שמעו בכל הארץ׃