TRV
- English
- King James KJV
- Complete Jewish CJB
- World English WEBM
- Berean Standard BSB
- American Standard ASV
- Geneva GNV
- Young's Literal YLT
- Douay-Rheims DRC
- International
- Shqip ALB
- العربية SVD
- বাংলা BN-IRV
- မြန်မာ Judson
- 简体文 CUV-S
- 繁體中文 CUV-T
- Čeština BKR
- Nederlands STVE
- Français LSG
- Deutsch SCH
- Ελληνικά Vamvas
- ગુજરાતી GU-IRV
- Hausa HCB
- עברית Hebrew
- हिन्दी HCV
- Magyar KAROLI
- Bahasa Indonesia INDO-TB
- Italiano Diodati
- 日本語 Kougo
- 한국어 Korean
- മലയാളം MAL
- मराठी MRCV
- Norsk DNB
- فارسی OPV
- Polski BG
- Português Almeida
- Română Cornilescu
- Русский Synodal
- Español RVG
- Kiswahili Neno
- Svenska SV1917
- Tagalog TAG-ADB
- தமிழ் TCV
- తెలుగు TSA
- ภาษาไทย THAI-KJV
- Українська Ohienko
- Tiếng Việt CADMAN
- Yorùbá YCB
circa 1406–1380 BC
Conquest of Canaan
Joshua leads Israel across the Jordan into the promised land, defeating the Canaanite kingdoms one by one.
פסוקים מתקופה זו
- יְהוֹשֻעַ ד׳:י״זבערך תנ״א לפנה״ס
ויצו יהושע את הכהנים לאמר עלו מן הירדן׃
- יְהוֹשֻעַ ד׳:י״חבערך תנ״א לפנה״ס
ויהי בעלות הכהנים נשאי ארון ברית יהוה מתוך הירדן נתקו כפות רגלי הכהנים אל החרבה וישבו מי הירדן למקומם וילכו כתמול שלשום על כל גדותיו׃
- יְהוֹשֻעַ ד׳:י״טבערך תנ״א לפנה״ס
והעם עלו מן הירדן בעשור לחדש הראשון ויחנו בגלגל בקצה מזרח יריחו׃
- יְהוֹשֻעַ ד׳:כ׳בערך תנ״א לפנה״ס
ואת שתים עשרה האבנים האלה אשר לקחו מן הירדן הקים יהושע בגלגל׃
- יְהוֹשֻעַ ד׳:כ״אבערך תנ״א לפנה״ס
ויאמר אל בני ישראל לאמר אשר ישאלון בניכם מחר את אבותם לאמר מה האבנים האלה׃
- יְהוֹשֻעַ ד׳:כ״בבערך תנ״א לפנה״ס
והודעתם את בניכם לאמר ביבשה עבר ישראל את הירדן הזה׃
- יְהוֹשֻעַ ד׳:כ״גבערך תנ״א לפנה״ס
אשר הוביש יהוה אלהיכם את מי הירדן מפניכם עד עברכם כאשר עשה יהוה אלהיכם לים סוף אשר הוביש מפנינו עד עברנו׃
- יְהוֹשֻעַ ד׳:כ״דבערך תנ״א לפנה״ס
למען דעת כל עמי הארץ את יד יהוה כי חזקה היא למען יראתם את יהוה אלהיכם כל הימים׃
- יְהוֹשֻעַ ה׳:א׳בערך תנ״א לפנה״ס
¶ ויהי כשמע כל מלכי האמרי אשר בעבר הירדן ימה וכל מלכי הכנעני אשר על הים את אשר הוביש יהוה את מי הירדן מפני בני ישראל עד עברנו וימס לבבם ולא היה בם עוד רוח מפני בני ישראל׃
- יְהוֹשֻעַ ה׳:ב׳בערך תנ״א לפנה״ס
בעת ההיא אמר יהוה אל יהושע עשה לך חרבות צרים ושוב מל את בני ישראל שנית׃
- יְהוֹשֻעַ ה׳:ג׳בערך תנ״א לפנה״ס
ויעש לו יהושע חרבות צרים וימל את בני ישראל אל גבעת הערלות׃
- יְהוֹשֻעַ ה׳:ד׳בערך תנ״א לפנה״ס
וזה הדבר אשר מל יהושע כל העם היצא ממצרים הזכרים כל אנשי המלחמה מתו במדבר בדרך בצאתם ממצרים׃
- יְהוֹשֻעַ ה׳:ה׳בערך תנ״א לפנה״ס
כי מלים היו כל העם היצאים וכל העם הילדים במדבר בדרך בצאתם ממצרים לא מלו׃
- יְהוֹשֻעַ ה׳:ו׳בערך תנ״א לפנה״ס
כי ארבעים שנה הלכו בני ישראל במדבר עד תם כל הגוי אנשי המלחמה היצאים ממצרים אשר לא שמעו בקול יהוה אשר נשבע יהוה להם לבלתי הראותם את הארץ אשר נשבע יהוה לאבותם לתת לנו ארץ זבת חלב ודבש׃
- יְהוֹשֻעַ ה׳:ז׳בערך תנ״א לפנה״ס
ואת בניהם הקים תחתם אתם מל יהושע כי ערלים היו כי לא מלו אותם בדרך׃
- יְהוֹשֻעַ ה׳:ח׳בערך תנ״א לפנה״ס
ויהי כאשר תמו כל הגוי להמול וישבו תחתם במחנה עד חיותם׃
- יְהוֹשֻעַ ה׳:ט׳בערך תנ״א לפנה״ס
ויאמר יהוה אל יהושע היום גלותי את חרפת מצרים מעליכם ויקרא שם המקום ההוא גלגל עד היום הזה׃
- יְהוֹשֻעַ ה׳:י׳בערך תנ״א לפנה״ס
ויחנו בני ישראל בגלגל ויעשו את הפסח בארבעה עשר יום לחדש בערב בערבות יריחו׃
- יְהוֹשֻעַ ה׳:י״אבערך תנ״א לפנה״ס
ויאכלו מעבור הארץ ממחרת הפסח מצות וקלוי בעצם היום הזה׃
- יְהוֹשֻעַ ה׳:י״בבערך תנ״א לפנה״ס
וישבת המן ממחרת באכלם מעבור הארץ ולא היה עוד לבני ישראל מן ויאכלו מתבואת ארץ כנען בשנה ההיא׃
- יְהוֹשֻעַ ה׳:י״גבערך תנ״א לפנה״ס
ויהי בהיות יהושע ביריחו וישא עיניו וירא והנה איש עמד לנגדו וחרבו שלופה בידו וילך יהושע אליו ויאמר לו הלנו אתה אם לצרינו׃
- יְהוֹשֻעַ ה׳:י״דבערך תנ״א לפנה״ס
ויאמר לא כי אני שר צבא יהוה עתה באתי ויפל יהושע אל פניו ארצה וישתחו ויאמר לו מה אדני מדבר אל עבדו׃
- יְהוֹשֻעַ ה׳:ט״ובערך תנ״א לפנה״ס
ויאמר שר צבא יהוה אל יהושע של נעלך מעל רגלך כי המקום אשר אתה עמד עליו קדש הוא ויעש יהושע כן׃
- יְהוֹשֻעַ ו׳:א׳בערך תנ״א לפנה״ס
¶ ויריחו סגרת ומסגרת מפני בני ישראל אין יוצא ואין בא׃
- יְהוֹשֻעַ ו׳:ב׳בערך תנ״א לפנה״ס
ויאמר יהוה אל יהושע ראה נתתי בידך את יריחו ואת מלכה גבורי החיל׃