Dan

63 פסוקים · 15 בני משפחה

פסוקים המזכירים את Dan

סינון לפי ספר
  1. יְהוֹשֻעַ י״ט:מ״ח

    זאת נחלת מטה בני דן למשפחתם הערים האלה וחצריהן׃

  2. יְהוֹשֻעַ כ״א:ה׳

    ולבני קהת הנותרים ממשפחת מטה אפרים וממטה דן ומחצי מטה מנשה בגורל ערים עשר׃

  3. יְהוֹשֻעַ כ״א:כ״ג

    וממטה דן את אלתקא ואת מגרשה את גבתון ואת מגרשה׃

  4. שֹׁפְטִים א׳:ל״ד

    וילחצו האמרי את בני דן ההרה כי לא נתנו לרדת לעמק׃

  5. שֹׁפְטִים ה׳:י״ז

    גלעד בעבר הירדן שכן ודן למה יגור אניות אשר ישב לחוף ימים ועל מפרציו ישכון׃

  6. שֹׁפְטִים י״ג:כ״ה

    ותחל רוח יהוה לפעמו במחנה דן בין צרעה ובין אשתאל׃

  7. שֹׁפְטִים י״ח:ב׳

    וישלחו בני דן ממשפחתם חמשה אנשים מקצותם אנשים בני חיל מצרעה ומאשתאל לרגל את הארץ ולחקרה ויאמרו אלהם לכו חקרו את הארץ ויבאו הר אפרים עד בית מיכה וילינו שם׃

  8. שֹׁפְטִים י״ח:ט״ז

    ושש מאות איש חגורים כלי מלחמתם נצבים פתח השער אשר מבני דן׃

  9. שֹׁפְטִים י״ח:כ״ב

    המה הרחיקו מבית מיכה והאנשים אשר בבתים אשר עם בית מיכה נזעקו וידביקו את בני דן׃

  10. שֹׁפְטִים י״ח:כ״ג

    ויקראו אל בני דן ויסבו פניהם ויאמרו למיכה מה לך כי נזעקת׃

  11. שֹׁפְטִים י״ח:כ״ה

    ויאמרו אליו בני דן אל תשמע קולך עמנו פן יפגעו בכם אנשים מרי נפש ואספתה נפשך ונפש ביתך׃

  12. שֹׁפְטִים י״ח:כ״ו

    וילכו בני דן לדרכם וירא מיכה כי חזקים המה ממנו ויפן וישב אל ביתו׃

  13. שֹׁפְטִים י״ח:כ״ט

    ויקראו שם העיר דן בשם דן אביהם אשר יולד לישראל ואולם ליש שם העיר לראשנה׃

  14. שֹׁפְטִים י״ח:ל׳

    ויקימו להם בני דן את הפסל ויהונתן בן גרשם בן מנשה הוא ובניו היו כהנים לשבט הדני עד יום גלות הארץ׃

  15. שֹׁפְטִים כ׳:א׳

    ¶ ויצאו כל בני ישראל ותקהל העדה כאיש אחד למדן ועד באר שבע וארץ הגלעד אל יהוה המצפה׃

  16. 1 שְׁמוּאֵל ג׳:כ׳

    וידע כל ישראל מדן ועד באר שבע כי נאמן שמואל לנביא ליהוה׃

  17. 2 שְׁמוּאֵל ג׳:י׳

    להעביר הממלכה מבית שאול ולהקים את כסא דוד על ישראל ועל יהודה מדן ועד באר שבע׃

  18. 2 שְׁמוּאֵל י״ז:י״א

    כי יעצתי האסף יאסף עליך כל ישראל מדן ועד באר שבע כחול אשר על הים לרב ופניך הלכים בקרב׃

  19. 2 שְׁמוּאֵל כ״ד:ב׳

    ויאמר המלך אל יואב שר החיל אשר אתו שוט נא בכל שבטי ישראל מדן ועד באר שבע ופקדו את העם וידעתי את מספר העם׃

  20. 2 שְׁמוּאֵל כ״ד:ט״ו

    ויתן יהוה דבר בישראל מהבקר ועד עת מועד וימת מן העם מדן ועד באר שבע שבעים אלף איש׃

  21. 1 מְלָכִים ד׳:כ״ה

    וישב יהודה וישראל לבטח איש תחת גפנו ותחת תאנתו מדן ועד באר שבע כל ימי שלמה׃

  22. 1 מְלָכִים י״ב:כ״ט

    וישם את האחד בבית אל ואת האחד נתן בדן׃

  23. 1 מְלָכִים י״ב:ל׳

    ויהי הדבר הזה לחטאת וילכו העם לפני האחד עד דן׃

  24. 1 מְלָכִים ט״ו:כ׳

    וישמע בן הדד אל המלך אסא וישלח את שרי החילים אשר לו על ערי ישראל ויך את עיון ואת דן ואת אבל בית מעכה ואת כל כנרות על כל ארץ נפתלי׃

  25. 2 מְלָכִים י׳:כ״ט

    רק חטאי ירבעם בן נבט אשר החטיא את ישראל לא סר יהוא מאחריהם עגלי הזהב אשר בית אל ואשר בדן׃