Bilhah

ויתן לבן לרחל בתו את בלהה שפחתו לה לשפחה׃

ותאמר הנה אמתי בלהה בא אליה ותלד על ברכי ואבנה גם אנכי ממנה׃

ותתן לו את בלהה שפחתה לאשה ויבא אליה יעקב׃

ותהר בלהה ותלד ליעקב בן׃

ותהר עוד ותלד בלהה שפחת רחל בן שני ליעקב׃

ויהי בשכן ישראל בארץ ההוא וילך ראובן וישכב את בלהה פילגש אביו וישמע ישראל ויהיו בני יעקב שנים עשר׃

ובני בלהה שפחת רחל דן ונפתלי׃

אלה תלדות יעקב יוסף בן שבע עשרה שנה היה רעה את אחיו בצאן והוא נער את בני בלהה ואת בני זלפה נשי אביו ויבא יוסף את דבתם רעה אל אביהם׃

אלה בני בלהה אשר נתן לבן לרחל בתו ותלד את אלה ליעקב כל נפש שבעה׃

בני נפתלי יחציאל וגוני ויצר ושלום בני בלהה׃