Ayoyin Littafi Mai Tsarki game da Privileges of Saints

Sa’ad da mugaye suka tasar mini don su cinye ni, sa’ad da abokan gābana da maƙiyina suka kawo mini hari, sun yi tuntuɓe suka fāɗi.

Ko da yake mayaƙa sun kewaye ni, zuciyata ba za tă ji tsoro ba; ko da yake ya ɓarke a kaina, duk da haka zan ƙarfafa.

Abu guda na roƙi Ubangiji, wannan shi ne na nema, cewa in zauna a gidan Ubangiji dukan kwanakin raina, in dubi kyan Ubangiji in kuma neme shi a cikin haikalinsa.

Gama a lokacin wahala, zai kiyaye ni lafiya a wurin zamansa; zai ɓoye ni cikin inuwar tabanakul nasa ya kuma sa ni can a bisa dutse.

Cikin hannuwanka na miƙa ruhuna; ka cece ni, ya Ubangiji Allah na gaskiya.

Muna jiran Ubangiji da bege; shi ne taimakonmu da garkuwarmu.

Kai ne Sarkina da kuma Allahna, wanda ya ba da nasarori wa Yaƙub.

Don mai bi da kaɗe-kaɗe. Ta ’Ya’yan Kora maza. Bisa ga alamot Waƙa ce. Allah ne mafakarmu da ƙarfinmu, kullum yana a shirye yă taimaka a lokacin wahala.

Ubangiji Maɗaukaki yana tare da mu; Allah na Yaƙub ne kagararmu. Sela

Gama wannan Allah shi ne Allahnmu har abada abadin; zai zama jagorarmu har zuwa ƙarshe.

ku kira gare ni a ranar wahala; zan cece ku, za ku kuwa girmama ni.”

Gama kai ne mafakata, hasumiya mai ƙarfi gāba da maƙiyi.

Jikina da zuciyata za su iya raunana, amma Allah ne ƙarfin zuciyata da kuma rabona har abada.

Gama Ubangiji Allah rana ne da kuma garkuwa; Ubangiji yakan yi alheri da kuma daraja; ba ya hana kowane abu mai kyau wa waɗanda suke aikata abin da yake daidai.

Addu’ar Musa Mutumin Allah. Ubangiji kai ne mazauninmu cikin dukan zamanai.

Ba za ka ji tsoron razanar dare, ko kibiyoyi da suke firiya da rana ba,

ko bala’in da yake aukowa cikin duhu, ko annobar da take hallakarwa da tsakar rana.

Dubu za su iya fāɗuwa a gefenka, dubu goma a hannun damanka, amma ba abin da zai zo kusa da kai.

Za ka dai gan da idanunka yadda ake hukunta mugaye.

In ka mai da Mafi Ɗaukaka wurin zamanka, har ma Ubangiji wanda yake mafakata,

to, babu wani mugun abin da zai same ka, ba masifar da za tă zo kusa da tentinka.

Kafin in sha wahala na kauce, amma yanzu ina biyayya da maganarka.

tabbatacce, shi da yake tsaron Isra’ila ba ya gyangyaɗi ko barci.

Ubangiji yana tsaronka, Ubangiji ne inuwa a hannun damanka;

Tabbatacce Allah shi ne mai cetona; zan dogara gare shi ba kuwa zan ji tsoro ba. Ubangiji, Ubangiji, ne ƙarfina da waƙata; ya zama mai cetona.”