פסוקים על Privileges of Saints

בקרב עלי מרעים לאכל את בשרי צרי ואיבי לי המה כשלו ונפלו׃

אם תחנה עלי מחנה לא יירא לבי אם תקום עלי מלחמה בזאת אני בוטח׃

אחת שאלתי מאת יהוה אותה אבקש שבתי בבית יהוה כל ימי חיי לחזות בנעם יהוה ולבקר בהיכלו׃

כי יצפנני בסכה ביום רעה יסתרני בסתר אהלו בצור ירוממני׃

בידך אפקיד רוחי פדיתה אותי יהוה אל אמת׃

נפשנו חכתה ליהוה עזרנו ומגננו הוא׃

אתה הוא מלכי אלהים צוה ישועות יעקב׃

¶ למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

יהוה צבאות עמנו משגב לנו אלהי יעקב סלה׃

כי זה אלהים אלהינו עולם ועד הוא ינהגנו על מות׃

וקראני ביום צרה אחלצך ותכבדני׃

כי היית מחסה לי מגדל עז מפני אויב׃

כלה שארי ולבבי צור לבבי וחלקי אלהים לעולם׃

כי שמש ומגן יהוה אלהים חן וכבוד יתן יהוה לא ימנע טוב להלכים בתמים׃

¶ תפלה למשה איש האלהים אדני מעון אתה היית לנו בדר ודר׃

לא תירא מפחד לילה מחץ יעוף יומם׃

מדבר באפל יהלך מקטב ישוד צהרים׃

יפל מצדך אלף ורבבה מימינך אליך לא יגש׃

רק בעיניך תביט ושלמת רשעים תראה׃

כי אתה יהוה מחסי עליון שמת מעונך׃

לא תאנה אליך רעה ונגע לא יקרב באהלך׃

טרם אענה אני שגג ועתה אמרתך שמרתי׃

הנה לא ינום ולא יישן שומר ישראל׃

יהוה שמרך יהוה צלך על יד ימינך׃

הנה אל ישועתי אבטח ולא אפחד כי עזי וזמרת יה יהוה ויהי לי לישועה׃