Ayoyin Littafi Mai Tsarki game da Obedience

Doka daga bakinka ya fi mini daraja fiye da azurfa da zinariya guda dubu.

Bari tausayinka yă zo mini don in rayu, gama dokarka ce farin cikina.

Sun kusa gama da ni a duniya, amma ban bar bin farillanka ba.

Kash, ga yadda nake ƙaunar dokarka! Ina tunani a kanta dukan yini.

Ina da ganewa fiye da dattawa, gama ina biyayya da farillanka.

Na kiyaye ƙafafuna daga kowace muguwar hanya domin in yi biyayya da maganarka.

Ban rabu da dokokinka ba, gama kai da kanka ne ka koya mini.

Na sami ganewa daga farillanka; saboda haka ina ƙin kowace hanyar da ba daidai ba.

Maganarka fitila ce ga ƙafafuna haske kuma a kan hanyata.

Na yi rantsuwa na kuma tabbatar da shi, cewa zan bi dokokinka masu adalci.

Ko da yake kullum ina riƙe da raina a hannuwana, ba zan manta da dokarka ba.

Zuciyata ta shirya a kan kiyaye ƙa’idodinka har ƙarshe.

Farillanka masu banmamaki ne; saboda haka nake yin biyayya da su.

Ina jiran cetonka, ya Ubangiji, ina kuma bin umarnanka.

Ina biyayya da farillanka, gama ina ƙaunarsu ƙwarai.

Ina biyayya da farillanka da kuma koyarwarka, gama dukan hanyoyina sanannu ne gare ka.

Ka koya mini in yi nufinka, gama kai ne Allahna; bari nagarin Ruhunka yă bi da ni a ƙasar da ba gargaɗa.

amma duk wanda ya saurare ni, zai zauna lafiya yă kuma kasance da rai kwance, ba tare da tsoron lahani ba.”

Duk wanda ya bi umarnai kan tsare ransa, amma duk wanda ya ƙi binsu zai mutu.

Duk wanda ya kiyaye doka ɗa ne mai la’akari, amma wanda yake abokantaka da masu zari yakan jawo wa mahaifinsa kunya.

In kuna da niyya kuna kuma yi mini biyayya, za ku ci abubuwa masu kyau daga ƙasar;

amma na ba su wannan umarni cewa ku yi mini biyayya, zan kuwa zama Allahnku ku kuma ku zama mutanena. Ku yi tafiya cikin dukan hanyoyin da na umarce ku, don ku zauna lafiya.

“Duk da haka kukan yi tambaya, ‘Me ya sa ɗan ba zai sami rabo a laifin mahaifinsa ba?’ Da yake ɗan ya yi abin da yake daidai da kuma gaskiya, ya kuma kiyaye dukan ƙa’idodina, tabbatacce zai rayu.

Kuma in na ce wa mugu, ‘Tabbatacce za ka mutu,’ amma sai ya juye daga zunubinsa ya kuma yi abin da yake gaskiya da kuma daidai,

in ya mayar da jingina, ya mayar da abin da ya sata, ya kiyaye ƙa’idodin da suke ba da rai, ya daina yin mugunta, tabbatacce zai rayu; ba zai mutu ba.