פסוקים על Obedience

טוב לי תורת פיך מאלפי זהב וכסף׃

יבאוני רחמיך ואחיה כי תורתך שעשעי׃

כמעט כלוני בארץ ואני לא עזבתי פקודיך׃

מה אהבתי תורתך כל היום היא שיחתי׃

מזקנים אתבונן כי פקודיך נצרתי׃

מכל ארח רע כלאתי רגלי למען אשמר דברך׃

ממשפטיך לא סרתי כי אתה הורתני׃

מפקודיך אתבונן על כן שנאתי כל ארח שקר׃

נר לרגלי דברך ואור לנתיבתי׃

נשבעתי ואקימה לשמר משפטי צדקך׃

נפשי בכפי תמיד ותורתך לא שכחתי׃

נטיתי לבי לעשות חקיך לעולם עקב׃

פלאות עדותיך על כן נצרתם נפשי׃

שברתי לישועתך יהוה ומצותיך עשיתי׃

שמרה נפשי עדתיך ואהבם מאד׃

שמרתי פקודיך ועדתיך כי כל דרכי נגדך׃

למדני לעשות רצונך כי אתה אלוהי רוחך טובה תנחני בארץ מישור׃

ושמע לי ישכן בטח ושאנן מפחד רעה׃

שמר מצוה שמר נפשו בוזה דרכיו יומת׃

נוצר תורה בן מבין ורעה זוללים יכלים אביו׃

אם תאבו ושמעתם טוב הארץ תאכלו׃

כי אם את הדבר הזה צויתי אותם לאמר שמעו בקולי והייתי לכם לאלהים ואתם תהיו לי לעם והלכתם בכל הדרך אשר אצוה אתכם למען ייטב לכם׃

ואמרתם מדע לא נשא הבן בעון האב והבן משפט וצדקה עשה את כל חקותי שמר ויעשה אתם חיה יחיה׃

ובאמרי לרשע מות תמות ושב מחטאתו ועשה משפט וצדקה׃

חבל ישיב רשע גזלה ישלם בחקות החיים הלך לבלתי עשות עול חיו יחיה לא ימות׃