פסוקים על Obedience: General references

135 פסוקים · 2 היבטים

פסוקים על General references

סינון לפי ספר
  1. בְּרֵאשִׁית י״ח:י״ט

    כי ידעתיו למען אשר יצוה את בניו ואת ביתו אחריו ושמרו דרך יהוה לעשות צדקה ומשפט למען הביא יהוה על אברהם את אשר דבר עליו׃

  2. שְׁמֹות י״ט:ה׳

    ועתה אם שמוע תשמעו בקלי ושמרתם את בריתי והייתם לי סגלה מכל העמים כי לי כל הארץ׃

  3. שְׁמֹות כ׳:ו׳

    ועשה חסד לאלפים לאהבי ולשמרי מצותי׃

  4. שְׁמֹות כ״ד:ז׳

    ויקח ספר הברית ויקרא באזני העם ויאמרו כל אשר דבר יהוה נעשה ונשמע׃

  5. בְּמִדְבַּר ט׳:כ״ג

    על פי יהוה יחנו ועל פי יהוה יסעו את משמרת יהוה שמרו על פי יהוה ביד משה׃

  6. בְּמִדְבַּר י״ד:כ״ד

    ועבדי כלב עקב היתה רוח אחרת עמו וימלא אחרי והביאתיו אל הארץ אשר בא שמה וזרעו יורשנה׃

  7. דְּבָרִים ה׳:י׳

    ועשה חסד לאלפים לאהבי ולשמרי מצותו׃

  8. יְהוֹשֻעַ י״ד:ו׳

    ויגשו בני יהודה אל יהושע בגלגל ויאמר אליו כלב בן יפנה הקנזי אתה ידעת את הדבר אשר דבר יהוה אל משה איש האלהים על אדותי ועל אדותיך בקדש ברנע׃

  9. יְהוֹשֻעַ י״ד:ז׳

    בן ארבעים שנה אנכי בשלח משה עבד יהוה אתי מקדש ברנע לרגל את הארץ ואשב אתו דבר כאשר עם לבבי׃

  10. יְהוֹשֻעַ י״ד:ח׳

    ואחי אשר עלו עמי המסיו את לב העם ואנכי מלאתי אחרי יהוה אלהי׃

  11. יְהוֹשֻעַ י״ד:ט׳

    וישבע משה ביום ההוא לאמר אם לא הארץ אשר דרכה רגלך בה לך תהיה לנחלה ולבניך עד עולם כי מלאת אחרי יהוה אלהי׃

  12. יְהוֹשֻעַ י״ד:י׳

    ועתה הנה החיה יהוה אותי כאשר דבר זה ארבעים וחמש שנה מאז דבר יהוה את הדבר הזה אל משה אשר הלך ישראל במדבר ועתה הנה אנכי היום בן חמש ושמונים שנה׃

  13. יְהוֹשֻעַ י״ד:י״א

    עודני היום חזק כאשר ביום שלח אותי משה ככחי אז וככחי עתה למלחמה ולצאת ולבוא׃

  14. יְהוֹשֻעַ י״ד:י״ב

    ועתה תנה לי את ההר הזה אשר דבר יהוה ביום ההוא כי אתה שמעת ביום ההוא כי ענקים שם וערים גדלות בצרות אולי יהוה אותי והורשתים כאשר דבר יהוה׃

  15. יְהוֹשֻעַ י״ד:י״ג

    ויברכהו יהושע ויתן את חברון לכלב בן יפנה לנחלה׃

  16. יְהוֹשֻעַ י״ד:י״ד

    על כן היתה חברון לכלב בן יפנה הקנזי לנחלה עד היום הזה יען אשר מלא אחרי יהוה אלהי ישראל׃

  17. יְהוֹשֻעַ כ״ב:ב׳

    ויאמר אליהם אתם שמרתם את כל אשר צוה אתכם משה עבד יהוה ותשמעו בקולי לכל אשר צויתי אתכם׃

  18. יְהוֹשֻעַ כ״ד:כ״ד

    ויאמרו העם אל יהושע את יהוה אלהינו נעבד ובקולו נשמע׃

  19. 1 מְלָכִים ג׳:י״ד

    ואם תלך בדרכי לשמר חקי ומצותי כאשר הלך דויד אביך והארכתי את ימיך׃

  20. 2 מְלָכִים י״ח:ו׳

    וידבק ביהוה לא סר מאחריו וישמר מצותיו אשר צוה יהוה את משה׃

  21. 2 מְלָכִים כ״א:ח׳

    ולא אסיף להניד רגל ישראל מן האדמה אשר נתתי לאבותם רק אם ישמרו לעשות ככל אשר צויתים ולכל התורה אשר צוה אתם עבדי משה׃

  22. נחמיה א׳:ה׳

    ואמר אנא יהוה אלהי השמים האל הגדול והנורא שמר הברית וחסד לאהביו ולשמרי מצותיו׃

  23. תְהִלִּים א׳:ב׳

    כי אם בתורת יהוה חפצו ובתורתו יהגה יומם ולילה׃

  24. תְהִלִּים י״ח:מ״ד

    לשמע אזן ישמעו לי בני נכר יכחשו לי׃

  25. תְהִלִּים כ״ה:י׳

    כל ארחות יהוה חסד ואמת לנצרי בריתו ועדתיו׃