פסוקים על Obedience

בעמוד ענן ידבר אליהם שמרו עדתיו וחק נתן למו׃

וחסד יהוה מעולם ועד עולם על יראיו וצדקתו לבני בנים׃

לשמרי בריתו ולזכרי פקדיו לעשותם׃

ברכו יהוה מלאכיו גברי כח עשי דברו לשמע בקול דברו׃

ברכו יהוה כל צבאיו משרתיו עשי רצונו׃

ראשית חכמה יראת יהוה שכל טוב לכל עשיהם תהלתו עמדת לעד׃

¶ הללו יה אשרי איש ירא את יהוה במצותיו חפץ מאד׃

אשרי נצרי עדתיו בכל לב ידרשוהו׃

אתה צויתה פקדיך לשמר מאד׃

אחלי יכנו דרכי לשמר חקיך׃

אז לא אבוש בהביטי אל כל מצותיך׃

את חקיך אשמר אל תעזבני עד מאד׃

בכל לבי דרשתיך אל תשגני ממצותיך׃

בפקדיך אשיחה ואביטה ארחתיך׃

בחקתיך אשתעשע לא אשכח דברך׃

גל מעלי חרפה ובוז כי עדתיך נצרתי׃

דרך אמונה בחרתי משפטיך שויתי׃

דבקתי בעדותיך יהוה אל תבישני׃

הורני יהוה דרך חקיך ואצרנה עקב׃

ואשמרה תורתך תמיד לעולם ועד׃

ואתהלכה ברחבה כי פקדיך דרשתי׃

זכרתי בלילה שמך יהוה ואשמרה תורתך׃

זאת היתה לי כי פקדיך נצרתי׃

חשבתי דרכי ואשיבה רגלי אל עדתיך׃

חשתי ולא התמהמהתי לשמר מצותיך׃