Vargje biblike për Obedience

Ai u foli atyre nga kolona e resë, dhe ata respektuan dëshmitë e tij dhe statutet që u dhe atyre.

Por mirësia e Zotit vazhdon nga përjetësia në përjetësi për ata që kanë frikë prej tij, dhe drejtësia e tij për bijtë e bijve,

për ata që respektojnë besëlidhjen e tij dhe mbajnë në mendje urdhërimet e tij për t'i zbatuar në praktikë.

Bekoni Zotin ju, engjëj të tij të pushtetshëm dhe të fortë, që bëni atë që thotë ai, duke iu bindur zërit të fjalës së tij.

Bekoni Zotin, ju, tërë ushtritë e tij, ju, tërë ministrat e tij, që zbatoni vullnetin e tij.

Frika e Zotit është zanafilla e diturisë; kanë dituri të madhe ata që zbatojnë në praktikë urdhërimet e tij; lëvdimi i tij vazhdon në përjetësi.

Aleluja. Lum njeriu që ka frikë nga Zoti dhe gjen një gëzim të madh në urdhërimet e tij.

Lum ata që respektojnë mësimet e tij, që e kërkojnë me gjithë zemër

Ti na ke urdhëruar të respektojmë urdhërimet e tua me kujdes.

Oh, rrugët e mia qofshin të qëndrueshme në respektimin e statuteve të tua.

Atëherë nuk do të turpërohem, kur të kem parasysh të gjitha urdhërimet e tua.

Do të respektoj statutet e tua, mos më braktis plotësisht.

Të kam kërkuar me gjithë zemër; mos më lër të devijoj nga urdhërimet e tua.

Do të mendoj thellë mbi urdhërimet e tua dhe do të marrë në konsideratë shtigjet e tua.

Do të kënaqem me statutet e tua dhe nuk do ta harroj fjalën tënde.

Hiq prej meje turpin dhe përbuzjen, sepse unë i kam respektuar porositë e tua.

Kam zgjedhur rrugën e besnikërisë; i kam vënë dekretet e tua para vetes.

Jam i lidhur me porositë e tua; o Zot, mos lejo që unë të hutohem.

Më mëso, o Zot, rrugën e statuteve të tu dhe unë do ta ndjek deri në fund.

Kështu do të respektoj ligjin tënd vazhdimisht, përjetë.

Do të ec në liri, sepse kërkoj urdhërimet e tua.

O Zot, unë kujtoj emrin tënd natën dhe respektoj ligjin tënd.

Kjo ndodh sepse respektoj urdhërimet e tua.

Kam shqyrtuar rrugët e mia dhe i kam kthyer hapat e mia ndaj urdhërave të tua.

Pa asnjë mëdyshje nxitova të respektoj urdhërimet e tua.