Hausa

circa AD 48–96

Letters to the Churches

Paul and other apostles write to strengthen, correct, and encourage the scattered churches across the Roman world.

2,767 ayoyi · 21 littattafai da aka rufe

Ayoyi daga wannan lokacin

Tsarin Nassi Bisa kwanan wata
Tace bisa littafi
  1. 1 Tessalonikawa 5:10kusan 54 M.

    Ya mutu saboda mu domin, ko muna a faɗake ko muna barci, mu kasance tare da shi.

  2. 1 Tessalonikawa 5:11kusan 54 M.

    Saboda haka ku ƙarfafa juna ku kuma gina juna, kamar dai yadda kuke yi.

  3. 1 Tessalonikawa 5:12kusan 54 M.

    To, muna roƙonku, ’yan’uwa, ku girmama waɗanda suke aiki sosai a cikinku, waɗanda suke bisanku cikin Ubangiji da kuma waɗanda suke yin muku gargaɗi.

  4. 1 Tessalonikawa 5:13kusan 54 M.

    Ku riƙe su da mutunci sosai cikin ƙauna saboda aikinsu. Ku yi zaman lafiya da juna.

  5. 1 Tessalonikawa 5:14kusan 54 M.

    Muna kuma gargaɗe ku, ’yan’uwa, ku gargaɗe waɗanda suke zaman banza, ku ƙarfafa masu raunanar zuciya, ku taimaki marasa ƙarfi, ku yi haƙuri da kowa.

  6. 1 Tessalonikawa 5:15kusan 54 M.

    Ku tabbata cewa kada kowa yă rama mugunta da mugunta, sai dai kullum ku yi ƙoƙarin yin wa juna alheri da kuma dukan mutane.

  7. 1 Tessalonikawa 5:16kusan 54 M.

    Ku riƙa farin ciki kullum;

  8. 1 Tessalonikawa 5:17kusan 54 M.

    ku ci gaba da yin addu’a;

  9. 1 Tessalonikawa 5:18kusan 54 M.

    ku yi godiya cikin kowane hali, gama wannan shi ne nufin Allah dominku cikin Kiristi Yesu.

  10. 1 Tessalonikawa 5:19kusan 54 M.

    Kada ku danne aikin Ruhu.

  11. 1 Tessalonikawa 5:20kusan 54 M.

    Kada ku rena annabci,

  12. 1 Tessalonikawa 5:21kusan 54 M.

    amma ku gwada kome, ku riƙe abin da yake mai kyau,

  13. 1 Tessalonikawa 5:22kusan 54 M.

    ku ƙi kowace mugunta.

  14. 1 Tessalonikawa 5:23kusan 54 M.

    Bari Allah da kansa, Allah na salama, yă tsarkake ku sarai. Bari dukan ruhunku, ranku, da kuma jikinku su zama marar aibi a dawowar Ubangijinmu Yesu Kiristi.

  15. 1 Tessalonikawa 5:24kusan 54 M.

    Wannan wanda ya kira ku mai aminci ne zai kuwa aikata.

  16. 1 Tessalonikawa 5:25kusan 54 M.

    ’Yan’uwa, ku yi mana addu’a.

  17. 1 Tessalonikawa 5:26kusan 54 M.

    Ku gaggai da dukan ’yan’uwa da sumba mai tsarki.

  18. 1 Tessalonikawa 5:27kusan 54 M.

    Na gama ku da Ubangiji ku sa a karanta wannan wasiƙa ga dukan ’yan’uwa.

  19. 1 Tessalonikawa 5:28kusan 54 M.

    Alherin Ubangijinmu Yesu Kiristi yă kasance tare da ku.

  20. 2 Tessalonikawa 1:1kusan 54 M.

    Bulus, da Sila, da Timoti, Zuwa ga ikkilisiya ta Tessalonikawa ta Allah Ubanmu da Ubangiji Yesu Kiristi.

  21. 2 Tessalonikawa 1:2kusan 54 M.

    Alheri da salama daga Allah Uba da kuma Ubangiji Yesu Kiristi, su kasance tare da ku.

  22. 2 Tessalonikawa 1:3kusan 54 M.

    Dole kullum mu gode wa Allah saboda ku, ’yan’uwa, haka kuwa ya dace, domin bangaskiyarku tana girma gaba-gaba, ƙaunar da kowannenku yake yi wa juna kuwa tana ƙaruwa.

  23. 2 Tessalonikawa 1:4kusan 54 M.

    Saboda haka, a cikin ikkilisiyoyin Allah muna taƙama game da daurewarku da kuma bangaskiyarku cikin dukan tsanani da gwaje-gwajen da kuke sha.

  24. 2 Tessalonikawa 1:5kusan 54 M.

    Dukan wannan yana tabbatar cewa hukuncin Allah daidai ne, saboda haka kuma za a lissafta ku a kan kun cancanci mulkin Allah, wanda dominsa ne kuke shan wahala.

  25. 2 Tessalonikawa 1:6kusan 54 M.

    Allah mai adalci ne, Zai sāka wa masu ba ku wahala da wahala